ಜನ ಸೇರ್, ಕಾಸರಗೋಡುದ ತಾಲೂಕಾಫೀಸ್ಗ್ ಪೊಗ್ಗುದು ಖಜಾನೆ ಪೊಲಿದ್ ದುಡ್ಡುನು ದಂಡ್ ಬಂಡಾರೊಗು ಸೇರವೊಂಡೆರ್. ಅಲ್ಪ ಇತ್ತಿ ತಹಶೀಲ್ದಾರೆರೆಗ್ ಸಂಬಳೊ ಕೊರ್ದು, ಇಲ್ಲಡೆ ಕಡಪುಡೆ, ಪೊಸತ್ ಒರಡ ಮುಚ್ಚಲಿಕೆ ಬರೆಪವೊಂದು ತಹಶೀಲ್ದಾರ್ ಕೆಲಸೊಗು ನೇಮಕ ಮಲ್ಲೆರ್, ಕಾಸರಗೋಡುಡ್ಡು ಪಿದಾಡ್ ಕುಂಬಳೆದಂಚಿ ದಂಡ್ ಪಿದಾಡ್ಂಡ್, ಕುಂಬಳೆಡ್ ರಾಮಂತರಸು ಆಳೊಂದಿತ್ತೆರ್. ರಾಮಂತರಸುಲು ಎದೆಗಟ್ಟಿದ ನರಮನಿ ಅತ್ತೆ, ಪೆಟ್ಸ್ ಲಡಾಯಿದ ಸಂಗತಿಯೇ ಆರೆಗ್ ತೆರಿಯಂದ್, ಸಾದುನರಮನಿ, ದಾನ ಧರ್ಮ, ಮಲ್ಪರೆ ಮಾತ್ರ ಆರೆಗ್ ಗೊತ್ತು. ರಾಜ್ಯದ ದುಡ್ಡು ಪಣವುದ ಲೆಕ್ಕಾಚಾರ ಆಡಳಿತೆ ಮಾತ ತೂವೊಂದಿತ್ತಿನಾ ಸುಬ್ರಾಯ ಸೇನೆ, ಕಲ್ಯಾಣಪ್ಪನ ದಂಡ್ ಕಾಸ್ರೋಡು ಕಡ್ತ್ಂಡ್ ಪನ್ಸಿ ಸುದ್ದಿ ಸುಬ್ರಾಯ ಸೇನೆರೆಗ್ ಮುಟ್ಟುನಗ ಆರ್ ಆರೆನ ನಂಬಿಕೆದ ದಳವಾಯಿ ಸುಬ್ರಾಯ ಹೆಗ್ಡೆನ್ ಲೆತ್ತೆರ್, ಈ ಒಂತೆ ಜನ ತೈನಾಡಿನಕ್ಷೆನ್ ಲೆತೊಂದು ಪೋದು ಕಲ್ಯಾಣಪ್ಪನ ದಂಡ್ನ್ ಎದೊಂದು ಲೆತೊನು ಬಲ ಪಂಡೆರ್. ದಂಡ್ ಕಡೆಡ್ ಪರ್ದೆಶಿಲೆಗತ್ತಂದೆ ನಮ್ಮ ಜನೊಕುಲೆಗ್ ದಾಲ ತೊಂದರೆ ಆವಂದಿಲೆಕ ತೂವೊಲ್ಲ” ಪಂಡ್ಸ್ ಕಡಪುಡ್ಕರ್. ಸುಬ್ರಾಯ ಹೆಗ್ಡೆ ಸೇನೆಗೆ ಮಿಫ್ ದಿಂಜ ಭಯ ಬಗ್ಗೆ ಇತ್ತಿನಾಯೆ. ಬ್ರಿಟಿಷೆರೆನ್ ಎಂಚಾಂಡಲಾ ತನ್ನ ರಾಜ್ಯೋಡು ಪಿದಯಿ ಪಾಡೊಡುಂದು ಆಲೋಚನೆ ಮಲ್ಲೊಂದಿತ್ತಿನಾಯೆ. ಆಯೆ ಒಂತೆಜನ ಸೈನಿಕೆರೆನ್ ಲೆತ್ತೊಂದು ಪೋದು ಕಲ್ಯಾಣಪ್ಪನ ದಂಡ್ನ್ ಎಸ್ಕೊಂಡೆ. ಈತಾನಗ ಕುಂಬಳೆಡ್ ಬೊಕ್ಕೊಂಜಿ ಕತೆ ನಡತಂಡ್. ದೊಂಬಿ ಕುಂಞಣ್ಣೆ ಪನಾಯೆ ಒರಿ ಪುಂಡು ಪೋಕ್ರಿ ಕೆಲವು ಪೋಲಿ ಜವ್ವನೆರೆನ್ ಕೂಡವೊಂದು ಉಪ್ಪಳ, ಐಲ, ಕುಂಬಳೆ, ಮಂಜೇಶ್ವರೊಡು ತಿರ್ಗ್ದ್ ಇಲ್ಲ ಇಲ್ಲಿ ಪೋದು ಎಂಕು ಕಲ್ಯಾಣಪ್ಪನ ಕಡೆತಂದ್ ಪಂಡ್ದ್ ದುಡ್ಡು, ಬಂಗಾ ಸುಲಿಗೆ ಮಲ್ಯರೆ ಸುರುಮ ಕೆಲವೆರ್ ಕೈನೀ ಕೊರೆರ್, ಅಂಚ ಕೊರಂದಿನಕ್ಷೆನ್ ಪೆಟ್ಸ್ ಪಾಡ್ ಕಟ್ಟೆ ಪಾಡ್ ಪದ್ದೆಯಿ ಬಂಗಾರ್ ಲಪಟಾಯೆ. ಕೆಲವು ದೇವಸ್ಥಾನೊಲೆಗ್ಲಾ ಪೊಗ್ಗುದು ಅಲ್ಪ ಇತ್ತಿ ಪರಕೆದ ಡಬ್ಬಿನ್ ರ್ದಾದ್ ದುಡ್ಡು ಸಂಗ್ರಹ ಮತ್ತೆ ಆತೇ ಅತ್ತೆ ಆಯನ ಕಡೆತ ಪೋಲಿ ಜವ್ವನೆ ಕೆಲವೆ ಜವ್ವಂದಿ ಪೊಣ್ಣುಲೆನ್ ಪತ್ತೆ ಒಯ್ದ್ ಬಲಾತ್ಕಾರೊಲಾ ಮಲ್ಲೆರ್, ಇಂಚ ಕುಂಬಳೆ ಮಂಜೇಶ್ವರೊಡು ಬಾರಿ ಗುಲ್ಲು ಲಂಡ್ ಉಂದು ಪೂರ ಕಲ್ಯಾಣಪ್ಪನ ದಂಡ್ ದ ನನೇ ಬೇಲೆಂದ್ ಸುದ್ದಿ ಆಂಡ್. ಬ್ರಿಟಿಷೆರೆನ ಕಡೆತಕ್ ಐಕ್ ನನಲಾ ಒಂತೆ ಗಾಳಿ ಪಾಡ್ಯರ್, ಕರ್ನಲ್ ಜಾಕ್ಸನ್ ರಾಮಂತರಸುಲೆನ ರಾಜ ಪ್ರತಿನಿಧಿ, ಆಯೆ ಬತ್ತದ್ ಕಲ್ಯಾಣಪ್ಪನ ದಂಡ್ ಕುಂಬಳೆ ಸೀಮೆಗ್ ಪೊಗ್ಗುನೆಗೆ ದುಂಬೇ ಉಂತವೊಡು, ಸುಬ್ರಾಯ ಹೆಗ್ಡೆನ್ ಎಂಕ್ಲಗ್ ಪದ್ ಕೊರೊಡು ಪಂಡೆ. ಕಲ್ಯಾಣಪ್ಪನ ದಂಡ ಸಂಗತಿ ತಲಚೇರಿದ ಬ್ರಿಟಿಷ್ ಕಮಿಶನರ್ಗ್ ತೆರಿಪಯೆ. ಸುಬ್ರಾಯ ಹೆಗ್ಡೆ ತೈನಾತಿನತ್ತೊಟ್ಟಿಗೆ ಪೋದು ಕಲ್ಯಾಣಪ್ಪನ ಕಡೆತ ಕುಂಚಡ್ಕ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 30
