ಪೋಯಿ. ಕುಡ್ಲ ಮುಟ್ಟ ನಮೋ ದಂಡಯಾತ್ರೆ ಮಲ್ತದ್ ಬ್ರಿಟಿಷೆರೆನ್ ಮುಲ್ಲು ಬೆರಿಪತ್ತಂಡ ಇಡೀ ತುಳುನಾಡ್ಡ ಆಡಳನೇ ನಮ್ಮ ಕೈಕ್ ಸೇರುಂಡು, ನೆಕ್ಕ ಪೂರ ನಿಕುಲೆ ಬೆರಿಸಾಯೊ ಬೋಡು, ದೇವರೆ ದಯೆ ಬೋಡು. ಜೈ ಕಲ್ಯಾಣಸ್ವಾಮಿ” ಪಂಡ್ ಕುಲೈ, ರಾಮಗೌಡಲಕ್ಕು ದುಂತುದು ಕಲ್ಯಾಣಸ್ವಾಮಿನ ಆಡಳಿತೆಡ್ ಸುಂಕ ಕೊರ್ಪಿ ಸಂಗತಿಯೇ ಇಜ್ಜಿ, ಗೇಣೆ ಅರಿಬಾರ್ಡ್ ಕೊರೊಲಿ. ದುಂಬುದಲೆಕ ಬುಳೆಯಿನ ಪೂರ ಗೇಣಿ ಕೊರರೆಗ, ರಡ್ ವರ್ಸೊ ಮುಟ್ಟ ಏಲ್ಲಾ ಗಣಿ ಕೊರ್ಪುನನೇ ಅಗತ್ಯ ಇಜ್ಜಿ. ಆಯಿಡ್ ಬೊಕ್ಕ ಆಲೋಚನೆ ಮಲ್ತ್ದ್ ನಿಗಂಟ್ ಮಲ್ಲುವ, ನಿನ ಮಾತ ಬೆರಿಸಾಯೊಡು ಸುರುಕು ನಮ್ಮ ಬ್ರಿಟಿಷೆರೆನ್ ಮುಲ್ಲು ಬೆರಿಪತ್ತೆಗೊ ದಂಡಯಾತ್ರೆದ ಉದ್ದೇಶನೇ ಉಂದು. ಜೈಕಲ್ಯಾಣಸ್ವಾಮಿ” ಪಂಡ್ ಪಾತೆರ ಉಂತಯೆ. ರಾಮಗೌಡ ಬುಳೇರಿದ ಸೇನವೆರಕುಲೆನ್ ಲೆಪ್ಲಾಯೆ. ಅಕುಲೆನ್ ಕುಲ್ಲ ಓಲೆ ಬರಪಾಯೆ, “ಅಮರ ಸುಳ್ಯ ಮಾಗಣೆ ಕಲ್ಯಾಣಸ್ವಾಮಿನ ವಶ ಆತ್ಂಡ್. ನನ ದುಂಬುಗು ಈ ಮಾಗಣೆದ ಲ್ಲಾ ಬ್ರಿಟಿಷೆರೆಗ್ ಸುಂಕ. ತೀರ್ವ ಕೊರೊಡುಂದಿಜ್ಜಿ. ನನದುಂಬುಗು ಈ ಮಾಗಣೆದ ಮಣೆಗಾರ, ಸೇನವೆರ್, ಪಟೇರ್ ಕಲ್ಯಾಣ ಸ್ವಾಮಿನ ಆದೇಶದಲೆಕ ನಡತೊನೊಡು. “ಇಂಚ ಒಕ್ಕಣೆ ಪಂಡ್ದ್ ಓಲೆಲೆನ್ ಬರೆಪಾದ್ ಓಲೆಕಾರೆರೆನ್ ಲೆತ್ತ್ ಚೆಂಬು, ಪೆರಾಜೆದ ಮಣೆಗಾರ, ಸೇನೆವ, ಪಟ್ಲರೆನಗ್ ಕಡಪುಡ್ಡು ಕೊರೆ, ಬೀರಣ್ಣ ಬಂಟನ್ ಲೆತ್ತ್ದ್ ಈರ್ ನನ್ನ ದಂಡದ ಒಂಜಿ ಪಡೆನ್ ಲೆತೊಂದು ಪಂಜ, ಕುಕ್ಕೆ ಮುಟ್ಟ ಪೋವೊಡು. ಅಲ್ಪ ಕಡಮ (ಕಡಬ) ಉಬಾರ್ಗ್ ಬತ್ತ ಮಾಣಿಡ್ ಎಂಕ್ಲನೊಟ್ಟುಗೆ ಸೇರೊನೊಡು, ಈರೆ ಕೈಟ್ ಕೊರ್ಪಿ ಓಲೆಲೆನ್ ಕುಕ್ಕೆ, ಕಡಮ, ಉಬಾರ ಸೇನವ, ಪಟ್ಲರನ ಕೈಕ್ ಮುಟ್ಟವೊಡು, ಈ ಸೀಮೆದ ಜನೊಕ್ಲಗ್ ಪೂರ ಅಮರ ಸುಳ್ಯ ಮಾಗಣೆಡ್ ಕಲ್ಯಾಣಸ್ವಾಮಿನ ಆಡಳೆ ಬತ್ತಿನೆನ್ ತೆರಿಪಾವೊಡು. ಬ್ರಿಟಿಷೆರೆನ್ ಮುಲ್ತುಡ್ಡು ಗಿಡರ್ನ ಸಂಗತಿ ಮಾತೆರೆಲ್ಲಾ ಗೊತ್ತಾವೊಡು. ಸ್ವತಂತ್ರ ರಾಜ್ಯದ ಕರ್ಚಿಗ್ಂದ್ ಜನೊಕುಲೆಡ ದುಡ್ಡು, ಬಂಗಾರ್ ಕೇಂಡ್ದ್ ಪಡೆವೊನೊಡು ಪಂಡ್ದ್ ಆದೇಶ ಕೊರೆ, ಬೀರಣ್ಣ ಬಂಟೆ ಬುಳೇರಿ ಪಂಜ, ಸುಬ್ರಮಣ್ಯದ ಜನೊಕುಲೆನ್ ಕೂಟೊಂದು ಕಲ್ಯಾಣಸ್ವಾಮಿನ ಅಪ್ಪಣೆ ಪಡೆದ ಕುದುರೆ ಮಿತ್ತೇರ್ದ್ ಪಂಜದಂಚಿ ಪಿದಾಡ್ಯ. ಕಲ್ಯಾಣಪ್ಪನ ದಂಡ್ ಬೆಳ್ಳಾರೆಡ್ ಪುತ್ತೂರುದಂಚಿ ಪಿದಾಡ್ಂಡ್, ಬ್ರಿಟಿಷ್ ಅಧಿಕಾರಿಲು ಬುಡ್ಡು ಪೊಯಿನ ಏಳೆ ಕುದ್ರೆಲು ದಂಡಕ್ಕೆಗ್ ತಿಕ್ಯ ನೆಟ್ಟಾರ್ದ ಮಲ್ಲ ಚೆಡವುಡೆ ಜಪ್ಪುನಗ ಒಂಜಿ ಮಲ್ಲ ಅಪಾಯೊ ಎದ್ರಾಂಡ್. ಬೆಳ್ಳಾರೆಡಿತ್ತಿ ಬ್ರಿಟಿಷ್ ಅಧಿಕಾರಿ ಒರಿ ದುಂಬೆನಾನಿ ನೆಟ್ಟಾರ್ಗ್ ಬತ್ತ “ಎಲ್ಲೆ ಕಲ್ಯಾಣಪ್ಪೆ ಪನ್ನಿ ಒರಿ ಮಲ್ಲ ದರೋಡೆ ಕೋರೆ ನಿದ್ದೆ ಊರುಗು ಬರ್ಪೆ, ಆಯನೊಟ್ಟಿಗೆ ಪತ್ತಿರ್ವ ಜನ ಕುದುರೆ ಸವಾರರುಪ್ಪುವೆರ್. ಅಕುಲೆನೆಂಚಾಂಡಲಾ ನಿಕುಲು ನೆಟ್ಟಾರ್ ಮುಟ್ಟುನೆಗ್ ದುಂಬು ಕೆರ್ದ್ ಬೂಡೊಡು ಪಂಡೆ. ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 24
