ಆರ್ಯ - ಅನಾರ್ಯರೆ ನಡುಟಿತ್ತಿ ಪಗೆತ ಪುಗೆ, ಮಗನ ಮಿತ್ತದ ಮೋಕೆನ್ ತೋಜಾವುನ ಹಿರಣ್ಯಧನುನ ಪಾತೊ ಮಾತ ಸಮಾಜೊಗು ಮನದಿಂಜಾವುಂಡು, ಎಲ್ಯ ಮಲ್ಲೆ ಪನ್ನಿ ವಿಷಯೊ ವಿಷಮತೆಲೆನ್ ತೆರಿಪ್ಪಾವುನೆಡ್ ಪೊಸ ಮಾದರಿ ಆಪುಂಡು. 'ಯಮನ ಸೋಲು' ನಾಟಕೊ, ಕುವೆಂಪು ಇಂಬೆರ 'ಯಮನ ಸೋಲು' ನಾಟಕೊದ ಸೀದಾ ಅನುವಾದೊ, ಸಾವು ಬಾನೊಡು ಮೆಂಚುನ ಮಿಂಚಿ, ಸಾವಿತ್ರಿನ ಸರಳೊ ಪರಿಶುದ್ಧ ಭಕ್ತಿ, ಆ ದಿವ್ಯತೆ, ಭವ್ಯತೆದ ಒಯಿಪ್ಪಾಟಿಗೆಗ್ ತಿಕ್ಟ್ದ್ ಸೋಪುನ ಯಮನ ಕತೆನೆ 'ಯಮನ ಸೋಲು'. ಕೆದಂಬಾಡಿಯೆರೆಗ್ ಈ ನಾಟಕೊದ ಪ್ರತೀ ಪಾತ್ರದಾರಿನ ನರ ಗುತ್ತುಂಡು, ಸಾಕ್ಷಿಯಾದ್ ಸಾವಿತ್ರಿನ ಪಾನೇ ದೆತೊನುಕೊ, ತನ್ನಾಯನ ಮರಣೋ ಎಲ್ಲೆ ಪಂಡ್ದ್ ಆಲೆಗ್ ಗೊತ್ತುಂಡು, ಅಪಗ ಆಲ್ ಅಲೆ ಉಡಲ್ಲ ಬೇನೆನ್ ಪನ್ನಿ ರೀತಿ ತೂಲೆ. ಮೂಡಾಯ್ಡ್ ಮೂಡದೆಯ ಓ ಸೂರ್ಯ ಇನಿ ಬೆಳಗ್ಗಡ್ ನನ ಏನಿಗ್ದ ಉದಿಪಂದಿಲೆಕೊ ಆವೊಡೊ? ಇನಿ ಉದಿಪ್ಪುಲಾ ಸಿರಿಯಣದ ಸುತ್ತುರುಡು ಸುತ್ತುನಾ ಓ ಕಾಲೋ ಚಮ್ರ- ಉರ್ಲಡ, ಉಂತವುಲ! ನನ ಏನಿಗಾ ಉರ್ಲೊಂದಾಂಡ ಆನಿ ಉರ್ಲು! ಪುಟ್ಟು ಬಲಿಕ್ಕೆಡ ಲೆತ್ತ್ ಪನ್ನೆ! ಉಂತವುಲು! ದುಂಬೊತ್ತಡ ಮುಟ್ಟ, ಬತ್ತ್ಂಡ ಪ್ರಲಯೊ ಮೂಲೆಗು ಕಿಂಚಿತ್ಲಾ ಕೊರತೆ ಬರಂದಿಲೆಕೊ, ತುಳು ತೆರಿನಕುಲೆಗ್ ಉಂದೊಂಜಿ ಸ್ವತಂತ್ರ ರಚನೆ ಪನ್ನಿಲೆಕೊ ತೋಜುನ ಏತೊಂಜಿ ಪೊರ್ಲುದ ಅನುವಾದೊ 'ಕಾಬೂಲಿವಾಲಾ' ವಿಶ್ವಕವಿ ರವೀಂದ್ರರನ ಅವೇ ಪುದಾರ್ದ ನಾಟಕೊದ ಅನುವಾದೊ ಶಾಶ್ವತೊವಾದ್ ಒರಿಪಿ ಪ್ರೀತಿಯೇ ಬಡ್ಜ್ಗೊಂಜಿ 'ವಜ್ರ ಕವಚ್' ಪನ್ನ ಆಸೆ ತುಂಬಿ ನಾಟಕೊ ಪರ್ದೇಶಿ 'ಕಾಬೂಲಿವಾಲಗ್' ಮಿನ್ನು ಪನ್ನಿ, ಆನನ ಮಿತ್ ಓಲಿದ್ದಿಯಾಂದಿ ಮೋಕೆ, ಆ ಮೋಕೆದ ಒರತ್ತೆ ಏಪೊಗುಲಾ ಅರಿಪ್ಪುನವತ್ ಪಂಡ್ದ್ ಆಯನ ನಂಬಿಕೆ. ವಿಷ ಗಳಿಗೆಡ್ ಆಯೆ ಪದಿನೈನ್ ವರ್ಸೊ ಜೈಲ್ಗ್ ಪೊವೊಡಾಪುಂಡು, ಪಿರ ಬನ್ನಾಗ ಕೇಸಿ ಲೋಕೋ ಬದಲ್ದಿಂಜಿ ಯಾನ್ ಎನ್ನಿದಿತ್ತೆ. ಅತ್ತ್ ಯಾನ್ ಒರಿಯೆ ಇನಿತ್ತ ಲೋಕೊಡು ಬದಲಾವಂದ ಒರಿನಾಯೆ, ಕಾಬೂಲಿವಾಲ ಮಿನ್ನುವ ನಡುಟಿತ್ತಿನ ಪ್ರೀತಿಯೇ ಬಡ್ಜ್ಗ್ ಆದಾರೊ, ಈ ಕೆದಂಬಾಡಿ ಜತ್ತಪ್ಪ ರೈ / 46
