ಕಾಸರಗೋಡು, ಕುಂಬಳೆ, ಮಂಜೇಶ್ವರೂ ದಂಚಿ ಪೋಯಿಚೆಂದಾಂಡಲಾ ಆಯನೇ ಸುಲಿಗೆ ಮಲ್ಲೊಂದು ಪೋಯೆಂದ್ ಸುದ್ದಿ ಪಸರ್ಂಡ್. 6. ಕೊಡಡಿ, ಅಧಿಕಾರಿಲು, ಕೊಡವರ್ ಮುಕುಲೆಗ್ ಬೆರಿಸಾಯೊ ಕೊರ್ಜೆರ್. ಬಿಟಿಷೆರೆಗೇ ಸಹಾಯ ಮಲ್ಲೆರ್. 7. ತುಳುನಾಡ ಜನೊಕುಲು ಕಲ್ಯಾಣಪ್ಪನ್ ಸ್ವಾತಂತ್ರ್ಯ ಹೋರಾಟೊದ ವೀರೆಂದ್ ಎನ್ನಿಜೆರ್, ಆಯ್ ಕೊಡಗ ರಾಜೆಂದ್ ಎನ್ನಿಯೆರ್, ಕೊಡಗರಸುವ ದಣ್ಣಾಯಕ ಗೋಪ ಗೌಡಲಾ ಒರ ತುಳುನಾಡ್ ಮಿತ್ತ ದಾಳಿ ಮಲ್ಪೆ ಸುಲಿಗೆ ಮತ್ತೊಂದು ನಂದಾವರೊ ಮುಟ್ಟ ಪೋತೆಗೆ, ಕಲ್ಯಾಣಪ್ಪೆಲಾ ಅಂಚಿನ ಒರಿ ದರೋಡೆಕೋರೆಂದ್ ಜನೊಕುಲು ಎನ್ನಿಯೆರ್, ಬ್ರಿಟಿಷೆರೆನ ಕಡೆತಕುಲು ಪ್ರಚಾರ ಮಲ್ಲಿನೆನ್ ಸತ್ಯಂದ್ ನಂಬಿಯೆರ್. ಇಂಚ ಕೆಲವು ಕಾರದ್ದೊದ್ದಾವರ ಕಲ್ಯಾಣಪ್ಪನ ದಂಡಯಾತ್ರೆ ದಂಡ ಆದ್ ಪೋಂಡು, ಆಂಡ ಬ್ರಿಟಿಷೆರೆಗ್ ಭಾರತೀಯೆರೆನ ಮಿತ್ತ್ ಪೋಡಿಗೆ ಕುಲ್ಲುಂಡು. ಭಾರತೀಯರೆಲ್ಲಾ ಸಾಮರ್ಥ ಉಂಡು ಪನ್ಸಿ ಸಂಗತಿ ಗೊತ್ತಾಂಡ್, ದಂಡಯಾತ್ರೆ ಮುಗಿಬುಕ್ಕ ಅಯಿನ್ ಬ್ರಿಟಿಷೆರ್ ದಂಗೆ ಅತ್ತಂಡ ಕ್ರಾಂತಿಂದ್ ಪಂಡಿಜೆ, ಅವು ಕಾಟ್ಕಾಯಿ, ಪಲೊಕು ತಿಕ್ಕಂದಿ ಕಾಯಿಂದ್ ಪಂಡೆರ್, ಈ ಪ್ರಚಾರೊನು ಜನೊಕುಲುಲಾ ನಂಬುದು ಬುಡೈರ್. ಚರಿತ್ರೆಕಾರೆರ್ ಮಾತ್ರ ಕೆಲವೆರ್ ನೆನ್ಸ್ 'ಕೊಡಗಿನ ಕ್ರಾಂತಿ ಪಂಡ್ದ್ ಬರೆತೆರ್, ಅಕುಲುಲಾ ಕಲ್ಯಾಣಪ್ಪನ ದರೋಡೆ ಪಂಡ್ ಅರ್ತೊ ಬರ್ಪಿಲೆಕ ವಿವರಣೆ ಕೊರ್ತೆರ್. ತುಳುನಾಡ್ ಮಾತ್ರ ಶತಮಾನೊನೇ ಕರಿಂಡಲ ಜನೊಕುಲೆನ ಮನಸ್ಸಡ್ ಕಲ್ಯಾಣಪ್ಪನ ನೆಂಪು ಒರಿದಂಡ್, ಆಯನ ಬಗೆಟ್ ದಿಂಜ ಕತೆಕುಲು ಪುಟ್ಟುದೊ ನನ ಒಂತೆ ವರ್ಸ ಪೋನಗ ಖಂಡಿತ ಪಾರ್ತನಲಾ ಜನೊಕುಲು ಕಟ್ಟುವೆರ್ಂದ್ ಪನ್ನಿನೆಕ್ ಸಂಶಯ ಇಜ್ಜಿ. ಕಲ್ಯಾಣಪ್ಪನ ದಂಡಯಾತ್ರೆದ ಬಗೆಟ್ ಇಸೇಸ ಸಂಸೋಧನೆ ಮಲ್ತದ್ ಬೂಕು, ಲೇಖನ ಬರೆಯಿನ ಸಾಹಿತಿ ಎನ್. ಎಸ್ ದೇವಿಪ್ರಸಾದ್ನ ಅಭಿಪ್ರಾಯ ಪಿರ್ಕಾರ “ಉಂದು ಕೊಡಗ್ ಕ್ರಾಂತಿ ಅತ್ತ್. ಉಂದು ಅಮರ ಸುಳ್ಯದ ಬೆನ್ನಿದ ಬೇಲೆದ ಗೌಡ ಜನಾಂಗೊದ ಮುತಾಲಿಕೆಡ್ ನಡತಿನ ಕನ್ನಡ ಜಿಲ್ಲೆದ ಜನೊಕುಲೆ ಸ್ವಾತಂತ್ರ್ಯ ಹೋರಾಟ. ನೆಟ್ಟ ಸುಳ್ಯ ಪ್ರದೇಶದ ಗೌಡರತ್ತಂದೆ ಪುತ್ತೂರು, ಬಂಟ್ವಾಳ, ಇಟ್ಟೇಲ್, ಕುಂಬಳೆ, ಮಂಜೇಶ್ವರೊದ ಬೇತೆ ಬೇತೆ ಜಾತಿದಕುಲು ಪಾಲ್ ಪಡೆತೆರ್, ಸುಳ್ಕೊಡ್ಡು ಪಿದಾಡ್ನಗ ಇತ್ತಿನ ಒಂತೆ ಜನ ತೈನಾತಿ ಬಂಟ್ವಾಳ ಕರಿನಗ ಸುಮಾ 8000 ಡ್ 10000 ಮುಟ್ಟ ಆತೆ, ಇಟ್ಟೇಲ್ದ ಅರಸುಲು ನಂದಾವರದ ಅರಸುಲು, ಬೊಕ್ಕ ಕುಡುಮದ ಧರ್ಮಾಧಿಕಾರಿ ಕುಮಾರಯ್ಯ ಹೆಗ್ಗಡೆ-ಇಂಚ ಮಲ್ಲ ಮಲ್ಲ ಜನೊಕುಲು ಬೆರಿಸಾಯೊ ಕೊರ್ತೆರ್, ಅಂಚಾದ್ ಉಂದು ಬಜೀ ಕಾಟ್ಕಾಯಿ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 37
