0 ಮೋನೆಡ್ ರಾಜಗಾಂಭೀರ್ಯ ನೆಗ ತೋಜೆನ್ಂಡ್, ಅಪರಂಪಾರನ ಆಶ್ರಮೊಗು ಸೇರ್ ಆಯೆಲಾ ಕತ್ತಿವರಸೆ, ಕುದುರೆಸವಾರಿ ಕಲ್ಸ್ದಿತ್ತೆ. ತಾನೇ ಒಂಜಿ ಬೊಳ್ಳಿ ಕುದುರೆ ಸಾಂಕೊಂದಿತ್ತೆ. ಹಾಲೇರಿ ರಾಜ ವಂಶೋದ ಕತೆಪೂರ ಆಯೆ ಕಲ್ಯಾಣಸ್ವಾಮಿ (ನಂಜುಂಡರಸು) ಡ ಕೇಂಡ್ದ್ ತೆರಿದಿತ್ತೆ, ಆಂಡಲಾ ಆಯಗ್ ದಂಡ್ ಮುತಾಲಿಕೆ ಆದ್ ಬರರೆಗ್ ಒರೋನೆ ಧೈರ್ಯ ಬತ್ತಜಿ, ಯಾನ್ ಕಲ್ಯಾಣಪ್ಪೆಂದು ಸುಳ್ಳು ಪಂಡ್ದ್ ಜನೊಕುಲೆಗ್ ಮೋಸ ಮಲ್ನೋಡತ್ತಾಂದ್ ಕುಡ ಒಂಜಿ ಅಲ್ಡ್ ಉಂಡಾಂಡ್. ಪೋಯಿನಕುಲು ಎಂಚಾಂಡಲಾ ಮಲ್ತ್ದ್ ಪುಟ್ಟ ಬಸಪ್ಪನ್ ಕೂಜುಗೋಡು ಕಟ್ಟೆ ಮನೆಗೆ ಲೆತೊನು ಬತ್ತೆರ್. ಅಲ್ಪ ಕುಲ್ಲುದು ಪಿರ ಚರ್ಚೆ ಮಲ್ಲೆರ್. 99 ಪುಟ್ಟಬಸಪ್ಪೆ “ನಿಕುಲು ರೈತಾಪಿ ಜನೊಕುಲು ಸುಡು ದಂಗೆಲಕ್ಕುನೆ. ಅಂಚಾದ್ ಮುಲ್ಪದಕುಲೆನೇ ಏರೆನಾಂಡಲಾ ರಾಜಪ್ರತಿನಿಧಿ ಪಂಡ್ ದುಂಬು ದೀವೊಂದು ಪೋಪಿನ ಎಡ್ಡೆ ಅತ್ತಾ? ಕೇಂಡೆ. ರಾಮಗೌಡೆ ಅಯಿಕ್ ಒಪ್ಪಿಜೆ. ರಾಜ ಕೊರ್ಪಿ ಮಾನಾದಿಗೆ ಬೇತೆನೆ. ಆ ಮಾನಾದಿಗೆ ರಾಜ ಪ್ರತಿನಿಧಿಗ್ ತಿಕ್ಕಂದ್. ತುಳುನಾಡ್ದಕುಲೆನೇರೆನಾಂಡಲಾ ಎಂಕ್ಲು ಕಲ್ಯಾಣಪ್ಪೆ ಪಂಡ್ದ್ ದಂಡ್ಗ್ ಲೆತೊನು ಪೋಂಡ, ಏರಾಂಡಲಾ ಒರಗ್ ಗುರ್ತೊ ಖಂಡಿತ ತಿಕ್ಕುಂಡು, ಗುರ್ತೊ ತಿಕ್ಕಿಸಾಗ್ ಅವು ಪ್ರಚಾರ ಆದ್ ನಮದಂಡ್ ಒಗ್ಗಟ್ಟೆ ಪೊಲಿಪುಂಡು, ಜನೊಕುಲೆ ಬೆಂಬಲ ಕಮ್ಮಿ ಆಪುಂಡು. ಅಂಚಾಯರೆ ಬಲ್ಲಿ. ದೂರೊದ ಶನಿವಾರ ಸಂತೆದ ಈರೆನ ಗುರ್ತೊ ತುಳುನಾಡ್ಡ ಏರ್ ಒರಗ್ಲಾತಿಂದ್ ಈ ವಿಚಾರೊನು ಎಂಕ್ಲುಲಾ ಬಾರಿ ಗುಟ್ಟುಡು ದೀವೊನುನ ಎಡ್ಡೆ “ಪಂಡೆ. F ಕಡೆಕ್ ಪುಟ್ಟ ಬಸಪ್ಪೆ ನಕಲಿ ಕಲ್ಯಾಣಸ್ವಾಮಿ ಆಯರೆ ಒತ್ತೊಂಡೆ. ಆಯನ್ ರಾಮಗೌಡ ಕೆದಂಬಾಡಿಗ್ ಲೆತೊನು ಪೊಯೆ. ಪೂಮಲೆತ ಬರಿಟ್ ಒಂಜಿ ಆಶ್ರಮ ಕಟ್ಟದ್ ಕೊರೈ, ಕಲ್ಯಾಣಸ್ವಾಮಿಗ್ ಬೋಡಿತ್ತಿ ರಾಜವೇಷ್ದ ಅಂಗಿ ಕುಂಟು ತರ್ಪದ್ ಕೊರೆ. ಅಲ್ಪ ಆಯನ ಉನಸ್ನಸ್ಗ್ ಮಾತ ವ್ಯವಸ್ಥೆ ಮತ್ತೆ ಚಾಕಿರಿಗ್ ಬೋಡಿತ್ತಿ ಜನದೀಪಯೆ. ಕಾವೆಲಿಗ್ ಕರ್ತು ಕುಡಿಯೆಂದ್ಲಾ ಚೆಟ್ಟಿಕುಡಿಯೆಂದ್ದಾರಡ್ ಬಿರುಪಗರಿ ವಿದ್ಯಾನಿಪುಣೆರೆನ್ ಉಂತಯೆ. ಅಕುಲು ರಡ್ ಜನೊಲಾ ಮಲೆ ಕುಡಿಯೆರಕುಲು ರಾಪಿ ಪಕ್ಕಿನ್ ಪಗರಿ ಬುಡ್ಡು ಕೆರ್ಪಿ ಸಾಹಸಿಲು, ಕೊಡಗರಸೆರಕುಲೆಗ್ ಬಿಲ್ವಿದ್ಯೆ ಕಲ್ಪಾದ್ ಇನಾಮು ಪಡೆಯಿನಕುಲು. ಕಲ್ಯಾಣಪ್ಪನ ರಕ್ಷಣೆಗ್ ಅಕುಲು ರಡ್ ಜನೊನು ಉಂತಯೆ, ರಾಮಗೌಡ, ನಂಜಯ್ಯ ಅಪಗಪಗ ಆಶ್ರಮೊಗು ಪೋದು ಕಲ್ಯಾಣಪ್ಪಡ ಪಾತೆರ್ದ್ ಬರ್ಪೆದೆ. ದಂಡ್ಗ್ ಜನ ಸೇರಯರೆ, ಅತ್ಯಾರ್ ತಯಾರ್ ಮಲ್ಪರೆ ಅಟ್ಟಣೆ ಮಲ್ಪೆದೆರ್. ಮಾತ ಸಂಗತಿಲಾ ಗುಟ್ಟುಡೇ ನಡತೊಂದಿತ್ತಂಡ್. ಜನೊಕುಲುಲಾ ಅಕುಲಕುಲೆಗ್ ಪತ್ಯರೆ ಬೋಡಿತ್ತಿ ಹತ್ಯಾರ್ ತಯಾರ್ ಮಲ್ಲೊಂದಿತ್ತೆರ್. 3 ಕೆದಂಬಾಡಿ ರಾಮಗೌಡೆ: ಸಹ್ಯಾದ್ರಿ ಬೆಟ್ಟದ ಪೂಮಲೆ ಮಲ್ಲಕಾಡ್, ಪೂಮಲೆಡ್ ಬ್ರಹ್ಮಮಲೆ ಮುಟ್ಟ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 16
