ಆಯರೆ ಸಾಧ್ಯನೇ ಇಜ್ಜಿ. ಕೊಡಗೆರ್ ಈ ಹೋರಾಟೊಡು ಪಾಲ್ ಪಡೆತ್ ಜೆ ಅಪ್ಪರಂಡ ಬೋಪು ದಿವಾನೆ ನೆನ್ಸ್ ಉಂತಯರೆ ತೂಯೆ, ಕೊಡಗ್ದ ದಿವಾನೆರಾದಿತ್ತಿನ ತುಳು ಬಾಸೆದ ಲಕ್ಷ್ಮೀ ನಾರಾಯಣಯ್ಯನ್, ಆಯೆ ದಂಗೆಗ್ ಸಾಯೊ ಮತ್ತೆಂದ್ ಬ್ರಿಟಿಷೆರ್ ಕೆಲಸೊಡ್ಡು ವಜಾ ಮಲ್ಲೆರ್ ಶಿಕ್ಷೆ ಕೊರೆರ್, ಆತೇ ಅತ್ತ್ ಈ ದಂಡಯಾತ್ರೆ ಸಂಪಾಜೆಕ್ಟ್ ಕುಡಲ ಮುಟ್ಟ ನಡತ್ಂಡ್. ಹೋರಾಟ ನಡತಿಜಾಗೆ ಪೂರ ತುಳುನಾಡ್ಗ್ ಸೇರಿತ್ತಿನವು. ಈ ಹೋರಾಟ ಮುಗಿ ಬೊಕ್ಕ ಕೊಡಗೌಡ್ ಸ್ವಾತಂತ್ರ್ಯ ಹೋರಾಟೊಗು ಅಟ್ಟನೆ ಮಲ್ಲೆರ್, ಆಂಡ ಅವು ಆರಂಭೋಡೇ ಉಂತುದು ಪೋಂಡು” ಮದಪಂದಿನೆಂಪು : ಅಮರ ಸುಳ್ಯದ ಕ್ರಾಂತಿವೀರೆ, ಸೂತ್ರದಾರಿ ಕೆದಂಬಾಡಿ ರಾಮಗೌಡ ಇಡೀ ಸುಳ್ಯದ ಜನೊಕುಲೆನ ಬೆರಿಸಾಯೊ ಪಡೆದ್ ತುಳುನಾಡ್ಡ ಗಣ್ಯಾತಿ ಗಣ್ಯರೆನ ಆಶೀರ್ವಾದ ಪಡೆದ್ ಪತ್ನಿ ಸಾರೊ ಜನೊಕುಲೆನ್ ಒಟ್ಟು ಸೇರಾದ್ ಬ್ರಿಟಿಷೆರೆನ್ ಪತ್ ದಿನೊಕಾಂಡಲಾ ಜಿಲ್ಲೆಡ್ ಪಿರಗಿದರ ಹೋರಾಟಗಾರ, ದೇಶಭಕ್ತಿದ ಬಗೆಟ್ ದಾಲ ತೆರಿಯಂದಿ ಬೆನ್ನಿದ ಜನೊಕುಲೆನ ಉಡಲ್ ಶತಮಾನೊಗು ದುಂಬೇ ದೇಶಭಕ್ತಿ ದಿಂಜದ್ ಉರ್ಕಯಿನಾಯೆ, ಚರಿತ್ರೆಡ್ ನಮ ಭಗತ್ಸಿಂಗ್, ಚಂದ್ರಶೇಖರ ಅಜಾದ್ ಇಂಚಿನ ವೀರರೆ ಕತೆನ್ ಓದುವ, ಜಲಿಯನ್ ವಾಲಾಬಾಗ್ ಕತೆ ಕೇನ್ನಗ ನೆತ್ತೆರ್ ಕೊದಿಪುಂಡು. ಆಂಡ ಈ ಘಟನೆಲು ಪೂರ ನಡಪುನೆಗ್ ಅರ್ಧಶತಮಾನೊಗು ದುಂಬೇ ರಾಮಗೌಡ ದೇಶ್ಗಾದ್ ಆತ್ಮಾರ್ಪಣ ಮಲ್ತದೆ. ದಿಂಜ ಜನೊಕು ಈ ವಿಸಯೊ ಗೊತ್ತಿಜ್ಜಿ, ನೇತಾಜಿ ಸುಭಾಶ್ಚಂದ್ರ ಬೋಸ್, ಅತ್ತಾವರ ಎಲ್ಲಪ್ಪೆ ಹೋರಾಟೊಡು ಮಾಯಕ ಆದ್ ಪೋಯೆರ್. ಅಂಚನೆ ರಾಮಗೌಡನ ಕತೆಲಾ ನಡತ್ಂಡ್, ಬ್ರಿಟಿಷ್ ಸೇನೆ ಬನ್ನಗ ಒರಿನಕುಲು ಪೂರ ಬಲಿತೆರ್. ಆಂಡ ರಾಮಗೌಡ ದಂಡನಾಯಕೆ. ಆದ್ ಸೇನೆನ್ ಬುಡುದು ಬಲಿಪುನ ಸಾಧ್ಯನೇ ಇಜ್ಜಿ. ಧರ್ಮಿಷ್ಟೆ ವೀರೆ ಆಯಿನ ರಾಮಗೌಡೆ ಪೋಡಿದ್ ಬಲಿಷ್ಯರೆ ಖಂಡಿತ ಸಾಧ್ಯ ಇಜ್ಜಿ. ಆಯೆ ಆಯನ ಇಚ್ಛೆ ತೈನಾತಿ ನಂಜಯ್ಯ ನೊಟ್ಟು ಸೇರೊಂದು ರಣರಂಗೊಡು ಹೋರಾಟ ಮಲ್ಡ್ ಮಲ್ಪೆ ಬ್ರಿಟಿಷೆರೆನ ಗುಂಡುಗ್ ಆಹುತಿಯಾದ್ ಹುತಾತ್ಮ ಆಯೆ, ತನನ್ ನಂಬುದು ಬತ್ತಿ ಸೈನಿಕೆರೆನ್ ಬಲಿ ಕೊರ್ದು ತನ್ನ ಜೂವೊ ಒರಿತೊನ್ಯರೆಗಾದ್ ಬಲಿಪುನಂಚಿನ ಹೇಡಿ ಆಯ್ಕೆ ಅಸ್ತ್, ದೇಗು ಬೋಡಾದ್ ಕಾಯ ಕಳೆವೊಂದು ಮಾಯೊಗು ಸೇರ್ ಪೋಯಿನ ಆಯನ ಸಾಧನೆನ್ ನಮ ಮದಪ್ಯರೆ ಬಲ್ಲಿ. ಚರಿತ್ರೆಕಾರೆರ್ ನೆನ್ಸ್ ಅಂತಾರಾಷ್ಟ್ರೀಯ ಚರಿತ್ರೆಡ್ ಒಂಜಿ ಸಾಲ್ ಸೇರುಲೆಕ ಮಲ್ಲೊಡು. ಆಯನ ಪುದರ್ ತುಳುನಾಡ್ಡ್ ಸಾಸ್ವತ ನೆಂಪುಗಾದ್ ಒಂಜಿ ಸ್ಮಾರಕ ಭವನ ಲಕ್ಕದುಂತುಲೆಕ ಆವೊಡು, ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 38
