ಈತಾನಗ ಈ ಸುದ್ದಿ ಕ್ಯಾಲಿಹಾರ್ಡ್ ಕೆಬಿಕ್ ಮುಟ್ಕಂಡ್, ಆಯೆ ಅಪರಂಪಾರನ್ ಕೈದ್ ಮಲ್ತ್ದ್ ಲೆತೊಂದು ಬರರೆ ಸೈನಿಕೆರೆನ್ ಕಡಪುಣ್ಯ, ಈ ಸಂಗತಿ ಅಪರಂಪಾರಗ್ ಗೊತ್ತಾಂಡ್. ನನ ಆಶ್ರಮೊಡುಂತುಂಡ ಉಳಿಗಾಲ ಇಜ್ಜಿಂದ್ ಆಯೆ ಅಲ್ಪಡ್ ತಪ್ಪಯೆ, ಅಲ್ಪಡ್ ಅಮರ ಸುಳೊಗು ಬತ್ತದ್ ಕುಕ್ಕೆ ಸುಬ್ರಹ್ಮಣ್ಯಗು ಪೋಯೆ, ಅಲ್ಪ ಕೂಜುಗೊಡು ಪಟ್ಲರೆಡ ಆಸರೆ ಕೇಂಡೆ. ಅಪರಂಪಾರೆ ತುಳುನಾಡ್ಗ್ ಪೋತೆಂದ್ ಲೀಹಾರ್ಡ್ಗ್ ಗೊತ್ತಾಂಡ್, ನನಕೂಜುಗೊಡುಡ್ಡಾ ಉಂತುದು ಪ್ರಯೋಜನ ಇಜ್ಜಿಂದ್ ಆಯೆ ಅಲ್ತ ಪಿದಾಡ್ಯ, ಬಿಸಿಲೆ ಗಾಟಿ ಕಡತ್ದ್ ಆಯೆ ಮಂಜ್ರಾಬಾದ್ ಕೋಟೆದಾಡೆ ಮುಟ್ಟುನಗ ಬ್ರಿಟಿಷ್ ಸೈನಿಕೆರ್ ಆಯನ್ ಪತ್ತೆರ್. ಕೈದ್ ಮಲ್ತ ಕನತೆರ್, ಲೀ ಹಾರ್ಡಿ ಆಯನ್ ತಿರುಚಿನಾಪಳ್ಳಿದ ಕರ್ಪಿಲ್ಸ್ಗ್ ಕಡಪುಡ್ಡು ಕೊರೆ ಕಲ್ಯಾಣಸ್ವಾಮಿ: ಲಿಂಗರಾಜ ಅರಸನ ರಡ್ಡನೇ ಮಗೆ ಅಪ್ಪಾಜಿ ಅರಸು. ಆಯನ ರಡ್ಡೆನೇ ಮಗೆ ನಂಜುಂಡ ಅರಸೆ, ಆಯೆಲಾ ಕೊಡದ ಹಾಲೇರಿ ಅರಸೊತ್ತಿಗೆಡ್ ಬದ್ ಒರಿನಾಯೆ, ಆಯಗ್ಲಾ ರಾಜ್ಯದ ಹಕ್ ಪಡೆಯರೆಗ್ ಬಾರಿ ಅಬುಲಾಸೆ ಇತ್ತಂಡ್. ತನ್ನ ಸಮ್ಮಂದಿ ವೀರಪ್ಪ ಅರಸು ವೇಸೊ ಬದಲ್ಲೊಂದು ಅಪರಂಪಾರೆ ಆದ್ ಆಶ್ರಮೊ ಕಟ್ಟಿದಲ್ಲೆ ಪಗುಟ್ಟುದ ಸುದ್ದಿ ನಂಜುಂಡಗ್ ಗೊತ್ತಾಂಡ್, ನಂಜುಂಡೆಲ ಅಪರಂಪಾರನಾಡೆ ಪೋದು ಆಶ್ರಮೊಗ್ಗು ಸೇರೆ, ಅಪರಂಪಾರಡ ನಿಜಸಂಗತಿ ಪಂಡೆ. ಅಪರಂಪಾರೆ ಆಯಗ್ಲಾ ಸನ್ಯಾಸಿ ದೀಕ್ಷೆ ಕೊರ್ದು ಕಲ್ಯಾಣ ಸ್ವಾಮಿಂದ್ ಪುದರ್ ದೀಯೆ. ಕಲ್ಯಾಣ ಸ್ವಾಮಿನ್ ತನ್ನ ಪಟ್ಟ ಶಿಷ್ಯ ಆದ್ ಮತ್ತೊಂಡೆ. 