ಬುಳೆಕುಲೆಗ್ ನ್ಯಾಯವಾಯಿನ ಬಿಲೆ ತಿಕ್ಕಜಿ. 5. ತೀರ್ವ ಕೊರ್ಪಿ ಸಲುವಾದ್ ಬೆನ್ನಿದಕುಲು ಅಕುಲು ಬುಳೆಪಯಿ ದವಸ ಧಾನ್ಯಡ್ ಹೆಚ್ಚಿನ ಬಾಗ ಮಾರಾಟ ಮಲ್ಲೊಡಾದ್ ಬತ್ಕಂಡ್, ಒರಿನ ಅರಿ ಬಾರ್ ಅಕುಲೆ ವರ್ಸೊದ ಕರ್ಚಿಗ್ ಯಾವಂದೆ ಆಂಡ್, ಜನೊಕುಲು ಸಾಲಗಾರರಾಯ, ಬೆನ್ನಿದಕುಲು ಗುಡಿಕೈಗಾರಿಕೆದಕುಲು ಬಡವೆರಾವೊಂದು ಬತ್ತೆರ್. 6. ಕಿತ್ತೂರ ರಾಣಿ ಚೆನ್ನಮ್ಮಗ್ಲಾ (1778-1829) ಬ್ರಿಟಿಷೆರೆಗ್ಲಾ ಲಡಾಯಿ ನಡತ್ಂಡ್, ಚೆನ್ನಮ್ಮ ಲಡಾಯಿಡ್ ಸೋತಳ್, ಆಳೆನ್ ಕರ್ಪಿಲ್ಸ್ಡ್ ಪಾಡೆರ್. ಆಳ್ ಕ್ರಿ. ಶ 1829 ಡ್ ಜೂವೊದೆತ್ತೊಂಡಳ್. ಆಳನ ದಂಡ್ಡಿತ್ತಿನ ಒರಿ ದೇಶ ಬಗ್ಗೆ ಬೇರೆ ಸಂಗೊಳ್ಳಿ ರಾಯಣ್ಣೆ ಜನೊಕುಲೆನ್ ಕೂಡವೊಂದ್ ಬ್ರಿಟಿಷರ ಎದ್ರುಂತುದು ಹೋರಾಟ ಮತ್ತೆ ಆಯನ್ ಮೋಸೊಡು ಪತ್ತೇದ್ ಬ್ರಿಟಿಷೆರ್ ಕ್ರಿ. ಶ 1831 ಡ್ ಗಲ್ಲಿಗೇರಯರ್, ಈ ಸಂಗತಿಲೆನ್ ಪೂರ ಹುಲಿಕುಂದ ನಂಜಯ್ಯ ಜನೊಕುಲೆಗ್ ಪನ್ನಗ ಜನೊಕುಲು ಬ್ರಿಟಿಷೆರೆನ ಮತ್ತೆ ಕೋಪ - ತಾಪೊಡು ಉರಿಉರ್ದಲ ಪೋಯೆರ್. 7. ಆಟ ಅಮರ ಸುಳ್ಯ ಕೊಡಗ್ ರಾಜೆ ಚಿಕ್ಕವೀರ ರಾಜೇಂದ್ರನ ಕೈಟಿತ್ತ್ಂಡ್. ಆಯೆ ಎಡ್ಡೆ ಆಡಳಿತದ ಅರಸು. ಆಯನ ಮಿಫ್ ಬ್ರಿಟಿಷೆರ್ ಅಪಾದನೆ ಪಾಡ್ ಪಟ್ರೊಡ್ಡು ಜಪ್ಪದ್ ಕುಟುಮೊ ಸಮೇತ ಗಡಿಪಾರ್ ಮಲ್ಲಿನ ಜನೊಕುಲೆಗ್ ಬಾರಿ ಬೇಜಾರ ಸಂಗತಿಯಾಂಡ್, ಈ ಭಾವನಾತ್ಮಕತೆನೇ ಜನೊಕುಲು ಕ್ರಾಂತಿ ಲಕ್ಕಯರೆಗ್ ತಕ್ಷನೊದ ಕಾರಣ ಆಂಡ್. ಗೌಡಜನಾಂಗ: ಅಮರ ಸುಳ್ಯದ ಕ್ರಾಂತಿದ ನಾಯಕೆ ಕಲ್ಯಾಣಪ್ಪೆ ಕೊಡಗರಾಜೆ ಪನ್ನಿ ಸಾಮಾನ್ಯ ಅಭಿಪ್ರಾಯ ಜನೊಕುಲೆಡ ಇತ್ತಂಡ್, ಆಂಡ ಅವು ಸರಿಯತ್, ಈ ಕ್ರಾಂತಿ ನಡಪಯರೆ ಸುರು ಮಲ್ಲಿನಕುಲು ಸುಳ್ಯ ಮಾಗಣದ ಗೌಡ ಸಮಾಜೊದ ಮುತಾಲಿಕೆ. ಬೊಕ್ಕ ಅಯಿನ್ ತುಳುನಾಡ್ದ ಮಾತ ಜಾತಿದಕುಲುಲಾ ಸೇರೊಂದು ದುಂಬು ಕೊನೊಯೆರ್. ಆ ಪೊರ್ತುಗು ಇಡೀ ದೇಶ ಬ್ರಿಟಿಷೆರೆನ ಕೈಟಿತ್ತಂಡ್. ಅಕುಲೆ ನಿರಂಕುಶ ಆಡಳಿತೆದೆ. ಉಂತುದು ಹೋರಾಟ ಮಲ್ಪುನೆ ಪಂಡ ಅವು ಸಾಮಾನ್ಯದ ವಿಷಯ ಅತ್ತೆ, ಮಲ್ಲ ಎದೆಗಾರಿಕೆ ಬೋಡು. ಬ್ರಿಟಿಷೆರೆನ ಕಡೆತ ಒರಿ ಸಾಮಾನ್ಯ ಸೈನಿಕಲ್ಲಾ ಭಾರತೀಯರೆನ್ ಗುಂಡು ಪಾಡ್ ಕೆರ್ಪಿಹಕ್ಕೆ ಇತ್ತಂಡ್, ಅಯಿನ್ ಕೇನುನಕುಲಿಜ್ಜಾಂಡ್, ಅಲ್ಪ ನ್ಯಾಯಾನ್ಯಾಯದ ಪ್ರಶ್ನೆನೇ ಇಜ್ಜಾಂಡ, ಈ ಒಂಜಿ ವಾತಾವರಣೋಡು ಜನೊಕುಲು ಬ್ರಿಟಿಷೆರೆ ವಿರುದ್ಧ ಪಾತಯ್ಯರನೇ ಪೋಡಿಯೊಂದಿತ್ತೆರ್, ಅಕುಲೆ ಪಿರವುಡೆ ಪೋಪಿನ ಜನಮಂದೆನೇ ಎಚ್ಚ ಅಯಿತೊಟ್ಟಿಗೆ ಬ್ರಿಟಿಷೆರೆನ ಮೆಚ್ಚಿಗೆ ಪಡೆಯರೆಗಾದ್ ಅಕುಲೆಗ್ ಊರದಕುಲೆ ಮಿಫ್ ಚಾಡಿ ಪನಕುಲುಲಾ ಇತ್ತೆರ್. ಇಂಚೆ ಸಂದರ್ಭಡು ಬ್ರಿಟಿಷೆರೆ ವಿರುದ್ಧ ಅಂಬಲೆತ್ತದ್ (ಘೋಷಣೆ) ಸಾರ್ವತ್ರಿಕ ಬೆಂಬಲೊ ಕೇಂಡ್ದ್ ಮುತಾಲಿಕೆಂದ್ ಕ್ರಾಂತಿ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 11
