ಲಡಾಯಿಡೇ ಪ್ರಾಣಾರ್ಪಣೆ ಮಲ್ತ್ದ್ ಅಮರತ್ವ ಪಡೆಯೆರ್. ಆ ಪೊರ್ತುಗು ಅಲ್ಪ ಇತ್ತಿನ ಲಕ್ಷ ಪ್ಪ ಬಂಗರಸೆ, ಕಲ್ಯಾಣಸ್ವಾಮಿ, ಗುಡ್ಡೆ ಮನೆ ಅಪ್ಪಯ್ಯ ಉಪ್ಪಿನಂಗಡಿ ಮಂಜಪ್ಪ ಕುದುರೆ ಮಿತ್ತೇರ್ದ್ ತಪ್ಪವೊಂಡೆ, ಒಂಜೊಂಜಿ ಕೋಡಿಡೆ ಪೋಯೆರ್. ಬ್ರಿಟಿಷೆರ್ ಅಕುಲೆನ್ ನಾಡ್ ಪತ್ತದ್ ಮಡಿಕೇರಿದ ನ್ಯಾಯಾಲಯೊಗು ಒಪ್ಪಿಸಯೆರ್. ಮೇ ತಿಂಗೊಳ 10ನೇ ದಿನೊತಾನಿ ವಿಚಾರಣೆ, ನಡತ್ಂಡ್, ಮಾತೆರೆಗ್ಲಾ ಶಿಕ್ಷೆ ಆಂಡ್, ನಂದಾವರದ ಅರಸು ಬಂಗರಸನ್ 1937 ಮೇ 27 ನಾನಿ ಉಪ್ಪಿನಂಗಡಿದ ಮಂಜಪ್ಪನ್ ಬೊಕ್ಕ ಕಲ್ಯಾಣಸ್ವಾಮಿನ ನಕಲಿ ವೇಸ್ ಪಾಡೊಂದಿತ್ತಿನ ಪುಟ್ಟ ಬಸಪ್ಪನ್ ಜೂನ್ 19 ಗ್ ಬೊಕ್ಕ ಗುಡ್ಡೆ ಮನೆ ಅಪ್ಪಯ್ಯನ್ ಅಕ್ಟೋಬರ್ 31 ನಾನಿ ಕುಡಲದ ಬಿಕರ್ನಕಟ್ಟೆಡ್ ಗಲ್ಲಿಗೇರಯೆರ್, ಅಕುಲೆ ಪುನನ್ನ ಏರೆಗ್ಲಾ ಮುಟ್ಟರೆ ಬುಡ್ಡೆ, ಗಲ್ಲುಕಂಬೊಡು ನೇಲೊಂದಿತ್ತಿ ಪುನಕುಲೆನ್ ನಾಯಿ, ಕಕ್ಕೆ, ಕರು (ಹದ್ದು) ತಿಂದ್ ಮುಗಿತ. ಕೆದಂಬಾಡಿ ರಾಮಗೌಡಲ, ಹುಲಿಕುಂದ ನಂಜಯ್ಯಲ ಬ್ರಿಟಿಷ್ ಸೈನಿಕೆರೆದ್ರ ತನ್ನ ಸೈನ್ಯನು ಲೆತ್ತೊಂದು ಕಾಳಗೊ ಮಲ್ತ್ದ್ ಪೌರುಸೊ ತೋಜಾದ್ ಜೂವೊ ಕಳೆವೊಂದು ಹುತಾತ್ತೆರಾದ್ ಪೋಯೆರ್. ಬ್ರಿಟಿಷೆರ್ ಸೈನಿಕೆರೆನ ಪುನತ ರಾಶಿದೊಟ್ಟಿಗೆ ಮುಕುಲೆಲ್ಲಾ ಮಣ್ಣ ಮಲ್ಪೊಡು, ಜೂವೊಡು ತಿಕ್ಕಿನ ಬಾಕಿ ಹೋರಾಟಗಾರೆರೆನ್ ಪೂರ ಜೀವನಾಂತ್ಯ ಮುಟ್ಟ ಕರ್ಪಿಲ್ಲಡ್ ಪಾಡೈರ್, ಇಂಚ ಅಮರ ಸುಳ್ಯದ ಬೆನ್ನಿದ ಜನೊಕುಲೆ ಕ್ರಾಂತಿದ ಅಧ್ಯಾಯ ಮುಗಿದ್ ಪೊಂಡು, ಅಮರ ಸುಳ್ಯದ ಹೋರಾಟೊಗು ಸೋಲಾಯರೆ ಕಾರಣೋಲು 1. ಹೋರಾಟೊಡು ಪಾಲ್ ಪಡೆಯಿನಕುಲೆಗ್ ಸರಿಯಾಯಿನ ಲಡಾಯಿ ತರಬೇತಿ ಇಜ್ಜಾಂಡ್, ಒಟ್ಟಿಗೆ ಬತ್ತಿನಕುಲೆನ್ ಪೂರ ಸೈನಿಕೆರ್ಂದೇ ಲೆತೊಂಡೆರ್. 2. ಹೋರಾಟ ಶಿಸ್ತು ಬದ್ಧವಾದ್ ನಡತಿಜಿ, ದಂಡಯಾತ್ರೆಡ್ ಪಾಲ್ ಪಡೆಯಿನಕುಲು ಯಾತ್ರೆ ಮುಗೊಟ್ಟುಗು ಅಕುಲಕುಲೆ ಊರುಗು ಪೋಯೆರ್. ಕುಡ್ಲಡ್ ರಕ್ಷಣೆಗಾದ್ ಒರಿನ ಸಿಪಾಯಿಲೆ ಮಂದೆ ಕಮ್ಮಿ ಆಂಡ್. Q 3. ಸರಿಯಾಯಿನ ಹತ್ಯಾರ್ ಇಜ್ಜಾಂಡ್, ಬ್ರಿಟಿಷೆರಡ ಧಾರಾಳ ಬೆಡಿ, ಪಿರಂಗಿಲು ಇತ್ತೊ, ಮುಕುಲೆಡ ಕತ್ತಿ, ದೊಣ್ಣೆ ಬುಡುಂಡ ಬಾಕಿ ಹತ್ಯಾರ್ ಬಾರಿ ಕಮ್ಮಿ ಇತ್ತಂಡ್. 4. ಕುಡ್ಲ ವಶ ಮಲ್ಲೊಬ್ಬ ಕೂಡ್ಲೆ ಕಲ್ಯಾಣಪ್ಪನ ಸೈನಿಕೆರೆನ್ ಕಡಲ ಬರಿಟ್ ಕಾವಲಿಗ್ ದೀವೊಡಾಂಡ್, ಬ್ರಿಟಿಷ್ ಸೇನೆ ಕಡಲ್ಡ್ ಮಿತ್ತ್ ಬರೆ ಬುಡಿಯರಾತುವಂದ್ 5. ದಂಡಯಾತ್ರೆದಕುಲು ಪೋನಗ ಕೆಲವು ಕಡೆಟ್ ಕಲ್ಯಾಣಪ್ಪನ ಪುದರ್ಡ್ ಊರುದ ಪುಂಡು ಪೋಕ್ರಿಲು ದರೋಡೆ ಮಲ್ಲೆರ್, ದುಡ್ಡು, ಬಂಗಾರ್ ಜನೊಕುಲೆಡ ಒಯ್ ದೆತ್ತೆರ್, ಕುಂಬಳೆ ಮಂಜೇಶ್ವರ ಕಡೆಟ್ ಕಲ್ಯಾಣಪ್ಪೆ ಪಂಡ ದರೋಡೆ ಕೊಂದೇ ಸುದ್ದಿ ಅಂಡ್. ಕೆಲವು ಕಡೆಟ್ ಪೊಣ್ಣುಲೆನ ಆತ್ಯಾಚಾರೊಲಾ ನಡತ್ಂಡ್, ಕಲ್ಯಾಣಪ್ಪೆ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 36
