ಬೇಗ ಮಲಗಿ ನಿದ್ರೆ ಹೋದ್ರೆ ನಾಳೆ ಕೊಡುವೆ ಬೆಲ್ಲ (ಜೋ ಜೋ ಬಾಲೆ ಜೊರು ನಿದ್ರೆ ಮಲ್ಲು ' ಬೇಕ ಜೆತ್ತ್ದ್ ನಿದ್ರೆ ಮಲ್ಗೊಂಡ ಎಲ್ಲ ಕೊರ್ಪೆ ಬೆಲ್ಲ) ಈ ಪದೊನು ಜನ್ನೊಡು ಮದಪ್ಪುನಾವತ್ ಬಾಲೆ ತೊಟ್ಟಿಲ್ಡ್ದಿತ್ತಿನ ಪೊರ್ತು ರೈಕುಲು ಇಲ್ಲಡ್ ಇತ್ತಿನ ದಿನೊಕ್ಕುಳು ರೈಕುಲು ತೊಟ್ಟಿಲ್ಲ ಸರಪಣಿನ್ ಬುಡುನಾರತ್ತೆ. ಆರ್ ಜೋಕುಲಾಟಿಗೆದ ದಿನೊಕುಲೆ ಎಂಕ್ಲೆನ್ ತೂಯಿನ ರೀತಿ, ಸಾಂಕ್ ರೀತಿ ನನಪ್ಪುನಾಗ ನನ ಒರೊ ಅಪ್ಪನ ಜಕ್ಕೆಲ್ಡ್ ಬಾಲೆ ಆತ್ ಜೆಪ್ಪುನ ಯೋಗೊ ಬರೊಡಪ್ಪಾಂದ್ ಪಂಡ್ದ್ ದೇವೆರೆಡ ನಟೊನು ಪಂಡ್ದ್ ಆಪುಂಡು. ನನ ಒಂತೆ ಪೊರ್ತು ಆರ್ ರೈಕುಲ. ಎಂಕುಲೆನ ಅಪ್ಪ, ಆರೆನ ಕೊಪೊ ಬಾರೀ ಮಲ್ಲ. ಅಂಚನೇ ಆರ ಪೆಟ್ಟಿದ ರುಚಿತಾ ಮಸ್ತ್ ಬೇನೆದ. ಆಂಡ ಪೆಟ್ ತಿಂದ್ ಎಂಕ್ಲೆ ಬೆರಿತ ಸೂ ಮಾಜುನ ದುಂಬೇ ಆರ್ ತೋಜಾವೊಂದಿತ್ತಿನ ಕೊಂಡಾಟೊದ ಮಿತ್ತ್ ಆ ಪೆಸ್ಟ್ ಎಂಕ್ಲೆಗ್ ವಾ ಲೆಕ್ಕೊದಾವುಲ್ಲಾ ಅತ್ತ್. ಅಪ್ಪನ ಪೆಟ್ಲಾ ಮಲ್ಲವು, ಕೊಪೊಲಾ ಮಲ್ಲವು. ಅಯಿತೊಟ್ಟಿಗೆ ಆರ್ ತೋಜಾವೊಂದಿತ್ತಿನ ಕೊಂಡಾಟೊ ಮಾಮಲ್ಲವು. ಅಪ್ಪನ ಈ ದುರ್ಬಲತೆಲಪಗನೆ ಎಂಕುಲು ತೆರಿಯೊಂದಿತ್ತೊ, ಅ೦ತ ಲಾಲ ಪಡೆಯೊಂದಿತ್ತೊ, ಇನಿ ಎಂಕುಲೆಡ ಪನೀತಾಂಡಲ ಧೈರ್ಯೊ, ಸಾಹಸೊದ ನಿರೆಲ್ ಇತ್ತಂಡ ಅವು ಎಂಕುಲೆ ಅಪ್ಪನ ಪೆಟ್ಟಿದ ರುಚಿತ ಗುರುತೋಂದು ಪನೊಡು. ೧೯೮೩ನೇ ಯಿಸವಿದ ಒಂಜಿ ದಿನೊ, ಸಾಲಿಗ್ರಾಮೊದ ಸುಹಾಸೊಡಿತ್ತಿನ ಡಾ. ಶಿವರಾಮ ಕಾರಂತರೆನ್ ಬೇಟಿಯಾಯರ ಪೋದಿತ್ತೆ. ಅಪ್ಪ ಅನುವಾದೊ ಮಲ್ಲಿ ಆರ 'ಚೋಮನ ದುಡಿ' ತುಳು ಬೂಕುಗು, ಮುಖಪುಟೊನು ಡಾ. ಕಾರಂತರೇ ಬುಡ್ಡಾದ್ ಕೊರ್ದಿತ್ತೆರ್. ಆಂಡ ಆರ ಪುದಾರ್ನ್ ಬಜೀ 'ಕಾರಂತ' ಪಂಡ್ದ್ ಬರೆದಿತ್ತೆರ್. ಡಾ. ಕಾರಂತ ಪಂಡ್ದ್ ಬರೆಯರ ಮರತ್ ದಿಪ್ಪೋಡು, ಡಾ. ಕಾರಂತ ಪಂಡ್ದ್ ಬರೆಯರೆ, ಆರೆ ಒಪ್ಪಿಗೆ ಪಡೆಯರೆ, ಅಪ್ಪನ ಪಾತೆರೊದ ಲೆಕೋ ಆರೆ ಆಡೆಗ್ ಪೋತಿತ್ತೆ. 'ಎಂಚ ಬೋಡಾಂಡಲ ಬದಲ್ಲೊನೊಳಿ, ಜತ್ತಪ್ಪ ರೈಗ್ ಆ ಮಟ್ಟಿಗ್ ಪೂರಾ ಸ್ವಾತಂತ್ರ್ಯ ಕೊರ್ತೆ' ಪಂಡ್ದ್ ಬಾಯಿ ಪಾತೆರೊಡೆ ಆರ್ ಒಪ್ಪಿಗೆ ಕೊರಿನವು ಎಂಕ್ ಒಪ್ಪಿಗೆ ಆಯಿಜಿ. ಬರವುಡೆ ಕೊರೊಡುಗೆ ಪಂಡ್ದ್ ಒತ್ತಾಯೊ ಮಗ ' ಅಪ್ಪಗ್ ಮಸ್ತ್ ಪೋಡಿಪುವನಾ' ಪಂಡ್ದ್ ಕೇಂಡರ್, ಅಂದ್ ಪಂಡೆ, ತೆಲಿತ್ತೆರ್, ಬರವಣಿಗೆಡ್ ಆರೆ ಒಪ್ಪಿಗೆ ತಿಳ್ಕೊಂಡ್. ಉಂದು ಅಪ್ಪ” ಎಂಕುಲು ಏತ್ ತಗ್ಸ್ - ಬಗ್ಗದ್ ನಡತ್ತೊಂದಿತ್ತೊ ಪನ್ನುನೆಗ್ ಉದರ್ನೆ, ಖ್ಯಾತ ಸಾಹಿತಿ ಅಮೃತ ಸೋಮೇಶ್ವರ ಅಪ್ಪನ ದಿನೊ ಕರಿ ನಂತ್ರೋ ಬರೆಯೆರ್ ಕೆದಂಬಾಡಿ ಜತ್ತಪ್ಪ ರೈ / 52
