ಉಪ್ಪುಗ್ಲಾ ಸುಂಕ ಕೊರೊಡಾಂಡ ನಮ್ಮ ಬದನೆ ಅಂಡಲಾ ಎಂಚ. ನಮ ಬುಳೆಪಯಿ ಅರಿಬಾರ್ಗ್ ಬಿಲೆ ಇಜ್ಜಿ. ಮಾರೊಡಾಂಡಲಾ ಸುಂಕೊ. ತೀರ್ವ ಕೊರ್ಪುನೆನ್ ಮೂಜಿಪಾಲ್ ಎಚ್ಚದ್ ದುಡ್ಡುದ ರೂಪೊಡು ಕೊರೊಡು ಪಂಡೆರ್, ಸುಂಕೊ ವಸೂಲಿ ಮಲ್ಲುನೆ ಅತ್ತಂದೆ ಜನೊಕುಲೆಗ್ ಬೋಡಿತ್ತಿ ಸೌಕರ್ಯ ಮಲ್ತ್ ಕೊರ್ಪುಜೆರ್. ಹಳ್ಳಿಗ್ ಪೋಯರೆ ಮಾರ್ಗ ಇಜ್ಜಿ. ತೋಡುಗು ಸಂಕ ಇಜ್ಜಿ, ಜೋಕುಲೆಗ್ ಸಾಲೆ ಇಜ್ಜಿ. ರೋಗಿಲೆಗ್ ಆಸ್ಪತ್ರೆ ಇಜ್ಜಿ. ದುಂಬು ನಮ್ಮ ರಾಜೆರೆನ ಆಡಳಿತೆಡಾಂಡಲಾ ನೆಡ್ ಎಚ್ಚ ಸುಕೊಟ್ಟಿತ್ತ. ಇತ್ತೆ ಸಾಲಗಾರೆರಾವೊಂದೇ ಪೋವುಂದುಲ್ಲ. ನೆಕ್ಕ ನಮ್ಮ ದಾನೆ ಪರಿಹಾರ ನಾಡೊಲಿ ಪನ್ಸಿ ವಿಷಯ ಚರ್ಚೆ ಮಲ್ಪರೆಗಾದೇ ನಿಕ್ಲನ್ ಪೂರ ಈಡೆಲೆತ್ತದ. ನಮ್ ಮಾತೆರ್ಲ ಒಟ್ಟಾಂಡ ನೆಕ್ಕ ದಾನೆ ಆಂಡಲಾ ಸಾದಿನಾಡೊಲಿ. ಉಂದು ಒಕ್ಕೊರಡ್ ಆಪಿ ಬೇಲೆ ಅತ್ತೆ. ಬ್ರಿಟಿಷೆರೆನ್ ನಮ್ಮೂರುಡ್ಡು ಬೆರಿ ಪತ್ತೊಡಾಂಡ ನಮ್ಮ ಮಾತೆರ್ಲ ಒಟ್ಟಾವೊಡು. ನೆಕ್ಕ ನಿಷ್ಠೆ ಅಭಿಪ್ರಾಯ ತೆರಿಪಾವೊಡು “ಪಂಡ್ ರಾಮಗೌಡೆ ಕುಲ್ಲಿಯೆ. ಕ ಪಿರ ನಂಜಯ್ಯ ಲಕ್ಕದುಂತುದು “ಇಡೀ ನಮ್ಮ ಭಾರತ ದೇಶೆ ಬ್ರಿಟಿಷೆರೆನ ಕೈ ಸೇಂಡ್. ನೆಡ್ ಬುಡುಗಡೆ ಪಡೆಯರೆಗಾದ್ ದೇಸೊದ ನಾನಾ ಕಡೆಟ್ ಹೋರಾಟ ನಡತೊಂದುಂಡು, ಯಾನ್ ಬಡೆಕಾಯಿ ಭಾರತ ಪೂರ ತಿರ್ಗದ್ ತೂದು ಬತ್ತೆ. ಓಲುತೂಂಡಲ ಜನೊಕುಲೆಗ್ ಸುಕೋ ಇಜ್ಜಿ. ಆನೊಕುಲು ಬ್ರಿಟಿಷೆರೆ ಎದ್ ಲಡಾಯಿ ಮಲ್ಲೊಂದೇ ಉಲ್ಲೆರ್, ಈಟ ನಮನ್ ಕೊಡಗ್ ಐಗೂರುದ ಅರಸುಲು ಆಳೊದಿತ್ತೆರ್. ಅಕೇರಿದರಾಜೆ ಚಿಕವೀರ ರಾಜೇಂದ್ರ ಒಡೆಯರೆನ್ ಮೋಸೊಡು ಪಟ್ರೊಡ್ಡು ಜಪ್ಪದ್ ಕೊಡಗಡ ಗಡಿಪಾರ್ ಮಲ್ತ್ ಬುಡೈರ್, ಪಾಪ ರಾಜೆರಾದ್ ಮೆರೆವೊಂದು ಪ್ರೊಡಾಯಿನ ಆರ್ ಒಂಜಿ ಪೊರ್ತುದ ನುಪ್ಪುಗು ಗತಿದಾಂತೆ ಬುಡೆದಿ ಜೊಲ್ಲೆನೊಟ್ಟಿಗೆ ನರಳೊಂದುಲ್ಲೆರ್, ನಮ್ಮ ಅಮರ ಸುಳ್ಯ ಐಗೂರು ಸಂಸ್ಥಾನೊಗು ಸೇರ್ದಿತ್ತಂಡ್, ಆ ಪರ್ದಸಿ ಪರಂಗಿ ಜನೊಕುಲು ಐಗೂರುಗು ಮುತ್ತಿಗೆ ಪಾಡ್ಯರ್, ಐಗೂರುದ ಅರಸು ವೆಂಕಟಾದ್ರಿನ್ ಮೋಸೊಡು ಗೆಂದ, ಆತೇ ಅತ್ತ್ ಆ ಬೇರ್ವಸಿಲು ಆರೆನ್ ಗಲ್ಲೊಗು ಪಾಡ್ ಕೆರೆರ್. ಆರೆನ ಕುಟುಮೊನೇ ನಾಶ ಮಲ್ಲೆರ್. ಐಗೂರು ಸಂಸ್ಥಾನೊನು ವಶ ಮತ್ತೊಂಡೆರ್, ಕಣ್ಡ್ ನೆತ್ತೆದಾಂತಿನ ಬ್ರಿಟಿಷೆರ್ ರಾಜವಂತೊದ ಒವೊಂಜಿ ಜೂವೊಲಾ ಬದ್ದ್ ಒಯ್ಯರೆ ಬಲ್ಲಿಂದ್ ನಾಡ್ನಾಡ್ ಕೆರ್ಪವೊಂದುಲ್ಲೆ, ಅಪರಂಪಾರ ಸ್ವಾಮಿನ್ ಗಲ್ಲೊಗು ಪಾಡೆರ್. ನನ ಒರಿನಾರ್ ಒರಿಪಂಡ ಹಾಲೇರಿ ವಂಶೆದ ಕೊಡಿ ಅಪ್ಪಾಜಿ ಅರಸುಲೆನ ರಡ್ಡೆನೇ ಮಗೆ ನಂಜುಂಡರಸುಲು. ಆರ್ ಕಲ್ಯಾಣಸ್ವಾಮಿಂದ ವೇಸೊ ಬದಲ್ಲೊಂದು ಅಪರಂಪಾರ ಸ್ವಾಮಿನೊಟ್ಟಿಗೆ ಇತ್ತೆರ್. ಅಪರಂಪಾರ ಸ್ವಾಮಿನ್ಗಲ್ಲೊಗು ಪಾಡಿ ಬೊಕ್ಕ ಮೇಲ್ಲಾ ಬ್ರಿಟಿಷರೆ ಕೈಕ್ ತಿಕ್ಚರ್, ಮೇರೆನ್ ಮೈಸೂರುದ ಕರ್ಪಿಲ್ಡ್ ಡ್ ಪಾಡಿತ್ತೆರ್, ಮೇರ್ ಡ್ ಅಲ್ಪಡ್ ಮೆಲ್ಲ ತಪ್ಪ, ಜೈಲ್ಡ್ ತಪ್ಪಯಿನ ಆರೆನ್ ಎಂಕುಲು ಮಾತ ಸೇ 3 ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 19
