ನಮ್ಮ ರಾಜ್ಯದ ಜನೊಕುಲೆನ್ ಕಾಪೊಡು ಪಂಡ್ದ್ ಅಕುಲೆಡ ನಟ್ಟೋರುವೆ. ಇನಿ ಈ ಹೋರಾಟ ನಡಪಯರೆ ಮೂಲ ಕರ್ತು ಆಯಿನ ಕೆದಂಬಾಡಿ ರಾಮಗೌಡೆರೆನ್ ಈ ರಾಜ್ಯದ ದಣ್ಣಾಯಕ ಆದ್ ಬೊಕ್ಕ ಈ ಕ್ರಾಂತಿದ ಸೂತ್ರ ದಾರಿಯಾಯಿನ ಹುಲಿಕುಂದ ನಂಜಯ್ಯನ್ ದಿವಾನರಾದ್ ನಿಕುಲೆ ಒಪ್ಪಿಗೆದ ಮಿತ್ ನೇಮಕ ಮಲ್ಲೊಂದುಲ್ಲೆ. “ಪನ್ನಗ ಮಾತೆರ್ಲ ಕೈ ಬೊಟ್ಟುದು ಒಪ್ಪಿಗೆ ಕೊರ್ಪೆರ್'. “ಯಾನಿನಿ ಈ ರಾಜ್ಯದ ಅರಸು ಆತೆ. ಆವು ನಿಮಿತ್ತ ಮಾತ್ರ. ಓಲೋ ಇತ್ತಿನ ಎನನ್ ನಿಕುಲು ಲೆತೊನು ಬತ್ತ್ದ್ ಇನಿ ಈ ರಾಜ್ಯೋಗು ಅರಸು ಮಲ್ಲರ್, ಉಂದು ಪೂರ ದೈವೇಚ್ಚೆ ನೆಕ್ ಪೂರ ಕಾರಣ ಕರ್ತುಲಾಯಿನ ಅಮರ ಸುಳ್ಯದ ಮಾತ ಗೌಡ ನಕುಲೆಗ್ ಯಾನ್ ಸೊಲೆ ಸಂದಾವೆ, ಬೆರಿಸಾಯೊ ಕೊರ್ತಿನ ಕೂಜುಗೋಡು ಪಟ್ಲರೆಗ್, ಬೆರಿಸಾಯೊ ಕೊರ್ತಿನ ನಂದಾರೊದ ಅರಸು ಲಕ್ಷ್ಮಪ್ಪ ಬಂಗರಸಸೆರೆಗ್ ಇಟ್ಟೆಲ್ಲ ನರಸಿಂಹ ರಾಜ ಡೊಂಬರಸರೆಗ್, ಕುಡುಮದ ಧರ್ಮಾಧಿಕಾರಿ ಕುಮಾರಯ್ಯ ಹೆಗ್ಗಡೆಗೆ ಯಾನ್ ಸೋಲ್ಯೂತ್ದ್ ಸೊಲೆ ಸಂದಾವೆ. ಸುಳ್ಯ, ಪುತ್ತೂರು, ಬಂಟ್ವಾಳ, ಕಾಸ್ರೋಡು, ಕುಂಬಳೆ, ಮಂಜೇಶ್ವರ, ಕುಡ್ಲದ ಮಾತ ಜಾತಿದ ಜನೊಕುಲು ಹಿಂದೂ-ಮುಸ್ಲಿಂ ಭೇದದಾಂತೆ ಈ ಹೋರಾಟೊಡು ಪಾಲ್ ಪಡೆತ, ನಿದ್ದೆಗ್ ಮಾತ ಎನ್ನ ಸೊಲು, ಈ ರಾಜ್ಯೋನು ಪೊರ್ಲುಡು ನಡಪಯರೆಗ್ ಯಾನ್ ನಿಕ್ಲನ ಆಶೀರ್ವಾದ ನಮ್ಮೊನುವೆ”. ಪಂಡ್ದ್ ಕೈಮುಗಿದ್ ಕುಲ್ಲಿಯೆರ್. ಅಯಿಡ್ ಬೊಕ್ಕ ಹುಲಿಕುಂದ ನಂಜಯ್ಯ ಲಕ್ಕದುಂತುದು “ಬ್ರಿಟಿಷೆರೆನ್ ಮುಲ್ಕಿ ಗಿಡತ್ದ್ ಈ ಸ್ವತಂತ್ರ ರಾಜೇನು ಕಟ್ಟಿ ಕೊರ್ನನಿಕುಲೆಗ್ ಮಾತ ಸೋಲ್ಯೂ ಸೊಳ್ಳೆ ಸಂದಾವೆ. ಇನಿಸ್ಟ್ ಮಿಫ್ ನಮ ಸ್ವತಂತ್ರ ಬ್ರಿಟಿಷೆರೆನ ಅಧೀನೊಡು ಇಜ್ಜಿಯೊ, ಈ ತುಳುರಾಜ್ಯ ಭಾರತೊದ ಸುರುತ ಸ್ವತಂತ್ರ ರಾಜ್ಯ ನನ ಮಿತ್ತೆ ನಿಕುಲು ಸುಂಕ ಕೊರೊಡುಂದು ಇಜ್ಜಿ. ರಡ್ ವರ್ಸೊ ಮುಟ್ಟ ನಿಕುಲು ತೀರ್ವ ಕೊರೊಡುಂದು ಇಜ್ಜಿ. ಈ ಕೂಡಲೇ ರಾಜ್ಯದ ಮಾತ ಇಲಾಖೆದ ಅಧಿಕಾರಿಲೆನ್ ನೇಮಕ ಮಲ್ಲುವ, ಮಂಡಲಾಧೀಶರೆನ್ ನೇಮಕ ಮಲ್ಲುವ, ಆಟ ಜನೊಕುಲು ಶಾಂತಿ - ಸಮಾಧಾನೊಡು ಸಾಮರಸ್ಕೊಡು ಬಕ್ಕೊಂದುಪೊಡು ಪಂಡ್ದ್ ಯಾನ್ ನಿಕುಲೆಡ ನಟ್ಟೋನುವೆ. ಪಂಡ್ದ್ ಚಿಟ್ಕಡ್ ಭಾಷಣ ಮುಗಿತೆರ್. ಸೇರಿ ಜನೊಕುಲು ಪೂರ ಅಗಷ್ಯರೆ ಸುರು ಮಲ್ಲೆರ್. ಹೋರಾಟೊಗು ಸೋಲಾಂಡ್: ಕಲ್ಯಾಣಪ್ಪನ ರಾಜ್ಯ ಉದಿಪನ ಆದ್ ಕೆಲವೇ ದಿನೊಟು ತಲಚೇರಿ ಬೊಕ್ಕ ಕಣ್ಣಾನೂರುಡ್ಡು ಪಡವುಡು ಬ್ರಿಟಿಷ್ ಸೇನೆ ಕುಡ್ಲಗ್ ಬಂಡ್, ಆ ಪೊರ್ತುಗು ಕಲ್ಯಾಣಪ್ಪನೊಟ್ಟಿಗೆ ಇತ್ತಿನ ಸೇನಾಬಲ ಬಾರಿ ಕಮ್ಮಿ, ಪಿರಂಗಿಲಂತು ದಾಲ ಇಜ್ಯಾಂಡ್. ಇತ್ತಿನ ದೇಶೀಯ ಸೈನಿಕ ಜೂವೊದ ಹಂಗ್ದಾಂತೆ ಹೋರಾಟ ಮಲ್ಲೆರ್. ದಂಡನಾಯಕೆ ಕೆದಂಬಾಡಿ ರಾಮಗೌಡಲ ದಿವಾನೆ ಹುಲಿಕುಂದ ನಂಜಯ್ಯ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 35
