ಗುಟ್ಟುಡು ಈಡೆಲೆತೊನು ಬತ್ತದೆ. ಆರೆಗ್ ಪೂ ಮಲೆಟೊಂಜಿ ಆಶ್ರಮ ಕಟ್ಟಿ ಕೂರ್ತ, ಇತ್ತೆ ಕಲ್ಯಾಣ ಸ್ವಾಮಿ ಈಡೆಗ್ ಬರರೆಗುಲ್ಲೆರ್. ಆರೆನ್ ದುಂಬು ದೀವೊಂದು ನಮ ದುಂಬು ದಾನೆ ಮಡು, ಎಂಚ ಪೋವೊಡು ಪನ್ನಿ ವಿಚಾರೊನು ಚರ್ಚೆ ಮಲ್ಲುಗೊ” ಪಂಡ್ ಕುಲ್ಲಿಯೆ. ಎದ್ರೆಡ್ ಕುದುರೆಡ್ ಕುಲೊಂದು ಬರ್ಪಿ ಕಲ್ಯಾಣ ಸ್ವಾಮಿ ತೋಜುವೆರ್. ಆತಾನಗ ರಾಮಗೌಡೆ” ನಮ್ ಮಾತ ಆರೆನ್ ಮೋಕೆಡ್ ಎದುರ್ಕೊನುಗ” ಪಂಡ್ ದುಂಬು ಪೋಪೆ. ಆಯನೊಟ್ಟಿಗೆ ಹುಲಿಕುಂದ ನಂಜಯ್ಯ ಬೊಕ್ಕ ಕುಂಚಡ್ಕ ತಿಮ್ಮಣ್ಣೆಲಾ ದುಂಬು ಪೋಪೆರ್. ದೊಂಪ ದೆದ್ರೆ ಬತ್ತಿ ಕಲ್ಯಾಣ ಸ್ವಾಮಿ ಕುದ್ರೆಡ್ ತಿರ್ತ್ ಜತ್ತೆ, ಕೂಜುಗೊಡು ಪಟ್ಲರ್, ರಾಮಗೌಡ, ನಂಜಯ್ಯ ಮಾತೆರ್ಲ ಆರೆನ ಕೈಪ ಮೋಕೆಡ್ ಎದ್ರ್ಕೊಂಡ, ಆತಾನಗ ಸೇರಿ ಜನೊಕುಲು “ಕಲ್ಯಾಣಸ್ವಾಮಿಗ್ ಜಯ ಆವಡ್ ಪಂಡ್ ಅಂಬಲೆತ್ತೆರ್. ವಾಲಗೊದಕುಲು ಕೊಂಬುವಾಲಗ ಉರಿತೆ, ಮುತ್ತೈ ಪೊಂಜೊವು ಬತ್ತ ಕಲ್ಯಾಣಪ್ಪನ ಕಾರ್ಗ್ ನೀರ್ ಕೊದ್ದು ಆರತಿ ಮಲ್ತದ್ ಕುಂಕುಮೊದ ಬೊಟ್ಟು ಪಾಡ್ಯರ್, ಪಟ್ಲ ಕೈಟ್ ಪತ್ತ್ದ್ ಸಬೆಕ್ ಲೆತೊನು ಪೋದು ಕುಲ್ಲಯೆರ್. ಮಾತ ಜನೊಕುಲೆಗ್ಲಾ ಕಲ್ಯಾಣ ಸ್ವಾಮಿ ಅರಸುಲೆನ್ ತೂದು ಬಾರಿ ಸಂತೋಸಾಂಡ್, ಜಯಘೋಷ ಮುಗಲ್ ಮುಳ್ಕೊಂಡ್, ರಾಜನ ದುಷ್ಕೃತ ಆದ್ ತರೆಟ್ ಕಿರೀಟ ದೀದ್ ಪುಗೆಲ್ಡ್ ಶಾಲ್ಜಪ್ಪಾದ್ ಬತ್ತಿ ಅರಸು ಕಲ್ಯಾಣಪ್ಪೆ ರಾಜಗಾಂಭಿರ್ಯೊಡು