3 ಆರ್ ತುಳು ರಂಗಭೂಮಿಗ್ ಜಲಕ ಮಲ್ಪನಗ ಕೆಲವೊಂಜಿ ನಾಲ್ ಅಕ್ಷರ ಕಲ್ಸ್ ಆಫೀಸ್ ಬೇಲೆ ಮಲ್ಪುನಾಯಗ್ ಕಿರಿಕಿರಿಯಾಂಡ್. ಪಂಡ ಆಯೆ ಇತ್ತೆ ತುಳುನು ಮದತೊಂದು, ಆಯನ ಬಾಲು ಇತ್ತೆ ತುಳು ಪಾತೆರುಜಾ, ತುಳು ಪಾತೆರುನಾಯೆ ಕುರೆಕಟ್ಟಿದ್ ಹಳ್ಳಿದ ಕಂಡ ಬೆನ್ನಿನಾಯೆ. ಅಂಚಾದೇ ತುಳು ಪಾತೆರುನಾಯಗ್ 'ತುಲು..... ತುಲು... ತುಲುವೆ ! ತುಲ್ಲು ತುಲ್ಲುದು ಸೈತೆ.' ಪನ್ನಿನ ಸೆಲ್ಲನಾತ್, ಮಲ್ಲ ಜನಕುಲೆ ಎದುರುಡು ಅವು ಪಾತೆರ್ಂಡ ತನ್ನ ಘನಸ್ತಿಗೆಗ್ ಕಡಮೆ ಪನ್ಸಿನ ಪೋಡಿಗೆ ಅಂಚಾಂದ್.... ಮಲ್ಲ ಇಲ್ಲದ ದೊಡ್ಡಣ್ಣ ಸೆಟ್ಟು ಊರಿಡೀ ಬೆದೆ ಕಟ್ಟುನಂಚಿನ ಬೇಲೆ ಬೆನೆರೆಗ್ ಅಣಿ ಆವನಗ ದಾದನ ದಾನ್ನ ಕೆಲವೆರೆನ ಕೈತ್ತ ಬಿರೆಲ್ ಮೂಂಕುಗು ಪತ್ತಾಂಡ್. ಆಂಡಾ ದಾದನ ಅಕುಲೇ ಉಂಡು ಮಲ್ಲಿನ ಆ ನಾತ ಅಕೆಗೆ ದುಂಬುಗು ಕಮ್ಮೆನದಂಚ ಮೂಂಕುಗು ಕುಟ್ಟುನಗ 'ಆವೋಲಿ ದೊಡ್ಡಣ್ಣೆ! ಪನ್ನಾದ್ ಬಿರಲೊಂಜೆನ್ ಮೂಂಕುಗು ದೀಪಾಂಡ್. ದೊಡ್ಡಣ್ಣ ಸೆಟ್ ತುಳು ನಾಟಕೊಗು ಸುರು ಮಲ್ಲಿನಿ ಅತ್ತೆ, ಅರೆಡ್ ದುಂಬು ಏತೋ ಜನ ಪ್ರಯತ್ನ ಮಲ್ತ್ದ್ ಇತ್ತೆರ್. ಆಂಡಾ ಜನಕುಲು ಸರಿಯಾದ್ ಆಕ್ ಎನಂದ ಆ ತುಳು ನಾಟಕೊಲು ಅಲ್ಪ ಮುಲ್ಪ ಮೆನ್ಸುರಿದಂಚ ಕತ್ತಲೆಡ್ ಬೊಲ್ಪುದ ಕಿಡಿ ತೋಜಾದ್ ಮಾಜೊಂದಿತ್ತ. ಅಂಚಾದ್ ಆ ನಾಟಕೊಲೆನ ಬೊಕ್ಕ ಆ ನಾಟಕ ಬರೆಯಿನಲ್ಲಿನ ಆವಡ್, ಗೊಬ್ಬುದಿನಕ್ಷೆನ ಆವಡ್ ಹೆಚ್ಚಿಗೆ ದಾಲಾ ವಿಶಯ ತೆರಿಯುಜಿ. ಪಂಡ ಅಲ್ಪಲ್ಪ ಮೂಡೊಂದು ಬನ್ನಗನೇ ಅವು ಮಾಜೊಂದಿತ್ತ. ಆಂಡಾ.... ದೊಡ್ಡಣ್ಣ ಸೆಟ್ಟು, ಮೆನ್ಸುರಿದಂಚತ್, ಮೇಣದ ಬತ್ತಿದಂಚ ತುಳು ರಂಗಭೂಮಿಗಾದ್ ತನನ್ ತಾನೇ ಕರಗಾವೊಂದು ಬೊಟ್ಟು ಕೊರಿಯರ್, ಆ ಬೊಲ್ಲು ಒಂಜತ್ ಸಾರಗಟ್ಟಲೆ ತುಳು ನಾಟಕ ಕಾರೆರೆನ್ ಉಂಡು ಮಲ್ತ್ಂಡ್. ಗಂಧ ತರೆಯಿನಂಚ ತರೆಯೊಂದು ತನ್ನ ಕಮ್ಮನ ಕೊರಿಯೆರ್, ಕಂರು ಪುಂಟೆಂದು ತೀಪೆ ಕೊಬ್ಬಿನಂಚ ಜೀವನ ರಂಗೊಡು ಮಾತಲಾ ಕಲೆಕಾದೇ ಸಮರ್ಪಣೆ ಮಲ್ತ್ದ್ ತುಳುನಾಡ್ದ ಬೊಳ್ಳಿ ಆಯೆರ್. 7
