ಮುಲ್ಪಡ್ ಒಂತೆ ದಿನೊಕಾಂಡಲಾ ಪಿದಯಿ ಗಿಡ, 13 ದಿನತ ಮಗಾಂಡಲಾ ಸ್ವತಂತ್ರ ತುಳು ರಾಜ್ಯ ರಚನೆ ಆಂಡ್. ಆಂಡ ಇಡೀ ದೇಶನೇ ನಿಂಗ್ ಕುಲ್ಲಿನ ಬ್ರಿಟಿಷೆರೆಗ್ ತುಳುನಾಡ ಆಡಳಿತನ್ ಜನೊಕುಲೆ ಕೈಡ್ಸ್ ವಶಕೊ ದೆತೊನ್ನ ಒಂಜಿ ಮಲ್ಲ ಕೆಲಸೊನೇ ಆಯಿಜಿ. ಈ ಸ್ವಾತಂತ್ರ್ಯ ಹೊರಾಟೊ ಅಮರ ಸುಳ್ಯದ ಕ್ರಾಂತಿ ಪಂಡ್ದ್ ಚರಿತ್ರೆಡ್ ಒಂಜಿ ಜಾಗೆ ಪಡೆಂಡ್, ಈ ಕಾಳಗೊಡು ಏತೋಜನ ಜೂವೊ ಕಳೆಯ ಏತೋ ಜನ ಕರ್ಪಿಲ್ ಸೇರ್, ಏತೋ ಜನೊನು ಗಲ್ಲಿಗೇರಯೆರ್. બે ಕಲ್ಯಾಣಪ್ಪೆ ಪನ್ಸಿ ರಾಜನ್ ದುಂಬು ದೀವೊಂದು ಈ ದಂಡಯಾತ್ರೆ ನಡತಿನೆಡ್ಡಾವರ ನೆನ್ಸ್ ಬ್ರಿಟಿಷೆರ್ ಕಲ್ಯಾಣಪ್ಪನ ದರೊಡೆಂದ್ ಪಂಡೆರ್. ಸ್ವಾತಂತ್ರ್ಯದ ಬಗೆಟ್ ತಿಳಿವಳಿಕೆ ದಾಂತಿನ ಜನೊಕುಲು ನೆನ್ಸ್ ಕಲ್ಯಾಣಪ್ಪನ ಕಾಟ್ಕಾಯಿ ಪಂಡೆರ್, ಏತೋ ಜನ ಕಲ್ಯಾಣಪ್ಪನ್ ಪುಗರೆ. ಏತೋ ಜನ ದೂರೆರ್, ಆಯನ ಬಗೆಟ್ ಗಾದೆ, ಐತಿಹ್ಯ, ಕತೆಕುಲು ಪುಟ್ಟುದು ಜಾನಪದೊಟು ಸೇರ್ದ್ಪೋಂಡು, ಅಮರ ಸುಳ್ಯದ ಕ್ರಾಂತಿದ ರೂವಾರಿ ಕೆದಂಬಾಡಿ ರಾಮಗೌಡೆ. ಉಡಲ್ ನಿನ್ನೆ ದೇಶಭಕ್ತಿದಿಂಜವೊಂದು ತನ್ನ ಜಮ್ಮೊಗಾದ್ ಜೂನ ಕೊರೆರೆಲಾ ತಯಾರಾದಿತ್ತಿನ ಮಲ್ಲ ಧೈರ್ಯವಂತೆ, ಜನೊಕುಲೆನ್ ಒಟ್ಟು ಸೇರವುನ ತಾಕತ್ ಇತ್ತಿ ಸಾತ್ವಿಕ ಸ್ವಭಾವೊದ ಸಂಘಟಕೆ, ದಂಡಯಾತ್ರೆ ಮಲ್ಲೊಡೂಂದಾಂಡ ಅಯಿಕೊರಿ ರಾಜೆನೇ ದಂಡ ನಾಯಕೆ ಆವೊಡು ಪನ್ನಿ ಕಲ್ಪನೆಡ್ ಕಲ್ಯಾಣಪ್ಪನ್ ಉಟರ್ನೆ ಮಲ್ಲಿ ನಾಯೆನೇ ರಾಮಗೌಡ. ಮಾತ ಆಯೆ ಎನ್ನಿಲೆಕ ಆಂಡ್. ಆಂಡ ದಾನೆ, ದಂಡಾಲ್ನ ಸಂಕೆ ಮಿತಿ ಮಿರೆಡ್ಡಾವರ ಕಾತೊನ್ಯರೆ ಒಂತೆ ಬಂಜ ಆಂಡ್. ಬ್ರಿಟಿಷೆರೆನ ಸೇನೆ ಬತ್ತ ಕುಡಲಗ್ ಆಕ್ರಮಣ ಮಲ್ಲುನಗ ಆಯೆ ಪೋಡಿದ್ ಬಲಿತಿಜೆ. ಆಯನ ಜೊತೆಟಿ ಸೈನಿಕರೆನ್ಲೆತೊಂದು ದಣ್ಣಾಯಕೆ ಆದ್ ಕಾದಾಟ ಮತ್ತೆ. ಆಯನೊಟ್ಟಿಗೆ ಆಯನ ಇಚ್ಛೆ ಹುಲಿಕುಂದ ನಂಜಯ್ಯಲಾ ಕಾದ್ಯೆ. ಆಂಡ ಗಂದ್ಯರಾಯಿಜಿ. ದೇಶ್ಗು ಬೋಡದ್ ಜೂವೊ ಕೊರೊಡಾದ್ ಬಂಡ್, ಅಕುಲು ಹುತಾತ್ಮರಾಯೆರ್. ಭಾರತದ ಸ್ವಾತಂತ್ರ್ಯ ಹೋರಾಟೊದ ಕತೆಟ್ ಭಗತ್ಸಿಂಗ್ ಚಂದ್ರಶೇಖರ ಆಜಾದ್ ಎಂಚ ಬಲಿದಾನ ಆಯರಾ ಅಂಚನೆ ಕೆದಂಬಾಡಿ ರಾಮಗೌಡ ಹುಲಿಕುಂದ ನಂಜಯ್ಯಲಾ ಬ್ರಿಟಿಷೆರೆನ ಗುಂಡುಗು ಬಲಿಯಾದ್ ಹುತಾತ್ಮರಾತೆರ್, ಭಗತ್ಸಿಂಗ್ ನಂಚಿನಕುಲೆಗ್ ತಿಕ್ಕುನ ಮಾನಾದಿಗ್ ಕೆದಂಬಾಡಿ ರಾಮಗೌಡಗ್ ತಿಕ್ಕೊಂದಿಜ್ಜಿ. ಅವು ತಿಕ್ಕುಲೆಕಾವೊಡು, ಸರಕಾರ vi
