ಮಾತೆರೆಲೆಕೊ ಅತ್ತ್ ಎನ್ನಪ್ಪ ಆರೆಗ್ ಆರೇ ಸೈ! ಬಾನೊದೆತ್ತರೂ ನೀರ ಪೇರ್ನ್ ಉರರುನ ಸೋರ್ಕುದ ಅಗ ಕಡಲ್, ಅಯಿಕ್ ಯಾನೇ ಸಮೊ ಯಾನ್ ಸಮೊಂದ್ ಪನ್ಸಿನ ಮಹಾಕಾವೊ 'ರಾಮಾಯಣ' ಬರೆಯಿನಾಯ ಮಾಮಲ್ಲ ಕವಿ ವಾಲ್ಮೀಕಿ; ಪುಣ್ಯ ಪುಡಾದ್ ಪಿದಾಯಿ ಬತ್ತಿನ ಈ ಬೋಂಟೆದಾಯೆ ಬರೆಯಿನ ಮಹಾಕಾವೊ ರಾಮಾಯನು ಇನಿ ಎಂಕುಲು ನಿಕುಲು ಮಾತೆಲ್ಲಾ ನಮೋಂದ್ ಪಂಡ್ದ್ ಕೈ ಮುಗಿಪುನ ಲೆಕೊ ಆಂಡ್. ವೇದವ್ಯಾಸ ಮಹಾಮುನಿಕುಲು ಬರೆಯಿನ 'ಮಹಾಭಾರತ' ಪಂಚಮವೇದೊ ಪನ್ನಿ ಹೆಗ್ಗಳ್ಳಿ ಪಡೆಂಡ್. ಈ ಮೀನ್ ಪತ್ತುನ ಬೆಸ್ತೆ ಪಂಡ್ನೆನ್ ಬರೆಯಿನಾರ್ ದೇವರೆ ದೇವೆರ್ ವಿಶ್ಲೇಶ್ವರ. ಕಾಳಿದಾಸ ಮಹಾಕವಿ ಪುಟ್ಟು ಮೇರೆರೆ ಇಲ್ಲಡ್ ಬರಯಿನ 'ಅಭಿಜ್ಞಾನ ಶಾಕುಂತಲ' ಪಡೆಯಿನ ಬಿರ್ಡ್ 'ಉಪಮಾ ಕಾಳಿದಾಸಸ್ಯ'. ಮಿತ್ ತೋಜಾಯಿನ ಮೂಜಿ ಕವಿಕುಲುಲಾ ಅಕುಲು ಅಕುಲೆನ ಬದ್ಕ್ಡಾಯಿನ ಬೇನೆ ಬೇಜಾರ್ ಪತ್ತಿನ ಕಯಿಪೆ ಸಂಗತಿಲೆಡ್ಡಾದ್ ಕವಿಕುಲಾಯ, ಅಕ್ಲೆಗ್ ಅಕ್ಲೆ ಬದುಕುವ ರೀತಿ ರಿವಾಜಿಗೊಂಜಿ ತಿರ್ಗಾಸ್ ಕೊರೊಡಾಂಡ್, ಕಾವ್ಯೂ ಬರೆಯರ್, ಕವಿಕುಲಾಯರ್, ಬದ್ದ ಸುಕೊ ದುಕೊಡು ದೂರ ಇತ್ತಿನ ಅಕುಲು ನಮ್ಮಂಚಿನಕುಲೆನ ಬಬ್ರೌನ್ ಬಂಗಾರೋ ಮಲೆರ್, ಪುಲ್ಯ ಲಕ್ಕದ್ ಅಕುಲೆನ್ ನೆನತ್ದ್ ಸುಗಿಪುಲೆಕೊ ಮುಕುಲು ಏರ್ಲಾ ಪತ್ ಪತ್ತೊಂಜಿ ಕಾವ್ಯ ಬರೆಯಿನಕುಲ, ಅಕುಲು ಬರೆಯಿನಾವು, ಬರಪ್ಪಾಯಿ ನಾವು ಕೆಲವೇ ಕೆಲವು ಕಾವೊಲು, ಆಂಡ ಅವೇ ನಿತ್ಯ ಸತ್ಯನು ದೆರ್ತ್ ಪತ್ತುನ ಮಹಾಗ್ರಂತೊಲು. ಮೊಕುಲು ಸಾಹಿತ್ಯ ಲೋಕೂಡ ಪವಾಡೊ ಪುರುಷ. ಶ್ರೀ ಕೆದಂಬಾಡಿ ಜತ್ತಪ್ಪ ರೈ ಬೆನ್ನಿದ ಬಾಲೆ, ಬೋಂಟೆ ಆರೆನ ಜವ್ವನೊದ ಕಾಲೊದ ಗೊಬ್ಬುದ ಕಳ, ಬೆನ್ನಿ ತನ್ನ ಬದ್ ಆಧಾರ್ ಆಂಡ್ ಬೋಂಟೆ ತನ್ನ ಪ್ರಾಯೊದ ಉಲ್ಲಾಸೊದ ಸೊರುಗು ಗೆನೊ ಕೊರ್ಂಡ್. ಕೆದಂಬಾಡಿ ಜತ್ತಪ್ಪ ರೈ 15