ಬತ್ತದ್ ಕುರ್ಸುಡು ಕುಲೆರ್, ಮಾತೆರ್ಲಾ ಚಪ್ಪರೊದುಲಯಿ ಸೇರ್, ಅಕುಲಕುಲೆ ಜಾಗೆಡ್ ಪೋದು ಕುಲ್ಲಿಯೆ, ಕುಡ ಒರ ಮಾತೆರ್ಲ ಮಹಾರಾಜ ಕಲ್ಯಾಣಪ್ಪಗ್ ಜೈ ಪಾಡ್ಯ. ಕೂಜುಗೋಡು ಅಪ್ಪಯ್ಯ ಲಕ್ಕದುಂತುದು “ನಮ ಬ್ರಿಟಿಷೆರೆನ ವಿರುದ್ಧ ಹೋರಾಟೊಗು ಜತ್ತುದೋ ನಮ್ಮ ಮುತಾಲಿಗೆರಾದ್ ಕೊಡಗ್ ಅರಸು ಕಲ್ಯಾಣಪ್ಪೆರುಲ್ಲೆರ್. ಸುರುಕು ನಮ್ಮ ಕೊಡಗ್ ಮುತ್ತಿಗೆ ಪಾಡ್ ವಶ ಮಲ್ಲೊನುಡಿತ್ತ್ಂಡ್. ಆಂಡ ಅವು ಸುಲಬೊದ ಕೆಲಸ ಅತ್ತೆ, ಕೊಡಗ್ ಇಡೀಕ ಬ್ರಿಟಿಷೆರೆನ ಸೇನೆ ಉಂಡು. ಆತೇ ಅತ್ತೆ ಅಲ್ಪ ನಂಕ್ ಬೆರಿಸಾಯೊ ಕೊರ್ಪಿ ಜನೊಕುಲೆನ ಸಂಕಲಾ ಕಮ್ಮಿ. ಅಂಚಾದ್ ಇಂಚಿ ಕುಡಲದ ಕಡೆಕ್ ಪಿದಾಡ್ಡ, ತುಳುನಾಡ್ಡ ಮಾತ ಜನೊಕುಲುಲಾ ಬೆರಿಸಾಯೊ ಕೊರ್ಪೊಂದ್ ಪನ್ನೆರ್, ಕುಡಲದ ಜನೊ ನಮನ್ ಕಾತೊಂದುಲ್ಲೆರ್, ಕುಡಲದಂಚಿ ನಮ್ಮ ದಂಡಯಾತ್ರೆ ಸಾಗೊಡು, ನಂಕ್ ನಂದಾವರದ ಅರಸುಲು, ಇಟ್ಟೇಲ್ಲ ಡೊಂಬ ಹೆಗ್ಡೆ, ಕುಂಬಳೆದ ರಾಮಂತರಸೆ, ಕುಡುಮದ ಹೆಗ್ಗಡ್, ಮಾತಜನ ಬೆರಿಸಾಯೊ ಕೊರರೆ ತಯಾರಾದುಲ್ಲೆರ್. ಉಂದು ಬಜೀ ಗೌಡ ಸಮಾಜೊದ ದಂಗೆ ಅತ್ತೆ, ಈ ಹೋರಾಟೊಡು ತುಳುನಾಡ್ಡ ಬಂಟೆರ್, ಬಿರ್ವೆರ್, ಮರಕಲೆ, ಬ್ಯಾರ, ಬ್ರಾಣೆರ್ ಮಾತ್ರ ಜಾತಿದಕುಲುಲಾ ಪಾಲ್ ಪಡೆವೊಡುಂದು ಕೇಂಡೊನ್ವ, ಉಂದು ಬೆನ್ನಿದ ಜನೊಕುಲೆನ ಹೋರಾಟ. ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 20
