ಉದ್ದೇಶೆಡು, ದೇಶಬಗಿಡ್ ಜನೊಕುಲೆನ್ ಒಟ್ಟು ಸೇರಯರೆ ಪಿದಾಡಿನಕುಲ ಅಕುಲೆಗ್ ಇರ್ವೆರೆಲ್ಲಾ ಕೊಡಗ್ ಗದ್ದಿಗೆ ಏರುನ ಒಂಜಿ ಅಂಗಲಾಪು ಇತ್ತಂಡ್. ಬ್ರಿಟಿಷ್ ವಿರೋಧಿಜನೊಕುಲು ಏರಾಂಡಲಾ ಬೆರಿಸಾಯೊ ಕೊರ್ದು ಒಗ್ಗಟ್ಟಾದ್ ಬ್ರಿಟಿಷೆರೆನ ಎದ್ರುಂತುವೆರ್ ಪನ್ನಿ ನಂಬಿಕೆಡ್ ಅಕುಲು ಈ ಒಕ್ಕೂಟ ಕಟ್ಟರೆ ಆಲೋಚನೆ ಮಲ್ಸ್ದಿತ್ತೆರ್. ಆಂಡ ಅವು ನಡತಿಜಿ, ಅಕುಲು ರಡ್ಡೆ ಜನೊಲಾ ವೀರಶೈವ ಜಾತಿಗ್ ಸೇರಿನಕುಲಾಯಿನೆದ್ದಾವರ ಅಕುಲೆಗ್ ಕೊಡಗ್ಡಿತ್ತಿ ಕೊಡಗೆರಾವಡ್, ಗೌಡೆರಾವಡ್ ಬೆರಿಸಾಯೊ ಕೊರರೆ ದುಂಬು ಬತ್ತಿಜೆರ್, ಅತೇ ಅತ್ತ ಅಕುಲು ರಡ್ಡ ಜನಲಾ ಕಪಟ ಸನ್ಯಾಸಿಲು ಪಂಡ್ದ್ ಬ್ರಿಟಿಷೆರೆಗ್ ಜನೊಕುಲು ತೆರಿಪಾದ್ ಕೊರ್ಯೆರ್. ಅಮರ ಸುಳ್ಯದ ಕ್ರಾಂತಿಗೆ ಕಾರಣೋಲು: ಬ್ರಿಟಿಷೆರೆನ ಆಡಳಿತ ಭಾರತದ ಜನಕುಲೆಗ್ ದಾಲ ಸುಖ ಕೊರ್ಜಿ, ಬೆನ್ನಿದ ಜನೊಕುಲೆನ, ಗುಡಿಕೈಗಾರಿಕೆ ಮತ್ತೊಂದಿತ್ತಿನಕುಲೆನ ದುಡ್ಡುದ ಪರಿಸ್ಥಿತಿ ಹಾಳಾಂಡ್, ಸಮಸ್ಯೆ ಎಷ್ಟೊಂದೇ ಪೋಂಡು, ಸ್ವತಂತ್ರ ದೇಶೆ ಕಟ್ಟುನನೇ ನೆಕ್ಸ್ ಪರಿಹಾರ ಪಂಡ್ ಜನೊಕುಲು ಆಲೋಚನೆ ಮಲ್ಪರೆ ಸುರು ಮಲ್ಲೆರ್, ಅಮರ ಸುಳ್ಯ ಕೊಡಗರಸುಲೆನ ಕೈಡ್ಸ್ ತತ್ತ್ದ್ ಬ್ರಿಟಿಷೆರೆಗ್ ಸೇರಿಕೂಡ್ಲೆ ಅಲ್ಲದ ಜನೊಕುಲೆಗಾಯಿನ ತೊಂದರೆಲೇ ಬ್ರಿಟಿಷೆರೆ ವಿರುದ್ಧ ದ್ವೇಷ, ಹೊರಾಟೊಗುಜಪರೆ ಕಾರಣಲಾಯ. 1. ಕಂಪೆನಿ ಸರಕಾರ ಜಿಲ್ಲೆದ ಬೇರೊದ ಅಧಿಕಾರೊನು ತಾನೇ ವಹಿಸವೊಂದು
- ಉಪ್ಪುಡು ಬತ್ತಿನ ಪುಗರೆ ಮುಟ್ಟದ ಮಾತ ಸೊತ್ತುಲೆಗ್ ಸುಂಕ ಜಾರಿಗ್ ಕನತ್ಂಡ್.
