ಮಾಜಾಯಿನಾರ್, ಏರೆಗ್ಲಾ ಕಾಯಿ ಇತ್ತಿನ ಗೊತ್ತೇ ಇಜ್ಜಿ. ಆಂಡಾ ಅವು ಬುಲೆದ್ ತಿನ್ನಿನ ಕಾಲೊಗು ತಿರ್ ಬೂರಗನೇ ಗೊತ್ತು. ನೀರ್ಡ್ ಇತ್ತಿನ ಮೀನ್ ಪಜ್ಜೆ ನಾಡುನು ಸುಲಭ ಅತ್ತೆ, ದಾಯೆ ಪಂಡ ಆ್ಯಕ್ ತಾನ್ ಪೋತಿನ ಕುರು ಬುಡುದು ಪೋಪಿನ ಸೋಕು ಇಜ್ಜಿ. ತನ್ನ ಬೇಲೆ ಆಂಡ್. ಮುಗಿಂಡ್ ಪನ್ನಿನಂಚ ಬದ್ದಿನಾ, ಅರೆನ ಬಾಳ್ದ ಕೆಲವೇ ಕೆಲವು ಪುಟೊಕುಲು ತೆರಿಯೆರೆಗ್ ಎನ್ನಿನಾತ್ ಸುಲಭ ಆತ್ಜಿ, ಪ್ರಚಾರದ ಗಾಳಿಗ್ ಸೋಂಕದಿನ ಪೂ ಆರ್. ಅರೆಗ್ ಪ್ರಚಾರ ತಮ್ಮಾನ, ಸನ್ಮಾನ ಅತ್ತಾ ಬಿರುದು ಉಂದು ಮಲ್ಲ ಸಂಗತಿಯೇ ಅಲ್ಡ್, ಅರೆನ ಒಂಜೇ ಒಂಜಿ ಬಯಕೆ ಎಂಚ ತುಳು ನಾಟಕೊಲೆನ ಉದ್ಧಾರ ಮಲ್ಗೊಲಿ. ಅಂಚಿತ್ತಿನ ನರಮಾನ್ಯನ ಪುಟ್ಟು-ಬಲಕೆ ಯೇರೆಗ್ ಗೊತ್ತು? ಮಾತೆರೆಗ್ಲಾ ದೊಡ್ಡಣ್ಣ ಸೆಟ್ರು ಪಂಡ ತೆರಿದಿನಿ ರಡ್ಡ ಸಂಗತಿಲು ! ಒಂಜಿ ಅರೆನ ಪುದರ ದುಂಬು ಆರ್ ಪಾಡುನ ಆ ಕೆಸ್ತೂರು ಪನ್ನಿನ ಊರ ಪುದರ್ಡಾಸ್ರಾದ್ ಆರ್ ಕೆಮ್ಮೂರುದಾರ್ ಆಂಡಾ ಆ ಕೆಮ್ಮೂರು ಓಲುಂಡು ಪಂಡ್ ಅಕ್ಸೆಗ್ ತೆರಿದ್ಜಿ. ಬೊಕ್ಕ ರಡ್ಡನೇ ಸಂಗತಿ, ತುಳು ನಾಟಕದಾರ್ ಉಂದೇಡ್ ಲಾ ಮಿತ್ತ್ ಪಾತೆರಿಯೆಲ್ಲ ಅರೆನ ನಾಟಕೊಲು ನಟನೆ 83α......... B ಅಂಚಾಂಡ ಮೇರ್ ಬುಲೆದಿನ, ಪುಟ್ಟು ದಿನ ಜಾಗೆ ಓಲು ? ಇತ್ತೆದ ಉಡುಪಿ ಜಿಲ್ಲೆದ ಉಡುಪಿ ತಾಲೂಕುಡು ನನಲಾ ಕೆಲವೊಂಜಿ ಗ್ರಾಮೊಲು ಪೇಂಟೆದ ಸೋಂಕುದ ಗಂಧ ಗಾಳಿ ಸೋಂಕದೆ ತನ್ನವೇ ಆಯಿನ ಪೊರುಡು ವೊಯಲೊಂದುಂಡು. ಅಂಚಿತ್ತಿನ ಒಂಜಿ ಕುಗ್ರಾಮ ಕೆಮ್ಮೂರು. ಓಡೊದ ಆ ಗುಲಿಪಾಟೊಡು ಪೋವನಗ ನಮ ಪನ್ನಿನ ಕುದುರುದಂಚಿನ ಊರೊಂಜಿ ತಿಕ್ಕುಂಡು. ಈ ಊರುಡು ಇತ್ತೆಲಾ ಪ್ರಕೃತಿದ ಪೊರುಗು ದಾಲಾ ಕುಂದು ಇಜ್ಜಿ, ವ ಪೊರುಡು ತನ್ನಲಾ ಪಚ್ಚೆ ಸೀರೆ ತುತ್ತಿನ ಕೆಮೂರುದಮ್ಮ ಮುಗುರು ತೆಲಿತೊಂದೇ ಉಲ್ಲೊಲು, ಭಾರೀ ಬೆನ್ನಿನ ಜನಕುಲು, ಕಲ್ಸ್ ಕಡೆದ್ ನೀರ್ ಕನಪಿನ ಶಕ್ತಿ, ರಟ್ಟೆದ ಬಲ ಈ ಜನಕುಲೆಡ ಉಂಡು, ಬೆನ್ನಿ ಬರೆಟ್ಸ್ 3 11
