4 ರಡ್ ಪಾತೆರೊ ಕೆದಂಬಾಡಿ ಜತ್ತಪ್ಪ ರೈಕುಲು ಕನ್ನಡ ಸಾಹಿತ್ಯದ ಆಕಾಸೊಡು ದಡಕ್ಕನೆ ದರ್ ತೋಜಿನ ಬೊಳ್ಳಿ; ಅರೆನ ಸುರುತ್ತ ಬೂಕು 'ಬೇಟೆಯ ನೆನಪುಗಳು ಓದಿನಕ್ಲೆಗ್ ಮದಪ್ಪೆರಾವಂದಿ ಪುದರ್; ಸುರುತ್ತ ಬೂಕುಡೇ ಏಳರಕೋಲುದ ನಿಶಾನಿಗ್ ನೀರ್ ಪಾಡ್ ಜನ ಬೆಕ್ಕಸ ಬೆರಗಾಪುಲಕ ಮಲ್ಲಿ ಬಂಟೆ ಆ. ಬಂಟ ಸಮಾಜೊಡು ಪುಟ್ಟಿನ ಕೆದಂಬಾಡಿದಾರ್ ನಿಜವಾದ್ ಬಂಟೆರಲೆ ಬದ್ಕ್ನಾರ್, ಮೂಲದ ಬಂಟೆರೆ ಕಸುಬು ಬೆನ್ನಿ, ಬೊಂಟೆ, ಕಂಬುಲ, ಕೋಲ್ಪಟ್ಟ ಮಾತೆಟ್ಲ ಆರ್ ಬಿರ್ಸೆ. ಜೀವದ ದೇಖಡ್, ನಡಪ್ಪುನ ನಡಕ್ಕೆಡ್, ಪಾತೆರುನ ಪಾತೆರೊಡು ಆರ್ ನೂದೆಕ್ಟ್ ಸೂದು ಬಂಟೆ ಆರೆನ ನುಡಿನಡೆಟ್ ಗುತ್ತುದ ಗತ್ ದರ್ತ್ ತೋಜೊಂದಿತ್ತ್ಂಡ್. ಇಂಚಿನ ಬಂಟೆ ಜವನ್ಯಾದಿಗೆ ಕಳೆನಗ ಒರನೆ ಕೈಟಿತನ ಬಿರುಜೆಡಿನ್ ಬುಡ್ಡು, ಪೆನ್ಸ್ ಬೂಕುನು ಪತ್ತಿನ ಒಂಜಿ ಚೋದಿಗ, ಆತೇ ಅಪ್ ಬರೆಯಿನ ಸುರುತ್ತ ಕುಡೇ ಕೊಡಿ ಏರಾದ್ ಕೊರ ಅರೆನ ಬಿರ್ಸಾದಿಗೆ, ಮಲ್ಲಾರಿಗೆ, ಅರೆನ ಸುರುತ್ತ ಬರವು ಬೇಟೆಯ ನೆನಪುಗಳು' ಮೃಗಯಾ ಸಾಹಿತ್ಯೋಡು ಇಂಚಿನ ಬೂಕು ಕನ್ನಡೊಡು ದುಂಬು ಇಚ್ಚಾಂಡ್, ನನ ಬರಿಯೆರೆ ಕಷ್ಟ ಪುನ ಪುದರ್ ಪಡೆಯಿನ. ಬೋಂಟೆಗ್ ಸಂಬಂಧ ಪಡೆಯಿನ ಬೇತೆ ಬೂಕುಲೆನ್ಲಾ ಕೆದಂಬಾಡಿದಾರ್ ಬರೆಯ. ಆತೇ ಪೊರ್ಲುಡು ತುಲುಟ್ಲಾ ಆರ್ ಬರವಣಿಗೆ ಮತ್ತೆ ಕುವೆಂಪು, ಕಾರಂತರೆ ಬೂಕುಲೆನ್ ತುಳುಕ್ಕು ಬಾರಿ ಪೊರ್ಲುಡು ಅನುವಾದ ಮಲೆ, ಇಂಚ ಒರ ಬರೆಯೆರೆ ಸುರು ಮಲ್ಲಿನ ಕೆದಂಬಾಡಿದಾರ್ ಬೊಕ್ಕ ಪಿರ ತೂಯಿಜೆರ್, ಕನ್ನಡ ತುಳು ರಸ್ಟ್ ಬಾಸೆಡ್ಲಾ ಅರೆಗ್ ಬರೆಪ್ಪುನೆಟ್ಸ್ ಇನ್ಸ್ನ ತಾಕತ್ತೇನ್ ತೋಜಾಯೆರ್. w ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮದಪ್ಪೆರಾವಂದಿ ತುಳುವೆರೆ ಮಾಲೆಗ್ ಬೋಡಾದ್ ಕೆದಂಬಾಡಿ ಜತ್ತಪ್ಪ ರೈಗುಲೆನ ಬದ್ಕ್ ಬರವುದ ಕುರಿತಾದ್ ಅರೆನ ಮಗೆ ಕೆದಂಬಾಡಿ ಡಾ. ತಿಮ್ಮಪ್ಪ. ರೈಗುಲು ಈ ಬರವಣಿಗೆ ಮಲ್ತ್ದೆರ್, ತಿಮ್ಮಪ್ಪ ರೈಗ್ನಲಾ ಉಂದು ಸುರುತ್ತ ಬರವು. ಆ ಅಮ್ಮಲೆಕನೇ ಈ ಮಗಕ್ಕೊಲಾ ಬರವುದ ಶಕ್ತಿ ಉಂಡು ಪಂಡ್ದ್ ಈ ಬೂಕುದ ಮೂಲಕ ತೋಜಾದ್ ಕೊರ, ಅರೆಗ್ ಎನ್ನ ದಿಂಜಿ ಮನಸ್ಸಿನ ಸೋಲು. ಕನ್ನಡ ಸಾಹಿತ್ಯ ಲೋಕೋಗ್ಲಾ ಕೆದಂಬಾಡಿದಾರನ ಬದ್ಕ್ ಬರವುದ ವಿಚಾರ ತೆರಿವೊಡಾಯಿನ ಅಗತ್ಯ ಉಂಡು. ಈ ಬೂಕುನ್ ಕನ್ನಡೊಗು ಮಲ್ಪುನ ಮೂಲಕ ಡಾ. ತಿಮ್ಮಪ್ಪ ರೈಗುಲು ಆ ಕೆಲಸೊನು ಮಲ್ಲೊಡು ಪಂಡ್ದ್ ಯಾನ್ ಬಯಕುವೆ. 25 ನವಂಬರ 2004 ಏರ್ಯ ಲಕ್ಷ್ಮೀನಾರಾಯಣ ಆಳ್ವ
