ಅಡಿಗೆಗೆ ಬೋಡಾಪಿ ಪಾತ್ರೆಲು ಅರಿ, ಕಜಿಪುದ ಸಾಮಾನ್ ಮಾತಸಾದಿಡ್ ಬನ್ನಗ ಜನೊಕುಲು ದಿಂಜದ್ ಕೊರ್ತೆರ್, ಕುಡ ಒಂಜಿ ಗಾಡಿಡ್ ಜನೊಕುಲೆನ ಅಂಗಿ ಕುಂಟೇ ದಿಂಜ ಆದಿತ್ತ್ಂಡ್, ಕುದುರೆ ಇತ್ತಿನಕುಲು ಕುದುರೆಡ್ ಕುಲೊಂದೇ ಬರ್ಪೆದರ್, ಇಂಚ ಅಂಬ ಲೆತ್ತೊಂದು ಸಾಲ್ಗಟ್ಟೆ ಜನೊಕುಲು ಕತ್ತಿ ದೊಣ್ಣೆ ಬೀಜೊಂದು ದುಂಬು ದುಂಬು ಪೋಪದ, ಪುತ್ತೂರು ಗೆಂಪೈರ್: ಇಂಚ ದುಂಬು ಪೋದು ದಂಡ್ ಪುತ್ತೂರು ಗೆಂಡ್, ಪುತ್ತೂರುಗು ಕಲ್ಯಾಣಪ್ಪನ ದಂಡ್ ಬರ್ಪಿ ಸುದ್ದಿ ಕೇನ್ಸ್ ಅಲ್ವ ಇತ್ತಿ ಬ್ರಿಟಿಷೆರೆನ ಪಡೆ ಅಲ್ಪಡ್ ರಟ್ಟಿದೆ. ಕಲೆಕ್ಷೆನ ಕಚೇರಿಡಿತ್ತಿ ಕರಣಿಕ ದೇವಪ್ಪಯ್ಯನ್ ಜನೊಕುಲು ಒಯ್ ಪಿದಯಿ ಪಾಡ್ಯರ್, ಖಜಾನೆ ದರ್ತೆ, ದಂಡ್ದಕ್ಷೆಗೋಣಿ ದಿಂಜಯ, ಕಲ್ಯಾಣ ಸ್ವಾಮಿ ಕಲೆಕ್ಷೆನ ಗದ್ದಿಗೆಡ್ ಕುಲ್ಲು ದರ್ಬಾರ್ ನಡಪಯೆರ್, ಕಲ್ಯಾಣ ಸ್ವಾಮಿನ ಕೊಡಿ ಏರಯೆರ್. ಪುತ್ತೂರ್ ಸ್ವತಂತ್ರ ಆತ್ಂಡ್. ಬ್ರಿಟಿಷೆರೆನ ಕೈಟಿಜ್ಜಿ ಪಂಡ್ದ ಘೋಷಣೆ ಮಲ್ಲೆರ್, ಪುತ್ತೂರು ಪೇಂಟೆಡ್ ದಂಡ್ ಸವಾರಿ ಆಂಡ್, ಆನಿರಾತ್ರೆದ ಉನಸ್ದ ವ್ಯವಸ್ಥೆನ್ ಪೇಂಟೆದ ಅಂಗಡಿದಕುಲು ಮಲ್ಲೆರ್.” ಪುತ್ತೂರು ಮಹಾಲಿಂಗೇಶ್ವರ ದೇವರೆ ದರ್ಸನ ಮತ್ತೊಂಡೆರ್. ಅಪಗ ಅಲ್ಪದ ಪೂಜೆ ಮತ್ತೊಂದಿತ್ತಿನೆ ನಟ್ಟೋಜಿ ಮನೆತನದಕುಲು, ಅಕುಲು ದಂಡಡಿತ್ತಿ ಗಣ್ಯ ಮಾನ್ಯರೆಗ್ 50 ಬೊಂಡ ಒದಗದ್ ಕೊರೆರ್ಗೆ ಮಾರ್ಚ್ 30 ನಾನಿ ಬೆಳ್ಳಾರೆಡ್ ನಡತಿ ಘಟನೆದ ವರದಿ ಕುಡ್ಲದ ಕಲೆಕ್ಷೆಗ್ ಮುಟ್ಸ್ಂಡ್. ಆಯೆ ಮನದನಿ ಕಾಂಡೆ 161 ಜನತ ಒಂಜಿ ಸೇನಾ ತುಕಡಿದೆತೊಂದು ಪುತ್ತೂರುಗು ಬತ್ತೆ. ಪುತ್ತೂರುಡು ಸೇರಿನ ಸಾರಗಟ್ಟೆ ಜನೂನು ತೂದು ಆಯಗ್ ಪೋಡಿಗೆ ಆಂಡ್, ಆಯೆ ಪುತ್ತೂರು ಮುಟ್ಟುನಗ ರಾತ್ರೆಲಾ ಆದಿತ್ತ್ಂಡ್, ನನ ಮೂಲು ಉಂತುಂಡ ಎಂಕ್ಲನ ಜೂವೊಗೇ ತತ್ವಾರ ಪಂಡ್ಸ್ ಆಯೆ ಪಿರ ಜಾ ಬತ್ತಿ ಸಾದಿಗ್ ಸುಂಕ ಇಜ್ಜಿಂದ್ ತನ್ನ ಪಡೆನ್ ಲೆತೊಂದು ಬಂಟ್ವಾಳ್ಗ್ ಪೋಯೆ. ಬಂಟ್ವಾಳಡ್ ಏರೋ ಒರಿ ಅಂಗಡಿ ದಾಯೆ ಅಕುಲೆಗ್ ಉನಸ್ ಪಾಡ್ಯಗೆ, ಈ ಸುದ್ದಿ ಕಲ್ಯಾಣಪ್ಪನ ದಂಡ್ದಕ್ಷೆಗ್ ಮುಟ್ಂಡ್. ಇಟ್ಟೇಲ್ಲರಸುಲೆನ ಕತ್ತಿ - ಜೆಡಿ: ಬ್ರಿಟಿಷೆರೆನ ಆಡಳಿತೊನು ಎದ್ರವೊಂದು ದಂಗೆ ಲಕ್ಕದ್ ಬತ್ತಿ ದಂಡ್ದಕುಲು ಅಮರ ಸುಳ್ಯಡ್ಡು ಪಿದಾಡ್, ಬೆಳ್ಳಾರೆ, ಪುತ್ತೂರು ಕಡತ್ದ್ ಮದ್ಯನ ಆನಗ ಕಬಕೊಗು ಎತ್ತೆರ್, ಕಬಕೊದ ಗ್ರಾಮ ಚಾವಡಿಡೊಂತೆ ಪೊರ್ತು ಕುಲ್ಲುದು ಬಚ್ಚೆಲರಪವೊಂದು ದೊಂಬರಪಿ ಪೊರ್ತುಗು ದುಂಬು ಪೋಯಿಂದ್ ಕಲ್ಯಾಣಪ್ಪೆ ಪಂಡೆರ್. ಅಂಚ ಮಾತೆರ್ಲ ಅಲ್ಪ ಒಂತೆ ಪೊರ್ತು ತಂಬು ಪಾಡ್ಯ. ಅಲ್ಪ ಉನಸ್ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 26
