ತಲವಾರ್, ಖಡ್ಗ ಆಯುದೋಲಿತ್ತ. ರಾತ್ರೆ ಜೆತ್ತ್ದ್ ಪೊರ್ಲು ನಿದೆರೆ, ದಂಡ್ದ ಮುತಾಲಿಗೆರೆನ್ ಅರಸುಲು ರಾತ್ರೆದ ತಡೆವುಗು ಅರಮನೆಗ್ ಲೆತ್ತೆರ್. ಆಂಡ ದಂಡ್ದನ್ ಬುಡುದು ಎಂಕು ಮಾತ್ರ ಅರಮನೆಗ್ ಬರ್ಪುನ ಸರಿಯಂದ್ ಎಲ್ಲ ಅರಮನೆಗೆ ಪೋವಂದೆ ನೇತ್ರಾವತಿ ಸುದೆ ಬರಿಟೇ ತಂಬು ಪಾಡ್ಯರ್. - ರಾತ್ರಿಯಿಡೀ ಅರಸುಲೆನ ಪಾಕಸಾಲೆದಗ್ ಅಟಿಲ್ಲ ಕೆಲಸ. ಕಾಂಡೆಲಕ್ಕೆದ್ ದಂಡ್ದಕ್ಸ್ ಪಿದಯಿಪೋದು ಕೂಲಿ ಮೋನೆ ದೆಕ್ಕದ್ ಮಿಯೊಂದು ಬನ್ನಗ ಅಡಿಗೆದಲ್ಲಿನ ಸೆಕೆತಡ್ಯ -ಚಟ್ಟಿ, ಬಜಿಲ್-ಸಜ್ಜಿಗೆ-ಕೊಜಪು, ಕಾಪಿ, ಚಾ ತಯಾರಾದಿತ್ತ್ಂಡ್ ಮಾತೆಲ್ಲಾ ಪಲಾರ ತೀರ್ತ್ದ್ ದುಷ್ಕೃತ ಆದ್ ಪಿದಾಡ್ಯರ್. ಆನಿ ಜನೊಕುಲೆನ ಉಮೇದೇ ಬೇತೆ, ಜೈಕಾರ ಬಾರಿ ದೂರೊ-ದೂರೊ ಮುಟ್ಟ ಕೇಂಡೊಂಡಿತ್ತ್ಂಡ್, ನಡತ್ ಬತ್ತಿ ಬಚ್ಚೆಲ್ ಪೂರ ಅರತ್ದಿತ್ತ್ಂಡ್, ಅರಸುಲೆನ ಉಪಚಾರೊಡು ಜನೊಕುಲೆಗ್ ಪೊಸ ಉಮೇದ್ ದಿಂಜಿದಿತ್ತ್ಂಡ್. ಮಾತೆಲ್ಲಾ ಸುದೆ ಕಡತ್ ಬಂಟ್ವಾಳ ಪೇಂಟೆಗ್ ಪೊಗೈ, ಲಕ್ಷ್ಮಪ್ಪ ಬಂಗರಸುಲು ಜೊತೆಟಿತ್ತೆರ್. ಪೇಂಟೆಗ್ ಪೊಗ್ಗುನೆನೆ ದಂಡ್ ಜನೊಕುಲೆಡ ಏರೋ ಅಂಗಡಿದಕುಲು ಪಾತೆರ್ ತಮಾಸ್ ಮಲ್ಲೆರ್. ದುಂಬೇ ಬಂಟ್ವಾಳ ಪೇಂಟೆದಲ್ಲೆಡ ದಂಡ್ದಕ್ಷೆಗೊಂತೆ ಪಿಸ್ತ್ಂಡ್. ತಮಾಸ್ ಮಲ್ಪುನೆನೆ ಒಂತೆ ಜನ ಅಂಗಡಿಗ್ ಪೊಗ್ಗುದು ಆಯನ ಮಂಡೊಡು ಕುಲೈ, ದುಡ್ಡು ಲೂಟೈರ್, ಗಲಾಟೆ ಲಂಡ್. ಆತಾನಗ ಅಂಗಡಿದನ್ನು ಪೂರ ಬಾಕಿಲ್ ಪಾಡ್ ಬಲಿತೆ, ಬಂಗರಸುಲು ದಂಡ್ದಗ್ “ದಾಲ ಉಪದ್ರೂ ಕೊರೊಡ್ಡಿ. ಅಕುಲು ಡೋಂಗಿ ಮಲೆರ್ಂಡ ಒಂತೆ ಸಹಿಸವೊನೆ. ನಮ ಪೊರ್ಲುಡು ಕುಡ್ಲ ಮುಟ್ಟ ಎತ್ತು, ನಮ್ಮ ಆಡಳಿತ ಬತ್ತಿ ಬೊಕ್ಕ ಮಾತೆಲ್ಲಾ ಪರಿಹಾರ ತೂವೊನುಗ” ಪಂಡೆರ್. ಆತ್ ಕೇಂಡ್ದ್ ದಂಡ್ಕ್ಷೆಗೆ ಸಮಾಧಾನ ಆಂಡ್. ಬಂಟ್ವಾಳ ಖಜಾನೆನ್ ಪೊಲಿದ್ ದುಡ್ಡು ಗಣಿತ್ದ್ ಪೆಟ್ಟಿಗೆಡ್ ದಿಂಜವೊಂದು ಆಲ್ಡ್ ಪಿದಾಡೈರ್, ದಂಡ್ದಲ್ಲೆಗ್ ಅಲ್ಪ ಒರಿಲಾ ಕೆಂಪು ಮುಸುಂಟುದಕುಲು ತಿಕ್ಕಿಜೆರ್. ದುಂಬೆನಾನಿ ಆಡೆ ಕುಡಲದ ಕಲೆಕ್ಟ್ ಲೆವಿನ್ ಬತ್ತದಿತ್ತೆ. ಆಯನ ಸೇನೆಗ್ ಬಂಟ್ವಾಳದ ಅಂಗಡಿದಾಯೆ ಒರಿ ತಮ್ಮನ ಮತ್ತೆ, ಆ ಪಿಸ್ ದಂಡ್ದಕ್ಷೆಗಿತ್ತಂಡ್, ಕೆಲವು ಅಂಗಡಿ ಲೂಟಿ ಮಲ್ತ್ದ್ ದಂಡ ದಕ್ಷ ಆ ಪಗೆನ್ ತೀರವೊಂಡೆರ್. ಕುಮಾರಯ್ಯ ಹೆಗ್ಗಡೆರೆನ ಪಿರಂಗಿ: ಅಪಗ ಕುಡುಮ (ಧರ್ಮಸ್ಥಳ) ನ ಆಳೊಂದಿತಿನೆ ಕುಮಾರಯ್ಯ ಹೆಗ್ಗಡ್, ರಾಮಗೌಡ ಆರೆಗ್ ದುಂಬೇ ಓಲೆ ಕಡಪುಡ್ಡು ಬೆರಿಸಾಯೊ ಕೊರೊಡು, ಎಡ್ಡೆಪ್ಪುದ ಮದಿಪು ಕೊರೊಡೊಂದು ಕೇಂಡ್ದಿತ್ತೆ, ನಿಷ್ಠೆದಂಡ್ ಬನ್ನಗ ಬೋಡಿತ್ತಿ ಸವಲತ್ ಕೊರಂದ್ ಆರ್ ಪಂಡ್ ದಿತ್ತೆ, ದಂಡ್ ಸಂಗತಿನ್ ಆರ್ ದಿನ ದಿನ ತೆರಿಯೊಂದಿತ್ತೆರ್. ಆರ್ ದೈವ ಬಗ್ಗೆ ಮಾತ್ರ ಅತ್ ಮಲ್ಲ ದೇಶ ಭಕ್ತಿಲಾ ಆದಿತ್ತೆರ್, ಬ್ರಿಟಿಷರೆನ್ ಮುಲ್ತ ಬೆರಿಪತ್ತೊಡು ಪನ್ಸಿ ಚಲೋ ಆರೆಗ್ಲಾ ಇತ್ತಂಡ್, ಆರ್ ಮೂಜಿ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 28
