ಕೊಡಗ್ ರಾಜ್ಯ, ಮಲೆಡ್ ತಿರ್ತ್ ಜೇರೊಡ್ಡಿಂಚಿದ ರಾಜ್ಯ ತುಳುನಾಡ್, ಪೂಮಲೆತ ತಿರ್ಶ ಪುಡೆಟೊಂಜಿ ಬೈಲ್, ಅವ್ವ ಕೆದಂಬಾಡಿ, ಇತ್ತೆ ಆಯಿನ್ ಉಬರಡ್ಕ ಪರ್, ಉಬರ್ ಪಂಡ ಎತ್ತರೊ, ತಮೆಲುನೆ, ಉರ್ಕರುನೆ, ಉಬ್ಬರ ಪಕ್ಷಿ ಅರ್ತೊ ಉಂಡು. ಅಡ್ಕ ಪಂಡ ಪಂತಿ ಬುಳೆವೊಂದುಪ್ಪಿ ಮೈದಾನ, ದುಂಬು ಈ ಜಾಗೆಗ್ ಕೆದಂಬಾಡಿಂದ್ ಪುದರಿತ್ಕಂಡ್, ಕೆದು ಪಂಡ ಕೆರೆ. ಪಾಡಿ ಪಂಡ ಅಡ್ಕ, ದೈ ಮರಕಲು ಇತ್ತಿ ಮೈದಾನ, ದುಂಬು ಈ ಜಾಗೆಡ್ ಕೆಲವು ಕೆದುಕುಲು ಮದಗೊಲು ಉಪರೆಯಾವು. ಉಬರಡ್ಕ - ಮಿತ್ತೂರು ಸುಳ್ಕೊಡ್ಡು ಮಡಿಕೇರಿಗ್ ಪೋಪಿ ರಾಜ ಮಾರ್ಗೊದ ಬರಿಟುಂಡು, ಸುಳ್ಯ ಪೇಂಟೆಡ್ ಒಂತೆ ದುಂಬು 7 - 8 ಕಿಲೋ ಮೀಟರ್ ಎಡತ್ತ - ಮೆಯಿಕುಂಡು. ಕೆದಂಬಾಡಿ ರಾಮಯ್ಯ ಗೌಡೆ ಅಲ್ಪದ ಮಲ್ಲ ಧನಿಕೆ, ರಾಮಗೌಡ ಗೌಡ ಜಾತಿಡ್ ಮಾತ್ರ ಅತ್ತೆ ಇಡೀ ಊರುಡೇ ಪುದರ್ ಪಡೆಯಿನ ನರಮನಿ, ಮಾಗಣೆ ಗೌಡ, ಕೂಜುಗೋಡು ಕಟ್ಟೇಮನೆ ಪಟ್ಲರೆನ ಮಲ್ಲ ಇಷ್ಟೆ. “ಗೌಡ ಗೋತ್ರೋದ (ಬಳಿ) ಪಿರ್ಕಾರ ಕುಡೆಕಲ್ಲ, ಬಳ್ಳಡ್ಕ, ಸುಳ್ಯಕೋಡಿ, ಕಾನತ್ತಿಲ, ಕುದ್ದಾಜೆ, ಕೂಟೇಲು, ಕೊಂಗಾಜೆ, ಪರಿವಾರ ಕೆದಂಬಾಡಿ ಇಂಚ ಒರ್ಂಬ ಐನ್ ಇಲ್ಲಿನ ಮಾಗಣೆದ ಗೌಡ ರಾಮಗೌಡೆ, ಆಯನ ಇಲ್ಲೆಲಾ ಒಂಜಿ ಐನ್ಮನೆ, ಗೌಡ್ರೆನಕುಲೆಗ್ ಗೋತ್ರ (ಬಳಿ) ಉಂಡು, ತುಳುನಾಡ್ಡ ಮಾತ ಗೌಡ್ರೆನಕುಲೆಗ್ಲಾ, ಅಕುಲು ತುಳು ಪಾತೆರಡ್, ಅರೆಬಾಸೆ ಪಾತೆರಡ್ ಒಂಜೇ ಪಿರ್ಕಾರದ ಗೊಲು, ಭಾಷೆಗನುಸಾರವಾದ್ ಗೋತ್ತೊಡು ವ್ಯತ್ಯಾಸ ಇಜ್ಜಿ, ರಾಮಗೌಡನ ಕಬರ್ ಬರಿ, ಆಯನ ಮಾಗಣೆಗ್ ಸೇರ ಐನ್ಮನೆ ತಕುಲೆನ ಗೋಲಾ ಒಂಜೆ. ಕಬರ್ ಬಳಿತಕುಲೆಗ್ಲಾ ವೀರಶೈವೆರೆಗ್ಲಾ ದುಂಬುಡು ಸಮ್ಮಂದ ಇತ್ತದುಪೊಡುಂದು ಕೆಲವು ವಿದ್ವಾಂಸೆರ್ ಪನ್ಸರ್. “ (ಡಾ ಪೂವಪ್ಪ ಕಣಿಯೂರು 2003 ಗೌಡ ಜನಾಂಗ). 0 66 ರಾಮಗೌಡೆ ಎಡ್ಡೆ ಗಟ್ಟಿ ಮುಟ್ಟುದ ಆಳ್. ನಡುಪ್ರಾಯ ಕರಿಂಡಲಾ ಮೈ ಕೈಟ್ ನನಲಾ ಜವ್ವಂದಿಗೆ ಒರಿತ್ಂಡ್. ರಾಮಗೌಡಣ್ಣಾ ಕೊಡಗರಸು ನಕ್ಷೆಗ್ಲಾ ದಿಂಜ ಎಡ್ಡೆಪು ಇತ್ತ್ಂಡ್, ಕೊಡಗೆರ್ ಆಯಗ್ ತಕ್ಕ (ಗುರಿಕಾರ) ಪಂಡ್ ಮರ್ಯಾದೆ ಕೊರ್ಪೆದರ್, ಅರಸು, ದಿವಾಣೆ ಲೆತ್ ಪಾತೆರ್ದರ್, ದಾನೆ ಆಂಡಲಾ ಸಮಸ್ಯೆ ಬಂಡ ಚರ್ಚೆ ಮಲ್ಪೆದೆರ್, ರಾಜವಂಶದ ಜವ್ವನೆರೆನ ಇಚ್ಛೆ ಆಯಿನೆದ್ದಾವರ ರಾಮಗೌಡಗ್ ಕತ್ತಿವರಸೆ ಕುದುರೆ ಸವಾರಿ ಮಾತ ಗೊತ್ತಿತ್ತಂಡ್. ಆಂಡ ರಾಮಗೌಡಗೌ ಬ್ರಿಟಿಷೆರೆನ ಬಗೆಟ್ ಎಡ್ಡೆ ಅಭಿಪ್ರಾಯ ಇಜ್ಯಾಂಡ್. ಕೊಡಗ್ದ ದಿವಾನೆ ಲಕ್ಷ್ಮೀ ನಾರಾಯಣಯ್ಯ ಸುಳ್ಯದ ಅಜ್ಜಾವರದಾಯೆ. ತುಳು ಸ್ಥಾನಿಕ ಬ್ರಾಣಿ, ಲಕ್ಷ್ಮೀ ನಾರಾಯಣಡ ರಾಮಗೌಡಗ್ ಎಡ್ಡೆ ಇತ್ತ್ಂಡ್, ಆಂಡ ಆಯೆ ಬ್ರಿಟಿಷೆರೆನ ದಿವಾನೆ ಆಯಿನೆಡ್ಡಾವರ ಗುಟ್ಟುದ ಸಂಗತಿಲೆನ್ ಆಯಡ ಪನ್ಯರೆ ದೈರ ಇದ್ಯಾಂಡ್. ದಂಡಯಾತ್ರೆಗ್ ತಯಾರಿ: ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 17
