ರಾಜ್ಯೋಲೆಗ್ ಮಾತ ಯಾನ್ ಪೋದು ಬತ್ತೆ. ಅಲ್ಲದ ಜನೊಕುಲು ಸಂಘಟನೆಗಾದ್ ಒರಿ ದೇಶೀಯ ರಾಜೆರೆನ್ ಪತೊಂದೆರ್, ಅಕುಲೆನ್ ದುಂಬು ದೀವೊಂದು, ದಂಗೆ ಲಕ್ಕಯರ್, ರಾಜೆರಕುಲು ಉಲ್ಲೆರ್ ಪನ್ನಗ ಜನೊಕುಲು ಒಟ್ಟಾದ್ ದುಂಬು ಬರ್ಪೆರ್. ನಮಲಾ ಒಂಜಿರಾಜನ್ ದುಂಬು ದೀವೊಂದು ಪೋತುಂಡ ಎಡ್ಡೆ ಇತ್ತಂಡ್” ಪಂಡೆ. ರಾಮಗೌಡೆ ನೆಕ್ಕೊಂಜಿ ಉಪಾಯೊದ ಅಬಿಪ್ರಾಯ ಕೊರೆ. “ಈರ್ ಪನ್ನಿನ ಸರಿ. ನಂಕ್ ಮುಟ್ಟದ ರಾಜೆರಕುಲು ಪಂಡ ಕೊಡಗ್ ರಾಜೆ, ಲಕ್ಷ್ಮಪ್ಪ ಬಂಗರಸೆ ದೂರೊದ ರಾಜೆರ್, ಆರ್ ಇತ್ತನೇ ಬ್ರಿಟಿಷೆರೆಗ್ ಕಪ್ಪ ಸಂದಾವೊಂದುಲ್ಲೆರ್. ಬೊಕ್ಕ ಆರೆನಬಗೆಟ್ ಸುಳ್ಯದಕುಲೆಗ್ ದಾಲಗೊತ್ತಿಜ್ಜಿ, ಅಂಚಾದ್ನಮ ಒಂಜಿ ನಕಲಿ ರಾಜನೇ ಸೃಷ್ಟಿ ಮಲ್ಗೊಡಾಪುಂಡು, ಕುಕನೂರು ಚೆನ್ನಯ್ಯಗ್ ಒಂಜಿ ಆಲೋಚನೆ ಬಂಡ್, ಆಯೆ ಪನ್ಯರೆ ಸುರು ಮಲ್ಲೆ” ಯಾನ್ ಸ್ವಾಮಿ ಅಪರಂಪಾರನ ಆಶ್ರಮೊಗು ಪೋದಿತ್ತೆ. ಅಲ್ಪ ಕಲ್ಯಾಣಸ್ವಾಮಿಂಗ್ ಒರಿಜವ್ವನನ್ ತೂದಿತ್ತೆ. ಆಯೆ ಹಾಲೇರಿ ವಂಶದ ನಂಜುಂಡ ಅರಸುಗೆ, ಆಯನ್ ಲೆತೊನು ಬಾಂಡ ಎಂಚ”. “ಅವುಸರಿ, ಆಂಡ ಆಯನ್ ಬ್ರಿಟಿಷೆರ್ ಬೆರಿಪತ್ತದ್ ಕೊನೊತೆರತ್ತಾ. ಜೈಲ್ಗ್ ಪಾಡ್ಡೆರಾ, ಕೆರೆರಾ ಏರೆಗ್ ಗೊತ್ತು, ಒಂಜಿ ವೇಳೆ ಬದ್ದಿತ್ತೆಂಡಲ ಆಯನ್ ಓಲು ನಾಡುನೆ” ಪಂಡೆರ್ ಪಟ್ಲ, “ಯಾನ್ ಅಪರಂಪಾರನ ಆಶ್ರಮೊಗು ಪೋನಗ ಅಲ್ಪ ಕಲ್ಯಾಣಸ್ವಾಮಿನ್ ತೂಯೆ, ಆಯನಂಚನೆ ಆಯನಾತೆ ಪ್ರಾಯೊದ ಕುಡ ಬರಿ ಜವ್ವನೆ ಅಲ್ಪ ಇತ್ತೆ, ಆಯನ್ನಾಡ್ ಪತ್ತೆ ನಕಲಿ ಕಲ್ಯಾಣಪ್ಪನ ಸೃಷ್ಟಿ ಮಲ್ಪರೆ ಸಾಧ್ಯ ಆಂಡ ಎಡ್ಡೆ. ಆಯೆ ಒಲ್ಪದಾಯೆ ಏರೆಗ್ಲಾ ಗೊತ್ತಾ?” ನಂಜಯ್ಯ ಕೇಂಡೆ. “ಆಯನ ಎಂಕ್ ಗೊತ್ತುಂಡು, ಆಯೆ ಶನಿವಾರ ಸಂತೆದ ಹೆಮ್ಮನಿ ಗ್ರಾಮೊದಾಯೆ. ಆಯೆಲಾ ಲಿಂಗಾಯತೆ, ಆಯನ ಪುದರ್ ಪುಟ್ಟ ಬಸಪ್ಪೆಂದ್. ಆಯೆ ಇತ್ತೆ ಬೆನ್ನಿ ಬೇಸಾಯೊ ಮಲ್ಲೊಂದುಲ್ಲೆ. ಆಯನ ಎಂಕ್ ಗುರ್ತೊಉಂಡು. ಆಯನ್ ಒಪ್ಪಿಸವುನ ಎನ್ನ ಕೆಲಸೊ, ಬಾರಿ ಧೈರ್ಯೊಡು ಪಂಡೆ ತಿಮ್ಮಪ್ಪ, ಇಂಚ ಕೂಜುಗೋಡುಡು ನಿರ್ಣಯ ಆಂಡ್. ನಂಜಯ್ಯ ಕುಕನೂರು ಚೆನ್ನಯ್ಯ ಬೊಕ್ಕ ತಿಮ್ಮಪ್ಪ - ಮುಕುಲು ಮೂಜಿಜನ ಪೋದು ಪುಟ್ಟ ಬಸಪ್ಪನ್ ಒಪ್ಪದ್ ಲೆತೊನು ಬತ್ತ ಒಂತೆದಿನ ತರಬೇತಿ ಕೊರ್ಪುನೆಂದ್ ನಿಗಂಟಾಂಡ್, ನಂಜಯ್ಯ ಚೆನ್ನಯ್ಯ, ತಿಮ್ಮಪ್ಪೆ ಮೂಜಿ ಜನಲಾ ಶನಿವಾರ ಸಂತೆಗ್ ಪಿದಾಡ್ಯರ್. ಬಾಕಿದಕುಲು ಅಗತ್ತೆ, ಮೂಜಿ ಜನೊಲಾ ಪುಟ್ಟ ಬಸಪ್ಪನ್ ನಾಡೊಂದು ಶನಿವಾರ ಸಂತದ ಹೆಮ್ಮನಿ ಗ್ರಾಮೊಗು ಪೋಯೆರ್. ಆಯನ್ ತೂದು ಪಾತೆರೆರ್, ಆಯ್ಕೆ ತೂಯರೆ ಗಟ್ಟಿ ಮುಟ್ಟುದ ಜವ್ವನೆ. ಕಲ್ಯಾಣಸ್ವಾಮಿನ ಸಮ ಪ್ರಾಯದಾಯೆ. ಆಯನ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 15
