ಜೇರೊಲೆಡ್, ತುದೆ ಬರಿತ ಬೈಲ್ಲೆಡ್ ಕಂಡದ ಬೆನ್ನಿ ಮಲ್ಲುವೆರ್. ಮುಲ್ಪದ ಮೂಲನಿವಾಸಿಲೆನ್ ಕೊಡವರ್ ಪನ್ನೆರ್. ಅಕುಲೆ ಸಂಸ್ಕೃತಿಗೆ ಒಂಜಿ ಅನನ್ಯತೆ ಉಂಡು, ಆಯಿನ್ ಅಕುಲು ಬಾರಿ ಮಾನಾದಿಗೆಡ್ ಒರಿತೊಂದು ಬತ್ತದರ್, ಅಕುಲೆ ಬಾಸೆಗ್ ಕೊಡವ ಬಾಸೆಂದು ಪುದರ್, ಉಂದು ಕನ್ನಡ, ಮಲೆಯಾಳಂ, ತುಳು ಸೇರಿ ಒಂಜಿ ಮಿಶ್ರಬಾಸೆ, ಕಾವೇರಿ ಸುದೆ ಕೊಡಗ್ದ ತಲಕಾವೇರಿಡ್ ಪುಟ್ಟುಂಡು. ಅವು ಅಕುಲೆಗ್ ಪೆರ್ಮೆದ ಸಂಗತಿ. ಕೊಡಗ್ ಜನೊಕುಲು ತೂಯರೆಗ್ ಎಡ್ಡೆಗಟ್ಟಿ ಮುಟ್ಟಾದ್ ಬೊಲ್ಲೆನ ಸರೀರೊದಕುಲು. ಪೊಂಜೊವುಲು ತೂಯರೆ ಎಡ್ಡೆ ಬೊಲ್ಲೆನೆ, ಆದ್ ಪೊರ್ಲು ಸುರ್ಪೊದಕುಲು, ಧೈರವಂತೆ. ಕೊಡಗ್ ಚರಿತ್ರೆ: ಕೊಡಗ್ ಆಡತ್ತೆ ಮಲ್ಲಿನ ಕಡೇತ ರಾಜವರಿತೊನು ಹಾಲೇರಿ ವಂಶ ಪನ್ನೆರ್, ಶಿವಮೊಗ್ಗದ ಇಕ್ಕೇರಿ ಕೊಡಗ್ ಬತ್ತಿನ ರಾಜ ಕುಮಾರ ವೀರರಾಜೆ ಹಾಲೇರಿ ಪತ್ನಿ ಜಾಗೆಡ್ ಅರಮನೆ, ಕೋಟೆ ಕಟ್ಟಿ ಕೊಡಗ್ ರಾಜ್ಯಾಡಳಿತೆ ಸುರುಮಲ್ಲೆ. ಇಂಬೈ ಇಕ್ಕೇರಿ ನಾಯಕರೆನ ಕುಟುಮೊದಾಯೆ ಆಯಿನೆಡ್ಡಾವರ ಆಯಗ್ ಏಲ್ಲಾ ತೊಂದರೆ ಮಲ್ಪರೆ ಪೋಯಿಜೆರ್, ಆಯೆ ವೀರಶೈವ ಜಾತಿಗ್ ಸೇರಿನಾಯೆ. ಇಂಬ್ಯನ ವಂಶೋದಕುಲು ಕೊಡಗುನು ಕ್ರಿ.ಶ 1600 ಡ್ 1834 ಮುಟ್ಟ ಪಂಡ 234 ವರ್ಸೊಕಾಲ ಆಳ್ವರ್. 0 ವೀರ ರಾಜಡ್ಡ ಬೊಕ್ಕ ಕೊಡಗ್ ಆಡಳಿತೆನ್ ವೀರ ರಾಜೇಂದ್ರೆ ಬೊಕ್ಕ ಅಪ್ಪಾಜಿ ಅರಸು ಇಂಚ ರಡ್ ಜನ ಅರಸುಲು ನಡಪಯೆರ್. ಆಯಿಡ್ ಬೊಕ್ಕ ಪಟ್ರೊಗು ಬತ್ತಿನಾಯೆ ಮುದ್ದರಾಜೆ, ಇಂಖ್ಯೆ 54 ವರ್ಸೊ (1633-1687) ಕೊಡಗ ಆಡಳೆ ಮಲೆ, ಆಟ ಕೊಡಗ್ ರಾಜಧಾನಿ ಹಾಲೇರಿ (ಪೇರೂರು) ಆದಿತ್ತ್ಂಡ್. ಮುದ್ದರಾಜೆ ಆಯಿನ್ ಇತ್ತೆದ ಮಡಿಕೇರಿಗ್ ಬದಲಾವಣೆ ಮತ್ತೆ ಗುಡ್ಡೆ ಕಾಡ್ ಆದಿತ್ತಿ ಈ ಊರುದ ಕಾಡ್ ಕಡ್ಡ ಗುಡ್ಡೆದ ತರೆಟ್ ಅರಮನೆ ಕಟ್ಟಯೆ. ಸುತ್ತ ಕೋಟೆ ಕಟ್ಟಯೆ ಕೋಟೆದ ಸುತ್ತ ಕಂದಕ ತೊಡಾಯೆ, ಜೇರೊದ ತಿರ್ತ ಬೈಲ್ನ್ ಸಮತಟ್ಸ್ ಪತ್ತದ್ ಅರಮನೆದ ಅಧಿಕಾರಿ, ಚಾಕಿದಕುಲೆಗ್ ಇಲ್ಲಿ ಕಟ್ಟದ್ ಕೊರೆ, ಈ ಊರುಗು ಮುದ್ದರಾಜನ ಕೇರಿಂದ್ ಪುದರ್ದೀಯೆ, ಅವು ಕೆಲವು ವರ್ಸೊಡು ಮುದುಕೇರಿ ಆದ್ ಇತ್ತೆ ಮಡಿಕೇರಿ ಆತ್ಂಡ್. E C ಆಕಾಲೊಡು ತುಳುನಾಡ್ನ್ ಇಕ್ಕೇರಿದ ನಾಯಕ ಆಳೊಂದಿತ್ತೆರ್. ಇಕ್ಕೇರಿದ ಶಿವಪ್ಪ ನಾಯಕೆ ತುಳುನಾಡ್ಗ್ ಬತ್ತ್ ಪೋಪಿನ ಪೊರ್ತುಡು ಮುದ್ದರಾಜೆ ಆಯನ್ ಕುಕ್ಕೆಡ್ (ಸುಬ್ರಹ್ಮಣ್ಯ) ತೂದು ಪಾತೆರೆ, ಮುದ್ದರಾಜೆಲಾ ಇಕ್ಕೇರಿ ವಂಶೆದಾಯೆಂದ್ ತೆರಿದ್ ಆಯಗ್ ಕುಶಿಯಾಂಡ್. ಆ ಪೊರ್ತುಗು ಮುದ್ದರಾಜರ್ ಒಂಜಿ ಆಣ್ ಬಾಲೆ ಆದಿತ್ತಂಡ್ ವಿಸಯ ತೆರಿದ್ ಆಯೆ ಮುದ್ದರಾಜನ ಆಣ್ ಬಾಲೆಗ್ ಪೇರ್ ಪರರೆಂದ್ ತುಳುನಾಡ್ದ ಕೆಲವು ಗ್ರಾಮೊಲೆನ್ ಉಡಿಗೆರೆಯಾದ್ ಬುಡ್ಡು ಕೊರೆ ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 4