2 ಬ್ರಿಟಿಷೆರ್ ಅಪರಂಪಾರನ್ ನಾಡ್ ಪತ್ಯರೆ ಬನ್ನಗ ಅಪರಂಪಾರನ ಒಟ್ಟಿಗೆ ಕಲ್ಯಾಣಪ್ಪಲಾ ತಪ್ಪವೊಂಡೆ. ರಡ್ಡ ಜನೊಲಾ ಕಾಡ್, ಗುಡ್ಡೆದ ಸಾದಿಡೆ ತುಳುನಾಡ್ಗ್ ಬತ್ತೆರ್. ಕುಮಾರ್ದಾರೆ ಕಡತ ಕುಕ್ಕೆ ಸುಬ್ರಹ್ಮಣ್ಯಗು ಸೇರರ್, ಕೂಜುಗೊಡು ಪಟ್ಲರೆನಲ್ಪ ಅಕುಲೆಗ್ ಆಸರೆ ಪಡೆಯರಿಗಾಯಿಜಿ. ನನ ನಮ್ಮ ಮುಲ್ಲು ಒಟ್ಟಿಗೆ ಪೋಪಿನ ಬೊಡ್ಡಿಂದ್ ಒರನೊರಿ ಅಗತ್ತೆ, ಕಲ್ಯಾಣಸ್ವಾಮಿ ಮಲಬಾರ್ದಂಚಿ ಪೋಯೆ. ಅಲ್ಪಡ್ ವೈನಾಡ್ಗ್ ಪೋಯೆ, ಬ್ರಿಟಿಷ್ ಸೈನಿಕೆರ್ ಆಯೆ ಪೋಯಿಸಾದಿ ಪತ್ತೆ ವೈನಾಡ್ಗ್ ಪೋಯೆರ್, ಅಲ್ಪಡ್ ವೇ ಬದಲ್ಲೊಂದು ಬೀತೂರುಗು ಪೋಯೆ. ಮಲಬಾರ್ ಪೋಲಿಸ್ ದಕ್ಷೆ ಸಾಯೊ ಪಡೆದ್ ಅಲ್ಪ ಬ್ರಿಟಿಷ್ ಸೈನಿಕ ಕಲ್ಯಾಣಸ್ವಾಮಿ ಪುದರ ನಂಜುಂಡನ್ ಪತ್ತೆರ್. ಕೈದ್ ಮಲ್ತ್ದ್ ಆಯನ್ ಮೈಸೂರುಗು ಲೆತ್ತೊನು ಪೋಯೆರ್. ಅಲ್ಪ ಆಯನ್ದಾನೆ ಮಲ್ಲೆಂದ್ ಪನ್ನಿ ಸಂಗತಿ ಏರೆಗ್ಲಾ ಗೊತ್ತಾಯಿಜಿ. ಹಾಲೇರಿ ವಂಶೋದ ರಾಜಕುಮಾರೆರಾಯಿನ ಸ್ವಾಮಿ ಅಪರಂಪಾರ ಪುದರ ವೀರಪ್ಪ ಅರಸು ಬೊಕ್ಕ ಕಲ್ಯಾಣಸ್ವಾಮಿ ಪುದರ ನಂಜುಂಡ ಅರಸು. ರಡ್ಡ ಜನಲಾ ಬ್ರಿಟಿಷೆರೆನ ವಿರುದ್ಧ ಹೋರಾಟ ಮಲ್ತದ್ ಬ್ರಿಟಿಸೆರೆನ್ ದೇಶೆಡ್ಡು ಪಿದಯಿ ಪಾಡುನ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 9
