ಆಯನ ಪಾತೆರ ಕೇಂಡ್ ಹಳ್ಳಿದಕುಲು ಕಲ್ಯಾಣಪ್ಪೆ ದರೋಡೆ ಕೋರೆಂದ್ ಸತ್ಯ ನಂಬೈ, ಒಂತೆ ಜನ ಸೇರ್ ತೋರೊ ತೋರೊದ ಬೆದ್ ಕಡ್ದ್ ನೂದಿರೂದು ಬೆದ್ರದಂಡೆ ಮಲ್ಲೆರ್, ನೆಟ್ಟಾರ್ದ ಜಪ್ಪುನ ಚೆಡವುಡೆ ಮಿತ್ತ ತಿರ್ತ್ ಮುಟ್ಟ ಆಯಿನ್ ಮಾರ್ಗೊಡುಡಿಕ ರಾತ್ರೆದ ಪೊರ್ತುಗು ಕವುಂತು ಬುಡೈರ್, ಕುದ್ರೆಡ್ ಕುಲೊಂದ್ ಚೆಡವುಡೆ ಮಿತ್ತೆಡ್ ತಿರ್ತ್ ಜಪ್ಪುನಗ ಕುದ್ರೆಲೆ ಕಾರ್ ಮಾರ್ಗೊಡು ಕವುಂತಿ ಅಂಡೆದುಲಯಿ ಬೂರುಂಡು, ಕಾರ್ನ್ದೆಪ್ಯರೆ ತೀರಂದೆ ಕುದ್ರೆಲ್ ಕಂತ ಮುಟ್ಟೆ ಮಗುರುಬೊ, ಮಾರ್ಗೊಗು ಬೂರು ತರೆ ಪುಡಾದ್ ಸೈಪೋಂದ್ ಅಕುಲೆ ಆಲೋಚನೆ. ಕುದ್ರೆದೊಟ್ಟಿಗೆ ಜನೊಕುಲುಲಾ ಸೈವೆರ್ಂದ್ ಎನ್ನಿಯೆರ್. ಅಂಡದಾನೆ ಆಂಡ್, ಬಿರುಪಗರಿ ಪತ್ತಿ ಚೆಟ್ಟಿ ಕುಡಿಯೆಲ, ಕರ್ತು ಕುಡಿಯಲ ಕುದ್ರೆ ಸವಾರೆರೆಡ್ ದುಂಬುಡೆ ನೆರಣಿಗೆಡ್ ಬೀಸ ನಡತೊಂದು ಬರ್ಪೆದರ್. ಅಕುಲೆ ಪಿರವುಡೆ ಕಾಲ್ನಡೆ ಸುಮಾರ್ ನೂದ್ ಜನ ಕತ್ತಿ ದೊಣ್ಣೆ ಪತ್ತಿನಕ್ಲು. ಅಕುಲೆ ಪಿರವುಡೆ ಕುದ್ರೆ ಸವಾರರ್ ಇತ್ತೆರ್. ದುಂಬುಡೆ ಪೋಪಿಕಾಲ್ನಡೆತಕುಲು ಬೆದ್ರ ದಂಡೆ ಕವುಂತ್ನೆನ್ ತೂಯೆರ್, ಅಕುಲು ಅಯಿನ್ ತಪ್ಪದ್ ಮಾರ್ಗೊಡ್ಡು ತಿರ್ತ ಜೇರೊಡೆ ಸಾದಿ ಮಲ್ಲೊಂದು ಜತ್ತ ಬತ್ತೆರ್, ಕುದುರೆ ಸವಾರೆಲ್ಲಾ ಅಕುಲೆ ಪಿರವುಡೆನೆ ಬತ್ತೆರ್, ಬೆದ್ರದಂಡೆಲು ಮಾರ್ಗೊಡೆ ಒರಿಯ. ಇಂಚ ಅಪಾಯೊಡ್ಡು ತಪ್ಪುವೊಂಡೆರ್. ದಂಡ್ದಕುಲು ದಾಲ ಅಪಾಯದಾಂತೆ ನೆಟ್ಟಾರ್ ಕರಿದ್ ಮಿತ್ತ ಪಾಲ್ತಾಡ್ ಗೆತೆರ್. ಪಾಲ್ತಾಡ್ ಗೆತ್ತನಗ ಪಾಲ್ತಾಡ್ದ ಪಟ್ಲರ್ ದಂಡ್ದಕ್ಷೆನ್ ಎದುರ್ಕೊಂಡೆರ್. ಆಡೆಗ್ ಕುಂಜಾಡಿ ಗುತ್ತುದು ಬತ್ತದ್ ಮಧ್ಯನದ ಉನಸ್ ಮಲ್ತ್ದ್ ಪೋಡುಂದು ಕೇಂಡೊಂಡೆರ್, ಕಲ್ಯಾಣಪ್ಪೆರ್ ಆಯೆಕ್ ಒತ್ತಿಯೆರ್, ಕುಂಜಾಡಿದ ಇಲ್ಲ ಜಾಲ್ ಮಲ್ಲ ಚಪ್ಪರ ಪಾಡಿತ್ಕಂಡ್, ಅಟ್ಟಿಲ್ಪಟ್ಟಣೆ ಮತ್ತೊಂದಿತ್ತೆರ್, ಕಲ್ಯಾಣಪ್ಪೆ ಚಪ್ಪರೋ ದುಲಯಿ ಪೊಗ್ಗುನಗ ದಿಕ್ಕೆ ಪುಗೆಟ್ ಆರೆಗ್ ತೆಸ್ಕೊ ಬಗ್ಲೆಂಡ್ಗೆ. ಇಲ್ಲದುಲಯಿ ಇತ್ತಿನಕುಲು ಪೂರ ಪಿದಯಿ ಬತ್ತೆರ್ಗೆ, ಆತಾನಗ ಉಲಯಿ ತೊಟ್ಟಿಲ್ಲಿ ಬಾಲೆ ಬುಲಿಪರೆ ಸುರು ಮಲ್ತ್ಂಡ್. ಬಾಲೆದ ಬುಲಿಪು ಕೇಂಡ್ ಕಲ್ಯಾಣಪ್ಪೆರ್” ಬಾಲೆನ್ ದಾಯೆ ಬುಲಿಪವರ್ ಬಾಲೆನೊಚ್ಚಿಲೆ” ಪಂಡೆರ್ಗೆ, ಆ ಬಾಲೆನೇ ನರಸಿಂಗ ರೈಲು ಪಂಡ್ದ್ ಇತ್ತೆದಕುಲು ಪಂಡೊದುಲ್ಲೆರ್, ಕುಂಜಾಡಿಡ್ ಮದ್ಯನದ ಉನಸ್ ತೀರ್ತ್ ದಂಡ್ದಕುಲು ದುಂಬು ಪಿದಾಡೈರ್, ಸವಣೂರು ಕಡೆಡ್ಸ್ ದಿಂಜ ಜನ ಬತ್ತಿದ್ ಕುಂಜಾಡಿಡ್ ದಂಡ್ದೊಟ್ಟಿಗೆ ಸೇರೊಂಡೆರ್. ದಂಡ್ನಗ್ ದುಡ್ಡು ಬಂಗಾರ್ ಒಪ್ಪಿಸಯೆರ್. ಎರುಕಡಪು (ಮಾಡಾವು) ಗಾದ್ ಬಾಂದ್ಕಲ್ಲಕಡಪು (ಕುಂಬ) ಮುಟ್ಟ ಎತ್ತಂಡ್, ಅಲ್ಪ ಒರ ಮಾತೆರ್ಲಾ ಕುಲ್ಲುದು ಆಸರ ತೀರ್ತೆರ್, ಸೇಕಮಲೆ, ಕಾವು, ಪಾಳ್ಯತಡ್ಕಡ್ಡಲಾ ಒಂತೆ ಜನ ಆಡೆಬತ್ ಸೇರಿ, ಒಂತೆ ಬಚ್ಚೆಲರಪದ್ ಪುತ್ತೂರು ದಂಚಿ ಪಿದಾಡ್ಯ, ಬೆಳ್ಳಾರೆಡ್ ಪಿದಾಡ್ನಗ ಸುಮಾರು 2000 ಇತ್ತಿನವು ಪುತ್ತೂರುಗೆತ್ತಿನಗ ಜನೊಕುಲೆ ಸಂಖ್ಯೆ 3000 ಗೆಂಡ್, ಜೊತೆಟ್ ಕೆಲವು ಎರುತಗಾಡಿಲು, ಅಯಿಟ್ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 25
