ದಟ್ಟಣೆ ನಡತ್ಂಡ್. ಆತ್ ಪೊರ್ತಾನಗ ಇಟ್ಟೇಲ್ (ವಿಟ್ಲ) ದ ಅರಸು ನರಸಿಂಹರಾಜ ಡೊಂಬ ಹೆಗ್ಡೆ ತನ್ನ ಸೇನಾನಿಲೆನ್ ಕೂಡ್ನವೊಂದು ಆಡೆ ಬತ್ತೆರ್. ಆರೆನೊಟ್ಟಿಗೆ 150 ಜನ ಸೇನಾನಿಲಿತ್ತೆರ್, ಆತೇ ಅತ್ತೆ ಅಪಗದ ಪೊರ್ತುಡು ಇಟ್ಟೇಲ್ ಸೀಮೆದ ಕಯಿಂತಿಲಡ್ ಕತ್ತಿ, ಬೆಡಿ, ತಳವಾರ್ ತಯಾರಾವೊಂದಿತ್ತ್ಂಡ್, ಕಯಿಂತಿಲದ ಕರ್ಬೊದ ಬೇಲೆದ ಆಚಾರ್ಯರ ಕುಲು ಬೆಡಿಕಟ್ಟುನೆಡ್ ಪುದರ್ ಪಡೆಯಿನಕುಲು, ಬ್ರಿಟಿಷ್ ಸರಕಾರೊಲಾ ಅಕುಲೆಗ್ ಬೆಡಿಕಟ್ಟರೆ ಲೈಸನ್ಸ್ ಕೊರ್ದಿತ್ತಂಡ್. ಇಟ್ಟೆಲ್ಲ ಅರಸುಲು ಕಲ್ಯಾಣಪ್ಪನ ದಂಡ್ರಗ್ ಒಂತೆ ಲಡಾಯಿದ ಹತ್ಯಾರ್ಲಾ ಒಪ್ಪಿ ಸಯೆರ್. ತನ್ನ ಸೇನಾನಿ ನಕ್ಷೆನ್ ಕಲ್ಯಾಣಪ್ಪನೊಟ್ಟಿಗೆ ಬುಡ್ಡು ಇಟ್ಟೇಲರಸುಲು ಪಿರತಿರ್ಗ್ ಇಟ್ಟೇಲ್ಗೇ ಪೋಯೆರ್. ದೊಂಬರತಿ ಬೊಕ್ಕ ದಂಡ್ದಕುಲು ಕಬಕೊಡ್ಡು ಪಿದಾಡೈರ್, ಮಾಣಿಗೆತ್ತನಗ ಆಡೆ ಪಂಜ - ಸುಬ್ರಮಣ್ಯದಂಚಿ ಪೋಯಿನ ಪೆರಾಜೆ ಬೀರಣ್ಣ ಬಂಟನ ಪಡೆತಕುಲುಲಾ ಬತ್ ಸೇರೊಂಡ. ಆಕುಲೆ ಒಟ್ಟಿಗೆ ಉಬಾರ್ಡ್ ಮಂಜಪ್ಪ ಬಂಟೆ ಉಬಾರ್ (ಉಪ್ಪಿನಂಗಡಿ) ಕಡಮ (ಕಡಬ) ಬಾಗೊಡ್ಡು ಸುಮಾರ್ ನೂದು ಜನ ಹತ್ಯಾರ್ ಪತ್ತಿ ಜವನೆರೆನೊಟ್ಟಿಗೆ ಬತ್ತ್ದ್ ದಂಡ್ನ್ ಸೇರೊಂಡೆ, ದಂಡ್ ಬಲ ಎಚ್ಚಾವೊಂದೇ ಪೋಂಡು, ಆತಾನಗ ದಂಡ್ದಕ್ಷೆಗೆ ಮರ ಒಯ್ದರೆ ಬತ್ತಿ ಮೂಜಿ ಆನೆಲು ಎದ್ರಾಯ, ದಂಡ್ದಕ್ಲಗ್ ಪತ್ತ್ ದಿನೊತ ಮಟ್ಟಿಗೆ ಆನೆಲೆನ್ ಕೊರೊಲ್ಗೊಂಡ್ ಕೇಂಡೆರ್, ಆನೆದ ಒಡೆಕಾರೆ ಆಯಿಕ್ ಒಪ್ಪಿನೆಡ್ಡಾವರ ಆನೆಲೆಲ್ಲಾ ಲೆತೊಂಡೆರ್. ಮಾವುತೆಲ್ಲಾ ಆನೆದ ಬೆರಿಟ್ ಕುಲೊಂದು ದಂಡ್ದಕ್ಕೆ ಸಾಮಾನ್ ಸರಂಜಾಮುಲೆನ್ ಆನೆಲೆನ ಬೆರಿಟ್ ತುಂಬವೊಂದು ದಂಡ್ದ್ ದುಂಬುಡು ಪೋಯೆರ್. ಬಂಗರಸು ಸೇರೊಂಡೆ: 3 ದಂಡ್ದಕ್ಸ್ ಮೇಲ್ಕಾರ್ ಗೆತ್ತನಗ ಅಕ್ಲನ್ ನಂದಾವರೊದ ಲಕ್ಷ್ಮಪ್ಪ ಬಂಗರಸೆರೆನ ಪರವಾದ್ ನರೀಕ ವೀರಣ್ಣ ಬಂಟೆ ಬತ್ತ್ದ್ ಎದೊರ್ಕೊಂಡೆ. ವೀರಣ್ಣ ಬಂಟೆ ಒರಿ ದೇಶಾಭಿಮಾನಿ. ಆಯೆ ಬಂಟ್ವಾಳದ ನರೀಕಗುತ್ತು ದಾಯೆ. ನಂದಾವರದರಸುಲೆ ಬಂಟೆ. ಆಯೆ ಸುಳ್ಯದ ಕೆದಂಬಾಡಿ ರಾಮಗೌಡನ ಇಲ್ಲಾಲ್ ನಡತಿ ಸುರುತ ಸಬೆಲ್ಲಾ ಬತ್ತದೆ. ದಂಡ್ನಕ್ಸ್ ಪಾಣೇರ್ಗೆತ್ನಗ ನಂದಾವರದ ಲಕ್ಷ ಪೆರ್ ತನ್ನ ಸೇನಾನಿ ಸಮೇತ ಬತ್ತ ದಂಡ್ನ್ ಎದ್ರ್ಕೊಂಡೆ. ಕಲ್ಯಾಣ ಸ್ವಾಮಿಗ್ ಪೂತಮಾಲೆ ಪಾಡ್ಜ್ ಮಾನಾದಿಗೆ ಮಲ್ಲೆರ್. ಆತ್ ಪೊರ್ತುಗು ಕತ್ತಲೆ ಆವೊಂದು ಬತ್ತಂಡ್. ಅರಸುಲು ಇನಿಮೂಲೇ ತಡೆದ್ ಎಲ್ಲೆಕಾಂಡೆ ಪಿದಡೊಡು ಯಾನಾ ನಿಕ್ಷೆ ಒಟ್ಟಿಗೆನೆ ಬರ್ಪೆ ಪಂಡೆರ್, ಆನಿರಾತ್ರೆ ದಂಡ್ ಮಾತ ಜವ್ವನೆಲ್ಲ ನೇತ್ರಾವತಿ ಸುದೆಟ್ ಮೀದ್ ಕುಂಟಂಗಿ ಬದಲ್ಲೊಂಡೆರ್, ಸುದೆಬರಿಟ್ ಮಾತೆರೆಲ್ಲಾ ಅಟಿಲ್ಲ ಏರ್ಪಾಡ್ ಅರಸುಲು ಮಲ್ಟಯೆ, ಮಾತೆರ್ಲ ರಾತ್ರೆ ಪೊರ್ಲುಡು ಉಣಸ್ ಮಲ್ಲೆರ್, ಬಂಗರಸನ ಕಡೆಡ್ಲಾ ದಿಂಜ ಕುದುರೆ ಸವಾರರ್ ತಿಕೈ. ಮಾತೆರ್ನಕೈಟ್ಲಾ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 27
