ತನ್ನ ಜವ್ವನದ ದಿನೊಕುಲೆಡ್ ರೈಕುಲೆನ್ ಬೆನ್ನ ಬೊಕ್ಕೊ ಬೋಂಟೆ ರಾ ತರ್ ಪತ್ತೊಂಡು, ಕುಡ್ಕೊಂಡ ಜಾರಂದಿ ಸೊತ್ತಲು ಅವು. ಪ್ರಾಯೊ ಕರೀಂಜ್, ಬೋಂಟೆ ದೂರೋ ಆಂಡ್ ಬೋಂಟೆದ ಬದಗ್ ಬೆಡಿ ಪನ ಕೈಟ್ ಪೆನ್ ಪತಿಯೆ, ಒಂತೆ ದಿನೋಟೆ ಸಾಹಿತ್ಯ ಕ್ಷೇತ್ರಡು 'ಕೆಂಪು ಗುಲಾಬಿ' ಯಾತ್ ನಗತ್ ಕೆದಂಬಾಡಿ ಜತ್ತಪ್ಪ ರೈಕುಲೆನ 'ಬೋಂಟೆದ ಬದ್' ಮೆಟ್ರೊಡಾಯಿನ ಬದ್. ಅಯಿಟ್ ಆರ್ ಸಾಧಿಸಾಯಿನವು ಸಾವಿರೊ ಜೆಡಿ ಪತ್ತ್ದ್ ಬೋಂಟೆದಾಯ ಆತ್ ಬದ್ನ ಬಬ್ರೌನ್ 'ಪೆನ್ಸ್'ಡ್ ಅಕ್ಷರೂಗು ಜಪ್ಪಾದ್ 'ಬರ್ಸ್ ಬಂಟೆ' ಪಂಡ್ದ್ ಪುದಾರ್ ದತೋನ್ನ ಕೀರ್ತಿ ಆರನ. ಕನ್ನಡೊದ 'ಬೇಟೆಯುಂ ದಿನದಂಗಳರಸ' ಪತ್ನಿ ಪಾತೆರೊನು ತನ್ನ ಬಲ್ಬಗ್ ಸೇರಾವೊಂದು, ತನ್ನ ಆಯುಸ್ಕೊದ ಮಾಮಲ್ಲ ದಿನೊಕುಲೆನ್ 'ಬೋಂಟೆ'ನೆ ಚೆಂಡ್ ಮಲ್ಲೊಂದು ಚೆಂಡ್ ಗೊಬ್ಬುನಾರ್ ಶ್ರೀ ರೈಕುಲು ಪ್ರಾಯೊ ಕರೀಂಡ್, ಜವ್ವನದ 'ಬೋಂಟೆ'ದ ಆ ಚೀಪೆ ದಿನೊಕುಲು ನೆನೆಪುಡು ಬರೊ, ಅಯಿನ್ ಕೇನಿಯರೇಂದ್ ಬತ್ತ್ ಕುಲ್ಲುನವು ನೂದು ಕೆಬಿಕುಲು, ನೂದು ಕಣ್ಣಿಗಾ ಈ ವಿಷಯೊ ತೆರಿಯಡ್ ಪಂಡ್ದ್ 'ಬೋಂಟೆದ ಬದ್ನ್ ಅಕ್ಷರೊಗು ಜಪ್ಪಾಯೆರ್. ಉಂದುವೇ 'ಕನ್ನಡ -ತುಳು' ಸಾಹಿತ್ಯ ಲೋಕೊಗು ರೈಕುಲೆನ ಮುಡಿಪು ಕಾಣೆ, ಶ್ರೀ ರೈಕುಲೆನ ಸುರುತ ಬರವು 'ಬೇಟೆಯ ನೆನಪುಗಳು' ಕಾದಂಬರಿಯಾದ್ ಅಚ್ಚಾಂಡ್, ಸಾವಿರೊ, ಸಾವಿರ ಜನ ಓದಿಯರ್, ಪುಗಾರಿಯೆರ್, ರೈಕುಲೆನ್ ಪಿರ ತಿರ್ಗ್ ತೂವಾಂದಿಲೆಕೊ ಮಲ್ಪೆರ್, ಸುರೂತ ಬೂಕೇ 'ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪಡೇಂಡ್, ರೈಕುಲೆನ ಏರ್ತೆ ಏತ್ ಪಂಡ್ದ್ ನಂಕ್ ಉಂದೆಟ್ ಅರ್ತ ಮಲ್ಲೊನೊಲಿ. ರೈಕುಲು ಸವ್ಯಸಾಚಿ. ಆ ದಿನೊಟು ಕತೆ, ಕಾದಂಬರಿ, ಬರವು ಬರೆಪುನಕುಲು ಪಜೆ ದೀಯರ ಪೋಡ್ಕೊಂತು ಇನ 'ತುಳು ಸಾಹಿತ್ಯ ಸೀಮೆ'ಗ್ ಕೈಮುಗಿದ್ ಪಜ್ಜೆ ದೀಯೆರ್. ಕೈಯಾಡಾಯೆರ್. ತುಳು ಬಾಸೆದ ದೇಕಿ, ಕಮ್ಮೆನೊನು ನಾಲ್ ದಿಗ್ಲ ಪರಡಾಯ, ತುಳುನಾಡ್ ಬಿರ್ಸ ಶರೀರೊದ 'ತುಳು ಭಾಷಾ ಭೀಷ್ಮೆ' ಪಂಡ್ದ್ ಪುದಾರ್ ಪಡೆಯಿನ ರೈಕುಲೆನ ಬರವುದ ಆರಂಬೊದ ದಿನೊಕುಲೆಡ್ ಒಳ್ಳೆ ರೀತಿದ ಪಂಚಾಂಗೊದ ಆಧಾರ ಇದ್ಯಂದ ಇತ್ತಿನಾರ್, ಬರವಣಿಗೆದ ಕಾಲೊಡು ಬರವುದ ರೀತಿಗ್ ತಾಂಗ್ ಕೊಬ್ಬಿನಕುಲು ಇದೈರಾಂಡಲಾ ತನ್ನ ಸ್ವಂತೆ ಸಾಧನಡೆ ಐತಿಹಾಸಿಕ ವ್ಯಕ್ತಿ ಸಕ್ತಿಯಾದ್ ಇನಿಕಾ ದುಂಬುಗುಲಾ ನಮನ, ನಿಕುಲೆನ ಪಿರ್ತಿದ ತಿಗಲೆಡ್ ಬಕ್ದ್ ಒರಿಪೆರ್ ಪಸ್ಪುನವುಲಾ ಒಂಜಿ ಪವಾಡೊನೆ ಆತ್ಮ! ಜವ್ವನೊದ ಹಂಕಾರ್, ಠೇಂಕಾರೂದ ಹಾಳಾಯಿನ ಬದ್ಯೋಗ್ ಪಗರೆಯಾದ್ ಕೆದಂಬಾಡಿ ಜತ್ತಪ್ಪ ರೈ / 6
