ಸ್ವಾತಂತ್ರ್ಯ ಗಾದ್ ಹೊರಾಟ” ಪಂಡ್ಸ್ ಉಂತಯೆರ್. 0 ಅಯಿಡ್ ಬೊಕ್ಕ ರಾಮಗೌಡ ಲಕ್ಕ ದುಂತುದು ನಮ್ಮ ಹೋರಾಟ ಸುರು ಮಿರೆ ಬರ್ಪಿ ಎಪ್ರಿಲ್ ತಿಂಗೊಳ 5ನೇ ದಿನೊ ಯುಗಾದಿ ಎಷ್ಟೊಂದ್ ಎನ್ನ ಆಲೋಚನೆ. ನಮ್ಮ ದಂಡಯಾತ್ರೆ ಸಂಪಾಜೆ ಗಡಿಡ್ ಸುರು ಆವೊಡು, ಜವ್ವನೆರ್ ಪೂರ ಕತ್ತಿ, ಬೆಡಿ, ದೊಣ್ಣೆ ಇಂಚ ಒಂಜೊಂಜಿ ಹತ್ಯಾರ್ ಕೈಟ್ ಪತೊಂದು ಬರೊಡು. ಒಂಜೊಂಜಿ ಗ್ರಾಮಡ್ಸ್ ಏತೇತ್ ಜನ ಬರ್ಪುನೆಂದ್ ನಿಗಂಟಾವೊಡು. ಐನ್ಮನೆ ತಕ್ಲು ನೆತ್ತ ಜವಾಬ್ದಾರಿ ವಹಿಸವೊನೊಡು 'ಪಂಡೆ. ಅಲ್ಪ ಸೇರಿತ್ತಿ ಜವ್ವನೆರ್ ಗುಂಪು ಸೇರ್ ಏತೇತ್ ಜನ ಹೋರಾಟೊಡು ಪಾಲ್ ಪಡೆಪುನೆ, ಬೊಕ್ಕ ಎಂಚೆಂಚಿನ ಹತ್ಯಾರ್ನ್ ಪತೊನು ಬರ್ಪುನೆಂದ್ ಚರ್ಚೆ ಮಲೆರ್, ಮಾತೆರೆಗ್ಲಾ ಉಮೇದ್ ದಿನೊ ಏಪ ಬತ್ತಿಜಿಂದ್ ಏವುರ, ಆಟೊಡಿತ್ತಿ ಕತ್ತಿ, ತಲವಾರ್, ಬಾಳಕತ್ತಿ, ದೊಣ್ಣೆ ಪೂರಾ ತಿರ್ತ್ ದೆಪ್ಯರೆ ಅಮಸರೊ. ಅಂಬೆರ್ಪುಅಂಗಲಾಪು, ಬೇಗ ಬೇಗ ಉನಸ್ ಮುಗಿತೊಂದು ಅಕುಲಕುಲೆ ಇಲ್ಲಡೆ ಬಲಿತೆ, ಸ್ವಾತಂತ್ರ್ಯ ಹೋರಾಟೊದ ಸುರುತ ಸಭೆನಡತಿ ಈ ಕಂಡೊಗು ಮದ್ದೆಗದ್ದೆಂದ್ ಪುದರಾಂಡ್. ಇತ್ತೆ ಅಲ್ಲೊಂಜಿ ಇಲ್ಲ ಲಕ್ಕದುಂತುದುಂಡು, ಇತ್ತೆಲಾ ಆ ಇಲ್ಲಿ ಮತ್ತೆ ಗದ್ದೆಂದೆ ಪುದರ್, ರಾಮಪ್ಪಯ್ಯನ ಕೊಲೆ: “ಅಂಡೆದ ಬಾಯಿ ನಾಂಡಲಾ ಮುಚ್ಚಲಿಗೆ ದೊಂಡೆದ ಬಾಯಿ ಮುಚ್ಚರೆ ಸಾಧ್ಯ ಇಜ್ಜಿಂದ್ ಒಂಜಿಗಾದೆ ಉಂಡು. ಅಂಚನೆ ಆಂಡ್. ಕಲ್ಯಾಣಪ್ಪೆ ಸುಳ್ಯಗು ಬತ್ತಿ ಸುದ್ದಿ, ದಂಡಯಾತ್ರೆಗ್ ಪೋಪಿ ಸುದ್ದಿ ಪೂರನಾಲ್ ದಿಕ್ಕಡ್ ಪಸರ್ಂಡ್. ಅಮರ ಸುಳ್ಯದ ಅಮಲ್ದಾರೆ ಅಲ್ಲೂರು ರಾಮಪ್ಪಯ್ಯ, ಆಯೆ ಕೊಡಗ್ದ ದಿವಾನೆ ಲಕ್ಷ್ಮೀನಾರಾಯಣಯ್ಯನಮೆಗಿ, ಈ ಕಾರದೊಡ್ಡಾವರ ಅಯಗ್ ಬಾರಿ ಹಾಂಕಾರ, ಆಯೆ ಬಡವೆರೆನ ಬಗೆಟ್ ದಾಲ ಕನಿಕರ ಇಜ್ಜಂದಿ ಮಹಾಕ್ರೂರಿ. ಏತೊಜನೊತ ಭೂಮಿನ್ ಮೂಜಿ ಮುಕ್ಕಾಲ್ ಕೊಯ್ದು ಕ್ರಯ ಚೀಟ್ ಮಲ್ಪವೊಂದೆ. ಸರಕಾರಿ ಜಮೀನ್ ಪೂರ ಆಯನವುಂದೆ ಎನ್ನೊಂದೆ. ಎಂತು ನನ್ ಏತೊ ಜನೊನು ಕೆರ್ಪಾದೆ. ಚೆಂಬು, ಪೆರಾಜೆಡ್ ಪೂರ ಆಯನನೇ ಕಾರ್ಬಾರ್, ಆಯನ್ ಅಟ್ಟೂರ ದೊರೆಂದೆ ಪದೆರ್, ಆಯೆ ಬ್ರಾಣೆಂದ್ ಆಯನ ಸುದ್ದಿಗ್ ಪೋಪೆಡ್ಜೆರ್, ಅವು ಆಯಗ್ ಬಾರಿ ಸಸಾರ ಆದ್ ಪೋದಿತ್ತ್ಂಡ್, ಬ್ರಿಟಿಷೆರ್ ಆಯನ್ ಬಾರಿ ಎಡ್ಡೆಡ್ ತೂಪೆದೆರ್, ಅಂಚಾದ್ ಆಯನ ದೌಲತ್ ಬೊಕ್ಕಲಾ ಎಚ್ಚಾದಿತ್ತಂಡ್. ಅತ್ತೂರು ರಾಮಪ್ಪಯ್ಯಗ್ ಕೆದಂಬಾಡಿ ರಾಮಗೌಡನ ಇಲ್ಲಾಲ್ ದಂಗೆದ ಬಗೆಟ್ ನಡತಿ ಚರ್ಚೆದ ಸಂಗತಿ ಗೊತ್ತಾಂಡ್. ಈ ದಂಗೆನ್ ಎಂಚಾಂಡಲಾ ಬಂಗ ಮಲ್ಲೊಡುಂದು ಆಯೆ ಆಲೋಚನೆ ಮತ್ತೆ ದಂಗೆ ಲಕ್ಕುನೆಗ್ ದುಂಬೇ ಕುಡ್ಲಗ್ ಪೋದು ಬ್ರಿಟಿಷ್ ಕಲೆಕ್ಷೆಗ್ ತೆರಿಪುವುನವೇ ಎಡ್ಡೆಂದ್ ಆಯಗ್ ತೋಜಿಂಡ್. ಅಂಚ ಆಯೆ ಕುಡ್ಲಗ್ ಪಿದಾಡ್ಯ, ಸೀದಾ ಸಾದಿಡೆ ಪೋವಂದೆ ಕಳ್ಳ ಸಾದಿ ಪತ್ತೆ. ಆಯನ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 21