2. ಬೆನ್ನಿದ ಜನೊಕುಲು ಬುಳೆಪವುನ ಅರಿ, ತಾರಯಿ, ಬಜ್ಜೆಯಿ, ಎಡ್ಡೆಮುಂಚಿ ಮಾತೆಲ್ಲಾ ಮಾರಾಟ ತೆರಿಗೆ ಕೊರೊಡುಂದು ಆದೇಚ ಮಲ್ತ್ಂಡ್. 3. ಬೆನ್ನಿದ ಜನಕುಲು ದುಂಬು ಗೇಣಿ / ತಿರ್ವೆನ್ ವಸ್ತು ರೂಪೊಡು ಕೊರ್ಪೆದರ್. ಒಂಜಿ ಮುಡಿ ಬೈಲಕಂಡೊಗು ಈತ್ ಮುಡಿ ಗೇಣಿ, ಬೊಟ್ಟಿ ಕಂಡೊಗು ಈತ್ ಮುಡಿ ಗೇಣಿಂದ್ ನಿಗಂಟ್ ಇತ್ತ್ಂಡ್, ಕಂಪೆನಿ ಸರಕಾರ ದುಂಬಿತ್ತಿ ಗೇಣಿನ್ ರಡ್ಡ ಪಾಲ್ ಮಲ್ತ್ಂಡ್, ಆತೇ ಅತ್ತೆ ಗೇಣಿನ್ ದುಡ್ಡುದ ರೂಪೊಡು ಕೊರೊಡುಂದು ಕಾನೂನು ಮಲ್ತ್ಂಡ್. ಅಂಚಾದ್ ಬೆನ್ನಿದಕುಲೆಗ್ ತಕ್ಕುಲು ಬುಳೆ ಪದಿನ ವಸ್ತುಲೆನ್ ಮಾರಾಟ ಮಲ್ಪುನ ಅನಿವಾರ್ಯತೆ ಆಂಡ್, ಅಮರ ಸುಳ್ಯ ದುಂಬು ಕಾಡು, ಗುಡ್ಡೆ ಎಚ್ಚತ್ತಿ ಜಾಗೆ, ಸರಿಯಾಯಿನ ಮಾರ್ಗಲಿಜ್ಜಿ, ಪೇಂಟೆಗ್ ಅರಿ, ಬಾರ್, ಬಜ್ಜೆಯಿ ಸಾಗಾಟೊಗು ಬಾರಿ ಬಂಜ ಆಂಡ್, ಎರುತಗಾಡಿಡ್ ಕೊನಯರೆ ಮಾರ್ಗದಾಂತಿನಲ್ಪ ತುಂಬೊಂದೇ ಪೇಂಟೆ ಮುಟ್ಟ ಕೊನೊವೊಡಾದ್ ಬತ್ತಂಡ್. 4. ಧಾನ್ಯ ಖರೀದಿ ಮಲ್ಟಿ ಅಂಗಡಿಲು ಅಪಗ ಸುಳ್ಯಡು ಬಾರಿ ಕಡಿಮೆ ಇತ್ತೊ ಬ್ರಿಟಿಷ್ ಸರಕಾರ ಮಲ್ಲಿ ಕಾನೂನು ಬೇರದಕುಲೆಗೊಂಜಿ ವರದಾನ ಆಂಡ್. ತಿಕ್ಕಿನ ಒಂಜಿ ಅವಕಾಶೆಡು ಆಯಿನಾತ್ ಕಾಸ್ ಮಲ್ಲೊನುಗಂದ್ ದೆತೊನುನ ಸಾಮಾನ್ ಬಿಲೆ ಬಾರಿ ಕಡಿಮೆ ಮಲ್ಲೆರ್. ಅಂಚಾದ್ ಬೆನ್ನಿದಕುಲೆಗ್ ಅಕುಲು ಬುಳೆಯಿ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 10
