ತುಳುನಾಡ್ಡ್ ಅಪಗ ಒರ್ಂಬೊ ಮಾಗಣೆಲು ಇತ್ತ. ಬುಡ್ಡು ಕೊರ ಗ್ರಾಮೊಲೆಗ್ ನಾಯಕೆ ಅಮೃತ ಮಾಗಣೆಂದ್ ಪುದರ್ ದೀಯೆ. ಅಷ್ಟೇ ದುಂಬುಗು ಅಮರ ಮಾಗಣೆ ಆಂಡ್. ಅಂಚ ಕೊಡಗ್ ರಾಜ್ಯ ಗಟ್ಟಡ್ ತಿರ್ತ್ ಜತ್ತ ಸಂಪಾಜೆ, ಪೆರಾಜೆ ಮುಟ್ಟ ಎತ್ತಂಡ್. ಮುದ್ದ ರಾಜಡ್ಡ ಬೊಕ್ಕ ಆಯನ ಮಲ್ಲ ಮಗೆ ಮಲ್ಲ ವೀರಪ್ಪರಾಜೆ ಪಟ್ರೊಗು ಏರ್ (1687-1736) ರಾಜ್ಯಾಡಳಿತೆ ಮತ್ತೆ ತುಳುನಾಡ್ದ ಗಡಿ ಶಿವಪ್ಪ ನಾಯಕನ ಕಾಲೊಡು (1645-1660) ನೀಲೇಶ್ವರ ಮುಟ್ಟ ಮುಟ್ಟುದಿತ್ತಂಡ್. ಅಯಡ್ ಬೊಕ್ಕ ಇಕ್ಕೇರಿದ ಪಟೊಗು ಬತ್ತಿನಾಯೆ ಸೋಮಶೇಖರ ನಾಯಕೆ (1714-1739) ಇಕ್ಕೇರಿದ ಮಾತ ಅರಸುಲುಲಾ ತುಳುನಾಡ್ಗ್ ಬತ್ತಿನಕುಲು ಪಿರಪೋನಗ ಕುಕ್ಕೆ (ಸುಬ್ರಹ್ಮಣ್ಯ) ದೇವಸ್ಥಾನೊಗು ಬತ್ತ್ದ್ ಪೂಜೆ ಸಂದಾದ್ ಪೋಪೆದೆರ್, ಕೆಳದಿ ಚೆನ್ನಮ್ಮಳ ಪೂಜೆ ಸಂದಾಯರ ಕುಕ್ಕೆಗ್ ಬತ್ತದಿತ್ತೊಲು, ಅಪಗಲ ಕೊಡಗರಸು ಆಡೆಪೋದು ಪಾತೆರ್ದ್ ಬತ್ತದೆ. ಇಂಚ ಕೊಡಗರಸೆರಕುಲು ಮಾತ ಇಕ್ಕೇರಿ ನಾಯಕೆರೆನೊಟ್ಟಿಗೆ ಎಡ್ಡೆಪು ದೀವೊಂದಿತ್ತೆರ್. ಅರಸು ಸೋಮಶೇಖರ ನಾಯಕ ಕುಕ್ಕೆ (ಸುಬ್ರಹ್ಮಣ್ಯ) ಗೊರ ಬನ್ನಗ ಕೊಡಗ್ ಮಲ್ಲವೀರಪ್ಪರಾಜೆ ಪೋದು ಆಯಗ್ ಸಮ್ಮಾನ ಮತ್ತೆ ಎಂಕೆ ಕೊಡಗ್ಡ್ ತಾರಯಿ ಬುಳಪುಜೆ, ಕಾವೇರಮ್ಮನ ಪೂಜೆಗೆ ದಿಂಜತಾರಯಿ ಬೋಡಾಪುಂಡು, ಆಯಿಕಾದ್ ಭಾಗಮಂಡಲದ ಕೈತಲಿತ್ತಿ ಸುಳ್ಳೋನು ಎಂಕ್ ಕೊರೊಡುಂದು