ತಿಮ್ಮಣ್ಣನ್ಹಾ ಕುಡೆಕಲ್ ಪುಟ್ಟಣ್ಣನ್ಹಾ ತೂದು ಪಾತೆರೆ, ಕುಂಬ್ಲೆಟ್ಲೆತೊನು ಬತ್ತೆ. ಕುಂಬ್ಲೆಡ್ ಮಂಜೇಶ್ವರೊಗು ಬತ್ತೆರ್, ಸುಬ್ರಾಯ ಹೆಗ್ಡೆಗ್ ಮಂಜೇಶ್ವರೊಡು ನಡತಿಕತೆ ಕೇಂಡ್ ಬಾರಿ ಬೇಜಾರಾಂಡ್, ಈ ಪೊರ್ತುಡು ಕುಂಬಳದ ಮಂಜಾಳ್ವೆ ಕೋಚಣ್ಣಾಳ್ಳಲಾ ಜನ ಕಟ್ಟಿದ್ ಸುಲಿಗೆ ಮತ್ತೊಂದು ಪೋಪಿ ದೊಂಬಿ ಕುಂಞಣ್ಣನ ಪೋಲಿ ಜವ್ವನೆರೆನ್ ಪತ್ ಪಾಡೆರ್. ಪೊಲಿ ಜವ್ವನೆ ಮಂಜಣ್ಣಾಳನ ದಂಡ್ದ ಜವ್ವನೆರೆ ಕತ್ತಿದ ಪೆಟ್ಟಿಗೆ ತಿಕೆ, ಮಂಜಣ್ಣಾಳೆ ಕುಂಞಣ್ಣಗ್ ಶಿಕ್ಷೆ ಕೊರರೆ ತಯಾರಾಯೆ, ಆಂಡ ನೆನ್ನ ರಾಮಂತರಸುಲುಲಾ, ಸುಬ್ರಾಯ ಸೇನೆಲ್ಲಾ ಒತ್ತೊಂಜೆರ್, ಕಲ್ಯಾಣಪ್ಪನ ದಂಡ್ ಮುಲ್ಲು ಪೋವೊನಡ್ ಅಯಿಡ್ ಬೊಕ್ಕ ಸರಿಯಾಯಿನ ಶಿಕ್ಷೆ ಎಂಕುಲೆ ಕೊರ್ಕ ಪಂಡೆರ್, ಜಾಕ್ಸನ್ಡ ಸೈನ್ಯ ಬಲ ಇಜ್ಜಂದಿನೆದ್ದಾವರ ಆಯೆ ಅಯಿಕ್ ಒತ್ತೊನೊಡಾದ್ ಬತ್ತಂಡ್. ದೊಂಬಿ ಕುಂಞಣ್ಣೆ ಕಲ್ಯಾಣಪ್ಪನ ಪುದರ್ಡ್ ಇಲ್ಲ ಇಲ್ಲಿ ಲೂಟೊಂದು ಪೋಪಿ ಸುದ್ದಿ ಮಾತಕಡೆಲ್ಲಾ ಪಸರ್ಂಡ್, ಉಂದು ಕಲ್ಯಾಣಪ್ಪನೇ ಲೂಟುನೆಂದ್ ಜನೊಕುಲು ಎನ್ಯ, ಕಲ್ಯಾಣಪ್ಪನ ದಂಡ್ ಎಡನಾಡ್ ಗೆತ್ತನಗ ಅಲ್ಪ ಒರಿ ಭಟ್ರೆನ ಇಲ್ಲಾಲೊಂಜಿ ಸಂಗತಿ ನಡತ್ತ್ಂಡ್. σ 3 ಎ ಶಂಕರ ಭಟ್ರೆ ಇಲ್ಲಡೆ ದಂಡ್ನಕ್ಸ್ ಪೊಗ್ಗುನಗ ಅಲ್ಪ ರಾಮನವಮಿದ ಪೂಜೆ ನಡತೊಂದಿತ್ತ್ಂಡ್, ದಂಡ್ದಕ್ಷೆನ್ ತೂದು ಬತ್ತಿ ಬಿನ್ನೆರ್ ಪೂರ ಪಿರಮೆಯಿಟೆ ಬಲಿತೆ. ಅಲ್ಪ ಒಂಜಿ ಇರ್ನೂದು ಜನೊತ ಉನಸ್ ದಟ್ಟಣೆ ಆದಿತ್ತ್ಂಡ್. ಭಟ್ ಮಾತ್ರ ಪೂಜೆಡ್ ಲಕ್ಜೆರ್, 'ಎಂಚಲಾ ತೈಪುನಾಯೆ ರಾಮದ್ಯಾನೊ ಮತ್ತೊಂದೇ ತೈಪೆಂದ್ ರಾಮದ್ಯಾನೊಡೇ ಕುಲೆರ್. σ ಭಟ್ರೆನ ಬುಡೆದಿ ಪಿದಯಿ ಬತ್ತ್ದ್ ಜಾಲ್ ಪಾಡಿ ಚಪ್ಪರೊ ದಡಿಟ್ ಪಜೆ ಪಾಡ್ ದಂಡದನ್ ಕುಲ್ಯರೆ ಪಂಡೆ, ಪೂಜೆನಡತೊಂದೇ ಇತ್ತ್ಂಡ್, ದಂಡ್ದಕ್ ಪೂಜೆ ಮುಗಿದ್ ಮಂಗಳಾರತಿ ಆಯಿನೇಟ ಕೈಮುಗಿದೇ ಉಂತೆರ್. ಭಟ್ ಪೂಜೆ ಆಯಿಬೊಕ್ಕ ಆರತಿ ತಟ್ಟೆ ಪತೊಂದು ಬತ್ತ್ದ್ ದಂಡ್ಂಡ ಆರತಿ ತೋಜನೆ, ಭಟ್ರೆನ ಬುಡೆದಿ ರಾಮ ನವಮಿದ ಪಾನಕ, ಪನಿಯಾರ ಪಟೈರ್, ಪ್ರಸಾದೊ ತಿಂದ್ಯಾಯಿ ಬೊಕ್ಕ ದಂಡ್ಕುಲು ಪಿದಾಡ್ಯರ್, ಆತಾನಗ ಭಟ್ ಪಣವುದ ಕರಜನ ಕನತ್ ದಂಡೇದಕ್ಕೆ ಎದ್ ದೀಯೆರ್, ಬಟ್ರೆ ಬುಡೆದಿ ಬತ್ತದ್ “ಮಗಾ ನಿಕುಲು ಮದ್ಯನದ ಪೊರ್ತುಗು ಬಚ್ಚಿದ್ ಬತ್ತಿನಕ್ಲು. ಇನಿ ರಾಮನವಮಿ. ನಿಕುಲು ಉನಸ್ ಮಲ್ಪಂದೆ ಪೋಯರೆ ಬಲ್ಲಿ, ಉಂಡುದೇ ಪೋವೊಡು” ಪಂಡೆರ್. ಆತಾನಗ ದಂಡ್ದ ನಾಯಗೆ ಕುಡೆಕಳ್ ಪುಟ್ಟಣ್ಣೆ “ಅಮ್ಮಾ ಈ ಪಂಡಿನ ಬಾರಿ ಎಡ್ಡೆ ಆಂಡ್, ಎಂಕ್ಲಗ್ ನುಪ್ಪು ನೀರ್ ಸರಿಗಟ್ಟಿದಾಂತೆ ದಿನ ರಡ್ ಮೂಜಿ ಕರಿಂಡ್. ಈರ್ ಬಳಸ್ಯರ್ಂಡ ಎಂಕ್ಲು ಉನಸ್ಗ್ ತಯಾರಾದುಲ್ಲ” ಪಂಡೆ. ಬಿಟ್ರೆ ಬುಡೆದಿ ಚಪ್ಪರೊಡು ಕುಲ್ಲರ್ ಇರೆ ಪಾಡ್ ಬಳಸೈರ್, ಉನಸ್ ಬಲ್ಮನ ಆಂಡ್. ಉಂಡಿ ಬೊಕ್ಕ ನಾಯಗೆರಕುಲು ಬಟ್ಟೆನಲಾ ಭಟ್ರೆನ ಬುಡಿದಿನಲಾ ಕಾರ್ ಪತೊಂಡೆರ್. ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 31 J
