ಅಮರ ಸುಳ್ಯದ ಕ್ರಾಂತಿವೀರ ಕೆದಂಬಾಡಿ ರಾಮಗೌಡ لت ಪ್ರಪಂಚೆದ ಮೂಡಯಿ ದೇಶೆಲೆನೊಟ್ಟಿಗೆ ಬೇರ ಮಲ್ಲಿನ ಸಲುವಾದ್ ಕ್ರಿ.ಶ 1600 ಡ್ ಇಂಗ್ಲಾಂಡ್ಡ್ ಬ್ರಿಟಿಷ್ ಈಸ್ಟ್ ಇಂಡಿಯಾ ಕಂಪೆನಿ ಉದಿಪನ ಆಂಡ್. ಈಸ್ಟ್ ಇಂಡಿಯಾ ಕಂಪೆನಿದಕುಲು ಭಾರತೊಗು ಬತ್ತ ಸುರುಕು ಮಳಿಗೆ, ಬಂಡಸಾಲೆ ಪಾಡ್ ಬೇರೊಗು ಸುರು ಮಲ್ಲೆರ್ ದಿನಕರಿಲೆಕೊನೆ ಅಕುಲು ಧನಿಕೆರಾವೊಂದು ಭೂಮಿನ್ ಬಿಲೆ ಕೊರ್ದು ಪಡೆವೊಂದು ಜಮಿನ್ದಾರೆರಾವೊಂದು ಪೋಯೆರ್. ಮುಲ್ಪ ಆಳೊಂದಿತ್ತಿನ ದೇಶೀಯ ರಾಜೆಕುಲೆನ್ ಒರಗ್ ಒರನ್ ತಾಂಟ ಪಾಸ್ಟ್ ಲಡಾಯಿ ಮಲ್ತ್ದ್ ರಾಜ್ಯ ರಾಜ್ಯೋಲೆನೇ ತನ್ನುಲೆನ ವಶಕು ದೆತೊನೆರೆ ಸುರು ಮಲ್ಲೆರ್, ಕ್ರಿಶ 1757 ಡ್ ಅಕುಲು ಸುರುಟು ಮಲ್ಲಿ ಲಡಾಯಿ ಬಂಗಾಳದ ಪ್ಲಾಸಿಕಾಳಗೊ. ಆಯಿಡ್ಸ್ ಬೊಕ್ಕದ ನೂದು ವರ್ಸೊಡು ಇಡೀ ಭಾರತ ದೇಶ ಅಕುಲೆನ ಕೈವಶ ಆಂಡ್. ಪರ್ದೆಶಿ ಕಂಪೆನಿದ ಆಡಳಿತೊಡು ದೇಶಗೇ ಬಡಪತ್ ಬತ್ತ್ಂಡ್. ಬೆನ್ನಿದ ಜನೊಕುಲು ತನ್ನುಲೆನ ಸಂಪಾದನೆದ ಬುಳೆ ಭಾಗ್ಯನು ಪೂರ ತೀರ್ವೆದ ರೂಪೊಡು ಕಂಪೆನಿ ಸರಕಾರೊಗು ಕೊರೊಡಾದ್ ಬತ್ಕಂಡ್ ತೆರಿಗೆ ಹೆಚ್ಚಾವೊಂದು ಪೋಂಡು, ಹಳ್ಳಿದ ಗುಡಿ ಕೈಗಾರಿಕೆಲು ಪೂರ ಮಣ್ಣಡಿಕ್ ಸೇರೊ, ದೇಶೀಯ ಬಾಸೆಲೆನ ಕಲಿಕೆ ಸಾಲೆಲೆಡ್ ಉಂತುದೇ ಪೋಂಡು. ಇಂಗ್ಲೀಷ್ ಅಂತರಾ ರಾಷ್ಟ್ರೀಯ ಬಾಸೆ ಆದ್ ಮೆರೆಂಡ್ ಭಾರತೊದಕುಲು ತನ್ನು ನ ಸ್ವಾತಂತ್ರ್ಯನು ಕಳೆವೊಂದು ಬ್ರಿಟಿಷೆರೆನ ಗುಲಾಮೆರಾದ ಬಳ್ಕೊಡಾದ್ ಬತ್ತ್ಂಡ್. ಸ್ವಾತಂತ್ರ್ಯ ಹೋರಾಟೊ: ತಿಳುವಳಿಕೆ ಇತ್ತಿನಕುಲು ಈ ಅಂಕುಶದಾಂತಿ ಆಡಳಿತೆನ್ ಒತ್ತೋನ್ಯರೆ ತಯಾರಾಯಿಜೆರ್. ಉಂದು ಆಡಳಿತೆ ಅತ್ತ್ ದಬ್ಬಾಳಿಕೆ ಪಂಡೆರ್, ದೇಶೀಯ ರಾಜೆ ತನ್ನುಲೆನ ರಾಜ್ಯ ಕಳೆವೊಂದು ಮಾನದಾಂತಿನ ಕುಲಾಯೆರ್, ಸಾಮಾನ್ಯ ಜನೊಕುಲೆಡ್ ಕಡೆ ಆಯರ್. ಜನೊಕುಲೆಗ್ ಸುಕೊಟ್ಟು ಬದುನವೇ ಬಂಜ ಆದ್ ಪೋಂಡು, ಈ ಕಾಲ ಪರಿಸ್ಥಿತಿಟ್ ದೇಶದ ಕೆಲವು ಭಾಗೊಲೆಡ್ ಜನೊಕುಲು ಬ್ರಿಟಿಷೆರೆನ ವಿರುದ್ಧ ಪೊಂಬಾಟ ಮಲೆ, ನೆನ್ನ ಪೂರ ರೌಡಿನ ದಂಗೆ ಪಂಡ್ಸ್ ಬ್ರಿಟಿಷೆರ್ ಬಲಾತ್ಕಾರೊಡು ಉಂತಯರ ತೂಯೆರ್, ಕೆಲವೆರೆನ್ ಗುಂಡು ಪಾಡ್ ಕೆರೆರ್, ಕುಡಕೆಲವರನ್ ಕರ್ಪಿಲ್ಗ್ ಸೇರಯೆ, ಕ್ರಿ. ಶ 1814 ಡ್ ಪಾಟ್ನಾ ಡೊಂಜಿ ಬೆನ್ನಿದಜನೊಕುಲೆ ಗಲಾಟೆ ನಡತ್ಂಡ್, ಬ್ರಿಟಿಷ್ ಅಕುಲೆನ್ ಪೂರ ಪತ್ ಜೈಲ್ಗ್ ಪಾಡೈರ್, ಪಿರ ಅಂಚಿನ ದಂಗೆ ಆವಂದಿಲೆಕ ನಡತೊನುಡುಂದು ಜನೊಕುಲೆಗ್ ಎಚ್ಚರಿಕೆ ಕೊರೆ. 3 ಅಮರ ಸುಳ್ಯದ ಕ್ರಾಂತಿವೀರೆ ಕೆದಂಬಾಡಿ ರಾಮಗೌಡರ್ 1
