ಅವು. ವಟ್ಟಾರೆ ಈ ಬೊಲ್ಪುದ ಪಿರವುದ ನಿರೆಲ್ ಅತ್ತ್ ಆ ತೂಂಕಲಾದ ತಂಪು ಬೊಲ್ಲು ಇನಿಕ್ಲಾ ತುಳುನಾಡ್ಡ್ ಬೆಳಗೊಂದುಂಡು. ಆ ನರಮಾನ್ಯನ್ ತುಳು ರಂಗಭೂಮಿದ ಪೆಮ್ಮೆ ತೆರಿದಿನ ನಡು ಪಿರಯನ ಪ್ರತಿಯೊರಿಲಾ ಅಪಗಪಗ ನಿನೆಪುವೆ. ಆರ್ ಯೇರ್? ತುಳು ರಂಗಭೂಮಿದ ಆ ಚಾವಡಿದ ಗುರಾರೆ ಯೇ ಪಂಡ ಹಳ್ಳಿ ಹಳ್ಳಿದ ನಡು ಪಿರಯದಕುಲು ಒಂಜೇ ಸ್ವರೊಟ್ಟು ಪನ್ನೆರ್ 'ಆರ್! ನಮ್ಮ ಕೆಮ್ಮೂರುದಾರ್ ಅತ್ತಾ? ಆರ್ ನಮ್ಮ ದೊಡ್ಡಣ್ಣ ಸೆಟ್ಟು ಅತ್ತಾ ? ? ಯೇರೆಗ್ ತಿಕ್ಕು ಈ ಭಾಗ್ಯ ? ಬದ್ಕ್ ಇಪ್ಪನಗನೇ ಮದೆತ್ದ್ ಪೋಪಿನ ಈ ಕಬ್ಬಿಗೂಡು ಸೈತ್ ಪರಲೋಕೊಗು ಸಂದ್ದ್ ವರ್ಸೊಲು ಕರಿದ್ ಪೋಂಡಲಾ ನನಲಾ ಜನಮಾನಿನ ನೆಂಪುದ ಲೋಕೊಡು ಜಾಗೆ ದೆತೊಂದು ಅಲ್ ಪಿದಾಯಿ ನೆಗತ್ದ್ ಬರಿನಿ ಪಂಡ ಅವು ಆತ್ ಸುಲಭದ ಸಂಗತಿ ಅತ್ತ್. ಅಂದ್..... ಇನಿ ನಮ ತುಳುನಾಡ್ ತುಳುತ್ತ ಬಗ್ಗೆ ದಾದನ ಅಸಡ್ಡೆ ಮಲ್ಲೊಂದುಲ್ಲ. ತುಳು ಬಾಸೆ ಏತೋ ನಮ್ಮ ಜನಕುಲೆನ ಬಾಯಿಡ್ ಬನ್ನಗ ದಾದನ ಅವು ತಿರಿಯರ, ಚಲ್ ಬಾಸೆ ಪನ್ನಿನ ಭಾವನೆ ಇತ್ತೆದ ಈ ಕಾಲೊಡು ಇತ್ ಆಂಡಾಲಾ ತುಳು ಜೀವೊಡು ಇಪ್ಪೆರೆಗ್ ಸೊಂದಿನ ಹೆರಿಯೆರೆಗ್ ಮಣೆ ದೀನಗ ಕೆಮೂರುವರೆಗ್ ಮಿತ್ತ ಸಾಲ್ಡ್ ಮಣೆ ದೀನ್ಹಾ ಅವು ದಾಲಾ ತಪ್ಪು ಆವಂದ್, ಪಂಡ ನಮ್ಮ ನಡುಟ್ಟು ಕೆಲವೆರೆನ ಎಲ್ಯ ಬುದ್ದಿಡ್ ತುಳು ಪಂಡ ಕಾಲೀ ಕಂಡೊಡು ಬೆನ್ನಿ ಬೆನ್ನಿನಾಯನ ಮೊರಲ್ ಪಾಡುನ ಬಾಸೆ ! ಅತ್ತಾ ಪೊಣೋವು ನಟ್ಟಿ ನಡ್ನಗ ಓ ಬೇಲೆ, ಪಾಡ್ಡನ ಪನ್ನಿನ ಬಾಸೆ ! ಅತ್ತಾ ನಮ್ಮ ದೈವ ದೇವೆರೆಗ್ ಕೋಲ ನೇಮದ ಪೊರುಡು ಸಂಧಿ ಪನ್ನಿನ ಬಾಸೆ! ಆಂಡಾ..... ಚಲ್ಡ್ ಪಂಡ್ದ್ ಚಿಲ್ಡ್ದ್ ಬುಡ್ಡಿನ ಪೊದೆ ಉಂದತ್ತ್, ಆ ಮಣ್ಡ್ ಉಂಡಾಯಿನ ಭಾಷೆ ತುಳುವನ ಉಲ್ಯಾ ಸೇರ್ ಆಯನ ಪೆರೆನ್ ಹೆಚ್ಚಾಯಿ ಕೀರಿದ ತರೆತ್ರ ದೀವೊಡು ಇನಿಕ್ ಕಾಯ ಬುಡುದು ಕೈಲಾಸ ಸಂದಿನ ದೊಡ್ಡಣ್ಣ ಸೆಗ್ ತುಳುನಾಡ್ ತುಳು ಭಾಸದ ಅಂತ್ಗೊಂತು, ಪೊರು ಪೊಳಕೆನ್ ಪಸರಿನ ಆ ಜೀವ ತುಳುವಪ್ಪೆನ ಈ ಉಂಡಾಯಿನ ಭೂಮಿದ ರುಣ ಸಂದಾದ, ತುಳುನಾಡ್ ಮಲ್ಲಿ ಒಂಜಿ ಗುಡಿ, ಆ ಗುಡಿತ್ತ ದೇವಿಯೇ ತುಳುದೇವಿ. 3