ಕೇಂಡೆ, ಸೋಮಶೇಖರೆ ಸುಳ್ಯ ಮಾಗಣೆನ್ ಕೊಡಗರಸುಗು ದುಡ್ಡುಗು ಮಾಧ್ಯೆ. ಇಂಚ ಸುಮಾರ್ 1736ನೇ ವರ್ಸೊದ ಪೊರ್ತುಗು ಸುಳ್ಯ ಕೊಡಗ್ ಸೇಂಡ್. ಆಯಿಕ್ ದುಂಬ್ ಅಮರ ಮಾಗಣೆಲ ಸೇರಿತ್ತಿನೆದ್ದಾವರ ಇತ್ತೆ ರಡ್ಡ ಮಾಗಣೆ ಒಟ್ಟು ಸೇರ್ ಅಮರ ಸುಳ್ಯ ಮಾಗಣೆ ಆಂಡ್. ಮುದ್ದರಾಜ, ಅಪ್ಪಾಜಿ ಅರಸು ಬೊಕ್ಕ ನಂದ ರಾಜೆಂದ್ ಕುಡರಡ್ ಜನ ಜೋಕುಲಿತ್ತೆರ್, ಅಕುಲೆಗ್ ಬೇಜಾರ್ ಆಯರೆ ಬಲ್ಲಿಂದ್ ಮುದ್ದರಾಜೆ ಹಾಲೇರಿ ಅರಮನೆನ್ ಅಪ್ಪಾಜಿ ಅರಸುಗ್ಲಾ ಗಾಳಿ ಬೀಡುಡು ಒಂಜಿ ಅರಮನೆ ಕಟ್ಟದ್ ಅಯಿಕ್ ಹೊರಮಲೆ ಅರಮನೆಂದ್ ಪುದರ್ ದೀದ್ ಅಯಿನ್ ನಂದರಾಜಾ ವಹಿಸದ್ ಕೊರ್ದಿತ್ತೆ. ಮಲ್ಲ (ದೊಡ್ಡ) ವೀರಪ್ಪರಾಜೆ ತೀರ್ ಪೋಯಿ ಬೊಕ್ಕ ಚಿಕ್ಕ ವೀರಪ್ಪರಾಜೆ ಪಟ್ಟಗೇರ್, ಕ್ರಿ.ಶ1736 ಡ್ಸ್ 1766 ಮುಟ್ಟ ಆಡತ್ವ ಮತ್ತೆ ಆಯಿಡ್ ಬೊಕ್ಕ ಮುದ್ದರಾಜನ ಮಗೆ ಅಪ್ಪಾಜಿ ರಾಜೆ ಬೊಕ್ಕ ನಂದರಾಜನ ಮಗೆ ಮುದ್ದಯ್ಯ ರಾಜೆ ಈ ರಡ್ ಜನೊಲಾ ಒಟ್ಟಾದ್ ಕ್ರಿಶ 1764 ಡ್ 1770 ಮುಟ್ಟ ಕೊಡಗ್ ಆಡತ್ತೆ ಮಲೆರ್. ಆಯಿಡ್ ಬೊಕ್ಕ ಕ್ರಿಶ 1770 ಡ್ ಹೊರಮಲೆ ಮಲ್ಲಯ್ಯನ ಮಗೆ ದೇವಪ್ಪರಸು ಪಟ್ಟೋಗೇತ್ವ, ಆತಾನಗ ಹಾಲೇರಿ ಮನೆತನೊದ ಲಿಂಗರಾಜೇಂದ್ರ ಅರಸು ತನ್ನ ಮಗೆ ವೀರ ರಾಜೇಂದ್ರೆ ಬೊಕ್ಕ ತನ್ನ ಅಣ್ಣನ ಮಗೆ ಅಪ್ಪಾಜಿರಾಜೆ ಬೊಕ್ಕ ಆಯನ ರಡ್ Q ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡ 5
