ಅವು ದಾಲಾ ಅತ್ತೆ ವ ಮೋಸದ ಸೋಂಕಣೆಲಾ ಆಟ್ ಇಜ್ಜಿ ಪಂಡ್ದ್ ತೆರಿಯನಗ ತುಳುವೆರೆನ ಮನಸ್ಸಿದ ನಾಲಾಯಿಗ್ ದೊಡ್ಡಣೆರೆನ ಅಟ್ಟಿಲ್ಲಾ ರುಚಿ ದಿನ ಕರಿಯನಗ ದೊಡ್ಡಣ್ಣ ಸೆಟ್ಟು, ಜನಕುಲೆನ ರುಚಿ ಓವು? ಅಕ್ಸೆಗ್ ಯಾನ್ ಎಂಚಿನ ಕೊರೊಡು? ಅವೈನ್ ಎಂಚ ಕೊರೊಡು ಪಂಡ್ದ್ ನಾಡೆರೆಗ್ ಪತಿಯೆರ್, ಊರುಡುಲಾ ಜನಕುಲೆಗ್ ಬಂಜಿದ ಬಡವುದ ಒಟ್ಟುಡೇ ಮನಸ್ದ ಬಡವುಲಾ ಹೆಚ್ಚಾದ್ ಬತ್ತ್ಂಡ್. ಅಂಚಾದ್ ಕೆಸ್ತೂರುದರೆನ್ ಅಡ್ಡ ಕಣ್ಣಿಡ್ ತೂವೊಂದಿತ್ತಿನನ್ನು ದಾದನ ಮೇರ್ ಎಂಕ್ಲಗ್ ಬೋಡಾಯಿನನ್ ಕೊರೊಂದುಲ್ಲೆರ್, ಅವೇನ್ ದೆತೊನೊಡು ಪಂಡ್ದ್ ಎನ್ನಿದ್ ಅರೆಡ ಪಾತೆರ ಕತೆಕ್ ಸುರು ಮಲ್ಲೆರ್. ಅಂಚಾಂಡ ದಾನ ಕೊಡು.... ? ಎಂಕೆನ್ ಬುಡುದು ಪೋತಿನ ಬ್ರಿಟಿಷೆರೆನ ಮಡೆ ವಣಸು? ಅತ್ತ ರೆಡಿಮೇಡ್ ಅಡ್ಡೆ. ಈ ಪ್ರಶ್ನೆ ಲಂಡ್. ಆಂಡಾ ಅರೆನ ಮನಸ್ಸಡ್ ಏಪೊಲಾ ಮಣ್ಡ್ ಸೇರಿನ ಕೊಪ್ಪರಿಗೆ ಲಕ್ಕಾವುನ ಛದಿ ! ಅಂಚಾದೇ ಹಟ ಕಟ್ಟಿನ ಬಾಲೆ ಅಪ್ಪೆಡ ಛಲ ಮಲ್ಲೊಂದು ಆಂಡಾಲಾ ತಂಕ್ ಬೊಡಾಪಿನ ದೆತೊನುನಂಚ ಶೆಟ್ರುಲಾ ಛಲ ಕಟ್ಟಿಯೆರ್. ಕಡೆಕ್ ತಾನ್ ಗಂದಿಯೆರ್. ಆರ್ ನಾಡ್ ಪತಿಯೆರ್ ತುಳುನಾಡ್ದ ಮಣ್ಡ್ ಬುಲೆದಿನ, ಅಲ್ಪನೇ ಇತ್ತ್ದ್ ಯೇ ಬರುವೆರ್ ಪಂಡ್ದ್ ಕಾತೊಂದು ಇತ್ತಿನ ಆ ಕೊಪ್ಪರಿಗೆನ್, ಪಂಡ ಸೋಂಕಣೆ ಆವಂದಿನ ಜನಪದ. ಅರೆಗ್ ತೋಜಿಂಡ್ ಮುಲ್ಪ ಬುಲೆದಿನ ಬಯಿ ಬಾರ್, ಕೇಯಿತ ಕಟ್ಟ ಇಲ್ಲದ ತುಪ್ಪೆ, ಸಿರಿ. ಅಂಚಾದ್ ದಾಲಾ ಬೆರಕೆ ಪಾಡಂದೆ ಪೊಲಿಟ್ಸ್ ದಿಂಜಾದಿನ ಭಾರ್ನ್ ಗುರ ದೀದ್ ಬೇಯಿಪಾದ್, ಬಾಡ್ನ ಮಲ್ಲಾದ್, ಇಲ್ಲಾದ ಮುಂದಿಲ್ಲೇ ಪಾಡ್ಡಿನ ಗುರಿಟ್ಸ್ ಉಜ್ಜೆರ್ ಮೆತ್ತ ಅರಿಮಲ್ಲೆರ್. ಅಂಚಿತ್ತಿನ ಅರಿಟ್ಸ್ ಮಲ್ಲಿನ ಆ ಕಜ ಅರಿತ್ತ ಸೇಮಯ್ದ ಅಡ್ಡೆದ ರುಚಿ ತಿಂದಿನಾಯಗ್ ಮಾತ್ರ ತೆರಿಯು, ಆಕ್ ಆರ್ ಕೊರಿನ ಪೇರ್ಲಾ ಎಂಚಿನ ಎಡ್ಡೆನ ಭಿತ್ತೋದ ತಾರೆದ ಆ ತಾರಾಯಿಡ್ ಕಲೆತ್ತಿನ ದನಿ ಪೇರ್ ! ಆ ರುಚಿ ಪತ್ತಿನ ನಾಲಾಯಿ ಯಾಪೊಲಾ ಅಯಿತ ರುಚಿ ಮದಪಂದ್ ಅಂಚನೇ ಎತ್ತೆಂತಿನಷ್ಟೇ ಕೊಗ್ ಸುರು ಮಲ್ಲೆರ್ ದೊಡ್ಡಣ್ಣ ಸೆಟ್. 3 5
