ಮತ್ತೆ ಅಂಚ ಬೊಡ್ಕೊಂದಿ ಬೇಲೆ ಅತ್ಯಾಚಾರ ನಡಪಯಿ ನಕ್ಷೆಗ್ ಸರಿಯಾಯಿನ ಶಿಕ್ಷೆ ನಿಕುಲು ಪಂಚಾತಿಕೆಡ್ ನಿಗಂಟು ಮಲ್ನೋಡು. “ಪಂಡೆ.” ಬ್ರಿಟಿಷೆರೆನ್ ಮುಲ್ಪಡ್ ಬೆರಿಪತ್ತುನನೇ ಎಂಕೆ ಉದ್ದೇಶ ಅತ್ತಂದೆ ದರೋಡೆ ಮಲ್ಪರೆಗಾದ್ ಎಂಕುಲು ಬತ್ತಿನಕುಲತ್ತ. ಇತ್ತೆ ಇನಿ ಕಲ್ಯಾಣಪ್ಪನ ದಂಡ್ ಬಂಟ್ವಾಳ ಕರಿದ್ ಕುಡ್ಲಗ್ ಪೋವೊಂದುಂಡು, ಯಾನ್ಹಾ ಕುಂಚಡ್ಕ ತಿಮ್ಮಲಾ ಇನಿಯೇ ಪೋದು ಒಟ್ಟಿಗೆ ಸೇರೊನ್ನ, ನಿಕ್ಸ್ ಮಾತೆಲ್ಲಾ ಎಪ್ರಿಲ್ 5 ನಾನಿ ಕುಡಲಗ್ ಬತ್ತದೆತ್ತೊಡು, ಸುಬ್ರಾಯ ಹೆಗ್ಡೆರ್ ನಿಕ್ಲನ್ ಮಾತ ಲೆತೊಂದು ಬರರೆ ಒತ್ತೊಂದೆರ್, ನಿಕುಲು ಪ್ರೀತಿಡ್ ಕೊರ ಪಣವು, ಬಂಗಾರ್ನ್ ಎಂಕ್ಲು ಪತೊಂದು ಪೋಪ. ಉಂದು ಎಂಕ್ಲಗ, ಉಂದು ನಮ್ಮ ರಾಜ್ಯೋಗಾದ್, ರಾಜ್ಯದ ಭಂಡಾರೊಗಾದ್ ಪಂಡ್ದ್ ನಿಕುಲುಲಾ ಎನ್ನೊನೊಡು. ನಮ್ ಮಾತ ಕುಡ್ಲಡ್ ಎಪ್ರಿಲ್ 5 ನಾನಿ ಒಟ್ಟು ಸೇರುಗೊ. ಪಂಡ್ದ್ ಕುಲೈ ಕುಂಚಡ್ಕ ತಿಮ್ಮಣ್ಣ ಮಾತೆರೆಗ್ ಕುಡ ಒರ ಸೊ ಸಂದಾಯ ಮತ್ತೆ. ನಾಲೈನ್ ಜನ ಕುದುರೆ ಸವಾರೆರೆನ್ ಲೆತೊಂದು ತಿಮ್ಮಣ್ಣಿಲ, ಪುಟ್ಟಣ್ಣೆಲ ಬಂಟ್ವಾಳೋದ ಸಾದಿ ಪತ್ತೆರ್. ಸುಬ್ರಾಯ ಹೆಗ್ಡೆನ ಕಡೆತಕ್ಲಗ್ ಎಪ್ರಿಲ್ 5 ನಾನಿ ಕುಡ್ಲಗ್ ಎತ್ಯರಾಯಿಜಿ. ಆಕುಲು ಮಂಜೇಶ್ವರೊಡ್ಡು ಪಿದಾಡ್ಜ್ ಉದ್ಯಾವರ ಉಳ್ಳಾಲ ತೊಕ್ಕೊಟ್ಟುಗಾದ್ ನೇತ್ರಾವತಿ ಸುದೆಬರಿಕೆತ್ತನಗ ದಿನ ರಡ್ಡ ಕರಿಂಡ್. ಹೆಗ್ಡೆನ ಕಡೆತಕ್ಕು ಓಡೊಡು ಕುಲ್ಲುದು ಸುದೆ ಕಡಪುನಗ ಸುದೆ ಬರಿಟ್ ದೆಂಗ್ದುಂತಿನ ಬ್ರಿಟಿಷ್ ಸೈನಿಕ ಓಡೊಡಿತ್ತಿನಕ್ಲಿನ್ ಪೂರ ಗುಂಡು ಪಾಡ್ ಕೆರೆರ್ಗೆ, ಸುಬ್ರಾಯ ಹೆಗ್ಡೆ ಒರೆ ಓಡೊಡ್ಡು ಲಾಗಿದ್ದ ಕತ್ತಿನ್ ಕೂಲಿಡ್ ತುಷ್ಟೊಂದು ಮೀಂದ್ರ ಸುದೆ ದಾಂಟ್ಯರೆ ಸುರು ಮಲೆಗೆ, ಆಯೆ ಸುದೆತ ಆಯೆರೆ ಮೈಕ್ ಎತ್ತದ್ ಸುದೆಡ್ ಮಿತ್ತೇರೊಡಾಂಡ ಆಯನಾ ಗುಂಡು ಪಾಡ್ ಕೆರೆರ್ಗೆ. 0 ದಂಡ್ ಕುಡಲಗೆಂಡ್: ಸ್ವಾತಂತ್ರ್ಯ ಸೇನೆಕುಡಲಗೆಂಡ್, ಆತಾನಗ ಬ್ರಿಟಿಷ್ ಅಧಿಕಾರಿಲು ಅಕುಲೆ ಕುಟುಮೊದಕುಲೆನ್ ಲೆತೊಂದು ಓಡ, ಮಂಜಿಲೆಡ್ ಕುಲ್ಲು ಕಣ್ಣನೂರು, ತಲಚೇರಿಗ್ ಪೋದಾದಿತ್ತ್ಂಡ್, ಕುಡಲ ಪತ್ತೊ ಖಾಲಿ ಖಾಲಿಯಾದ್ ತೋಜೆದ್ಂಡ್. ಆಂಡಲಾ ದಂಡ್ದಕುಲು ಬುಡ್ಡೆ, ವಿಲಾಯತಿ ದಕುಲು ಓಲೋಲು ಇಲ್ಲಿ ಮಲ್ದಿತ್ತೆರಾ, ಆ ಇಲ್ಲೆಲೆಗ್ ಪೂರ ಸೂಕೊರು ಬುಡಿಯೆರ್. ಅಯಿಡ್ ಬೊಕ್ಕ ಜೈಲ್ಗ್ ಪೋಯೆರ್. ಜೈಲ್ ಅಧಿಕಾರಿಲು ಪರಾರಿಯಾಯೆರ್. ಕೈದಿಲೆನ್ ಪೂರ ಜೈಲ್ಡ್ ಬುಡುಗಡೆ ಮದ್ ಒಟ್ಟಿಗೆ ಲೆತೊಂಡೆರ್. ಜಿಲ್ಲಾ ಖಜಾನೆಗ್ ಪೋದು ಬೀಗ ಪೊಲ್ಲಿದ್ದ ಖಜಾನೆನ್ ವಶಕು ದೆತೊಂಡೆರ್. ಕುಡಲದ ಜನೊಕುಲೆನ್ ಮಾತ ಬರಿರೆ ಪಂಡ್ದ್ ಜಿಲ್ಲಾ ಕಲೆಕ್ಷೆನ ಕಚೇರಿನ್ ಸ್ವಾಧೀನ ಮತ್ತೊಂಡೆರ್, ಕಲ್ಯಾಣಪ್ಪೆ ಜಿಲ್ಲಾಧಿಕಾರಿನ ಗದ್ದಿಗೆಡ್ ಕುಲ್ಲುದು ದರ್ಬಾರ್ ನಡಪಯೆ ಒತ್ತುಡು ಕೆದಂಬಾಡಿ ರಾಮಗೌಡ, ಹುಲಿಕುಂದ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 33
