ನಂಜಯ್ಯ ಕುಲ್ಲುಯೆರ್, ಬಿರುಪಗರಿ ಪದ್ ರಡ್ ಬರಿಟ್ ಚೆಟ್ಟಿಕುಡಿಯೆಲ, ಕರ್ತು ಕುಡಿಯಲ ಉಂತೆರ್. ಕಲ್ಯಾಣಪ್ಪನ ಜಯಘೋಷ ಮುಗಲ್ ಮುಟ್ಟಿಂಡ್, ಓಲೆಗ ಸುರುವಾಂಡ್. ತುಳುರಾಜ್ಯ ಉದಿಪನ ಆಂಡ್: ಕ್ರಿ. ಶ 1837 ಎಪ್ರಿಲ್ 5 ನಾನಿ ಕುಡಲದ ಜಿಲ್ಲಾಧಿಕಾರಿನ ಕಚೇರಿದ ಎದ್ದ ಕೊಡಿಕಂಬೊಡು ರಾವೊಂದಿತ್ತಿ ಯೂನಿಯನ್ ಜಾಕ್ ಬ್ರಿಟಿಷ್ ಧ್ವಜ ತಿರ್ತ್ ಜತ್ಕಂಡ್, ಅಯಿಕ್ ಸೂ ಕೊರ್ದು ಪೊತ್ತಯೆ, ಸ್ವತಂತ್ರ ರಾಜ್ಯದ ಕ್ರಾಂತಿಕಾರಿ ಧ್ವಜೊನು ಏರಯೆ, ಬ್ಯಾಂಡ್, ವಾಲಗ, ಗರ್ನಾಲ್, ಕದಿನ ಕೊಂಬು ಕಹಳೆ, ಚೆಂಡೆ, ತಮಟೆದ ಸಬ್ಬೆಡು ಕುಡಲನೇ ನಡ್ಕೊಂಡ್, ಸ್ವತಂತ್ರ ತುಳು ರಾಜ್ಯದ 0 ಉದಿಪನ ಆಂಡ್. ಜಿಲ್ಲಾಧಿಕಾರಿ ಕಚೇರಿ ಮಾತೆಲ್ಲ ಬಾವುಟಗುಡ್ಡೆ ದಂಚಿ ನೆರಣಿಗೆಡ್ ಪಿದಾಡ್ಯರ್, ಸಾರಗಟ್ಟೆ ಜನೋ, ಕೊಂಬು ವಾಲಗ, ಚೆಂಡೆ, ತಮಟೆದ ಗದ್ದಲ, ಬಾರಿ ಮನದನ, ಬಾವುಟ ಗುಡ್ಡೆಡ್ ಪಿರಜರ ಸ್ವತಂತ್ರ ತುಳುನಾಡ್ಡ ಕೊಡಿ ಏರಯೆರ್. ಇಂಚ ಬಾವುಟ ಏರಯಿನೆಡ್ಡಾದೆ ಈ ಗುಡ್ಡೆಗ್ ದುಂಬುಗು ಬಾವುಟ ಗುಡ್ಡೆಂದ್ ಪುದ ಬರರೆ ಕಾರಣ ಆಂಡ್. ಪಿರ ಅಲ್ಲೊರ ಬ್ರಿಟಿಷ್ ಪತಾಕೆಗ್ ಸೂಕೊರ್ದು ಪೊತ್ತಯೆ, ಜೈಕಾರ ಪಾಡ್ಯರ್. “ಭಾರತ ಮಾತೆಗೆ ಜೈ ಸ್ವತಂತ್ರ ತುಳುನಾಡ್ಗ್ ಜೈ| ಅಮರ ಸುಳ್ಯದ ಕ್ರಾಂತಿಗ್ ಜೈ! ಕಲ್ಯಾಣ ಸ್ವಾಮಿಗ್ ಜೈ ಕೆದಂಬಾಡಿ ರಾಮಗೌಡೆರೆಗ್ ಜೈ! ಹುಲಿಕುಂದ ನಂಜಯ್ಯಗ್ ಜೈ “ಜೈ ಕಾರ ಪಾಡ್ ಉಂತಯಿ ಬೊಕ್ಕ ಮಾತೆರ್ಲ ಕುಲೈ. ಎದೀದಿ ಬೊಳ್ಕೊಡೆ ಸತ್ತಿಗೆದ ಗದ್ದಿಗೆಡ್ ಕಲ್ಯಾಣಸ್ವಾಮಿ ಕುಲೈ, ಲಕ್ಷ್ಮಪ್ಪ ಬಂಗರಸೆ, ಕೆದಂಬಾಡಿ ರಾಮಗೌಡ, ಹುಲಿಕುಂದ ನಂಜಯ್ಯನಕುಲು ಬೇತೆ ಆಸನೊಡು ಕುಲ್ಲಿಯೆ. ಗೌಜಿ ಗದ್ದಲ ಕಮ್ಮಿ ಆನಗ ನಡುಟು ಕುಲ್ಲಿ ಕಲ್ಯಾಣ ಸ್ವಾಮಿ ಲಕ್ಕದುಂತುದು “ಎನ್ನ ಮೋಕೆದ ಬಂಧುಲೇ, ನಿಕುಲು ಮಾತ ಹೋರಾಟ ಮದ್ ಈ ಸ್ವತಂತ್ರ ರಾಜ್ಯೋನು ಕಟ್ಟಿದರ್, ನಿಕುಲೆಗ್ ಮಾತ ಯಾನ್ ಸೋಲ್ಯೂತ್ ಸೊ ಸಂದಾವೆ' ಪಂಡ್ದ್ ನಮಸ್ಕಾರ ಮಲೆರ್. “ಇನಿ ಬ್ರಿಟಿಷೆರೆನ್ ಈ ಸ್ವತಂತ್ರ ನಾಡ್ಡ್ ಬೆರಿಪತ್ತದ. ಕನ್ನಡ ಜಿಲ್ಲೆ ಪಂಡ ತುಳುನಾಡ್ ಸ್ವತಂತ್ರ ಆತ್ಂಡ್, ಈ ನಾಡ್ದ ಪ್ರಜೆಕುಲು ಸುಖ, ಸಂತೋಸುಡು, ಸಾಮರಸ್ಕೊಡು ಪೊರ್ಲುಡು ಬದೊಂದುಪೊಡು ಪಂಡ್ದನ್ನ ಬಯಕೆ, ಎನನ್ ಈ ರಾಜ್ಯದ ಅರಸು ಆದ್ ಆಯ್ಕೆ ಮಲ್ಲಿನ ನಿಕುಲೆಗ್ ಪೂರ ಸೊಲೈಲು, ಪೊರ್ಲು, ಪೊಲಿಗೆಡ್ ಈ ರಾಜ್ಯದ ಆಳ್ವಿಕೆ ಮಲ್ಲುವೆಂದ್ ಯಾನ್ ನಂಬುನ ದೇವೆರೆ ಪುದರ್ಡ್ ಶಪಥ ಪಾಡೊನ್ನೆ, ನೆಕ್ ಕದ್ರಿ ಮಂಜುನಾಥೆಲಾ ಊರುಕಾಪುನ ಮಂಗಳಾದೇವಿಲಾ ಸಾಕ್ಷಿ. ಆ ದೈವ ದೇವರ್ನಕುಲೇ ನಮ್ಮ ರಾಜ್ಯೋನು ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 34
