ದಾರಿಯಾತ್ರೋನ್ನತಿಗೆ ಮಂಕುತಿಮ್ಮ ಬಾರಿಕೆ ಇಲ್ಲದ ಗತ್, ಗುತ್ತುಗಾರಿಕೆ, ತಾಕತ್, ದೌಲತ್ಕಡ್ ಮೆರೆದ್ ಇ ಇಂದ ಆಯಿನ ರೈಕುಲು ಛಲದಂಕಮಲ್ಲಿ ಬಿರ್ಸ ಬಂಟೆ, ಕನ್ನಡ ತುಳು ಸಾಹಿತ್ಯ ಕ್ಷೇತ್ರೋಡು ಅಷ್ಟೇ ಛಾಪುನು ಒತ್ತ್ದ್ ಬಿತ್ತಿನಾರ್, ಮೆರೆಯಿನಾರ್ 'ಢಂ ಢಮಾರ್್ರ...' ರೈಕುಲೆ ಬೆಡಿತ ಸಭೆ ದೆಂಗ್ಂಡ್ ಸತ್ಯ. ಅಂಡ ಆರ್ ಬರೆಯನ ಬರಾವುದ ಉಡಲ್ಾಡ್ ನಿನ್ನೊ ಪುಡಾಪಿನ ಆ ಸಬ್ಲ್ಯೂ ಏಪೊತುಗುಲಾ ಕೇವಂದಿಲೆಕೊ ಅವ? ಅವಂದ ಆವಂದ್. ಅಪ್ಪೆ, ಸರಸ್ವತಿ ಆರೆಗ್ ಒಲಿದಿತ್ತ ವರೂ ಕೊರ್ತಲ್. 'ಈ ಕರಿಪೋಂಡಲಾ ಮಗ ನಿನ್ನ ಪುದಾರ್ ಸಾವಿರೊ ವರುಸೊ ಒರಿಯು'. ಈ ಆಶೀರ್ವಾದೊ ಆರೆನ್ ಕನ್ನಡ, ತುಳು ಸಾಹಿತ್ಯ ಕ್ಷೇತ್ರೋಡು ಚಿರಂಜೀವಿಯಾದ್ ಮಲ್ತ್ಂಡ್. ನೀನೊಲಿದರೆ ಕೊರಡು ಕೊನರುವುದಯ್ಯ ನೀನೊಲಿದರೆ ಬರಡು ಹಯನಹುದಯ್ಯಾ ನೀನೊಲಿದರೆ ವಿಷಯವು ಅಮೃತವಹುದಯ್ಯಾ ಅಂದ್ ಕೆದಂಬಾಡಿ ಜತ್ತಪ್ಪ ರೈಲಿನ ಬದ್ಕ್ಡ್ ಈ ಪಾತೆರೊ ಪೂರಾ ಸತ್ ಆಂಡ್. ದಾನೆನೋ ಆತಿತ್ತಿ ಆರ್ ದಾನೋ ಆತ್ ಪೋಯೆರ್. ಉಂದು ದೈವ ಲೀಲೆ. ಅಪ್ಪನ್ ಪೂರ್ತಿ ನೆನೆತ್ತೊಂದು ಈ ಬರಾವುನು ಬರತ್ತೆ, ದಂಟ್ ದಿಪ್ಪೆ, ಮಾತಿ ಕೊರೊಡು. ಅಪ್ಪ. ಪಂಡೊಂದಿ ಪಾತೆರೊ ಲೋಕೊಗು ಕೊರೊಂದಿತ್ತಿ ಶುಬಾಶಯೊ ಆರೆ ಬಾಯಿಡೇ ಪನ್ನಾದ್ ಈ ಬರಾವುಗು ಮಂಗಲೋ ಪಟ್ಟೆ.. ಪೊರ್ತು ಪೊರ್ತುಗು ಮುಗಲ್ ಬರ್ಸೊ ದೊರಿಪ್ಪಾವಸ್ ಪಚ್ಚೆನೊದ ದೈ ಬೂರು ಕುರಲ್ನ್ ಭೂಮ್ಮಪ್ಪ ತುಂಬೊನಡ್ ದೇಸೋರ್ಮ್ ಮೋಸೊ ದಗೆ ಬುಡುದು ಉಂತೊನಡ್ ಸಜ್ಜನೆರ್ ಸುಕೊಟ್ಟು ಪೋಡಿಗೆದಾಂತೆ ತೆಲಿ ನಲಿತ್ ಬದ್ರೂನಡ್ ಅಪ್ಪ ಶಾಂತಿ ತಿಕ್ಕಡ್ ಅಪ್ಪನ ಪಾದೊಗು ಅಡ್ಡ ಬೂರ್ದೆ ಓಂ ಶಾಂತಿ: ಶಾಂತಿ: ಶಾಂತಿ: ಕೆದಂಬಾಡಿ ಜತ್ತಪ್ಪ ರೈ / 56
