ಕ್ಷಣಶಃ ಕಣಶವ ವಿದ್ಯಾಮರ್ಥಂ ಚ ಸಾದಯೇತ್ ಕ್ಷಣ ತ್ಯಾಗ ಕುತೋ ವಿದ್ಯಾ ಕಣ ತ್ಯಾಗೋ ಕುತೋ ಧನಂ ಅಮ್ಮೆಂಬಳ ಪನ್ನೆರ್ - ಕ್ಷಣವನು ಬಿಡದೆ ವಿದ್ಯೆಯ ಗಳಿಸು ಕಣವನು ಬಿಡದೆ ಹಣವನು ಉಳಿಸು ಕ್ಷಣವನ್ನುಳಿದರೆ ವಿದ್ಯೆಯು ಇಲ್ಲ ಕಣವನ್ನುಳೆದರೆ ಹಣವಿಲ್ಲ ಕೆದಂಬಾಡಿದಾರೆನವು ಚನುಲ ಬುಡಂದೆ ವಿದ್ಯೆನ್ ಪಿನ್ ಪಿನಿಂದ್ ಲೆಗಿಪ್ಪಂದೆ ಪಣವುನು ಪೆಜಿಲ ಚಂದು ಬುಡಿಯಂಡ ವಿದ್ಯೆ ಬರಾಂದ್ ಪಿನೀಂದ್ ದೊಂಂಡ ಪಣವು ದಿಂಜಾಂಡ್ (ತುಳುತ್ತ ಪೋರ್ಲು, ೧೯೮೦, ಪುಟೊ ೧೪), 'ದಿ ಪೈಡ್ ಪೇವರ್ ಆಪ್ ಹೇಮಲಿನ್' ಪದ್ಯೋ ಇಂಗ್ಲೀಷ್ ಕವಿ ರಾಬರ್ಟ್ ಬ್ರೌನಿಂಗ್ನವು ಅಯಿನೇ ಕನ್ನಡೊಡು 'ಬೊಮ್ಮನ ಹಳ್ಳಿಯ ಕಿಂದರಿಜೋಗಿಂದ್ ಪಂಡ್ದ್ ರಾಷ್ಟ್ರಕವಿ ಕುವೆಂಪು ಬಾಷಾಂತರೊ ಮಲ್ತ್, ಕನ್ನಡ ಸಾಹಿತ್ಯೋಡೆ ಈ ಕವಿತೆಗ್ ಪಗರದ ಕವಿತೆ ಬೇತೆ ಇದ್ದಿ ಪನ್ನಿ ರೀತಿಡ್ ಬರೆತೆರ್. ಉಂದೆನ್ ಕೆದಂಬಾಡಿದಾ 'ಅಸೆನಿಯಾಗೊ ಕಾಂತಗೋ ಜೋಗಿ' ಪಂಡ್ದ್ ರೂಪಾಂತರೂ ಮದರ್, ಇಂಚ ಒಲ್ಲ ಬತ್ತ್ನವು ತುಳು ಭಾಷೆಡೊಂಜಿ ಪೊಸ ಆಕಾರೊ ಪಡೆದ್ಂಡ್. ಈ ಪದ್ಯೋದ ಸುತ್ತು ಸೀಮೆ ಮೂಡಾಯಿ ಘಟ್ಟ ಸಾಲ್ ಕುದುರೆಮುಕೊದ ಅಡಿಸಾಲ್ದ ಊರುಲು, ಬಂಗಾಡಿ, ನಾವೂರು, ನಡ, ಈ ಜಾಗಲ್ ಬೋಂಟೆದ ಕಾರಣೋ ಪತ್ದ್ ತಿರ್ಗ್ನ ಊರುಲು. 'ಅಸನಿಯಾಗೊ ಕಾಂತಗೊ ಜೋಗಿ' ಕತೆ ನಡಪ್ಪುನೆಲಾ ಈ ಊರುಡೇ. ಊರುದ ಪಟ್ಟೇ ಪಂಡಿ ಪಾತೆರೊ ತತ್ತೆರ್ ಪಂಡ್ದ್ ಕಾಂತಗ ಜೋಗಿಗ್ ಬೇಜಾರೂ, ಅಯಿಕ್ ಮರ್ದ್ ಮಲ್ನೋಡು ಪಂಡ್ದ್ ಎನ್ನುವೆ. ಕಾಂತಗ ಜೋಗಿ 'ಕಾಂತಗೊ'ನು ಉರಿಪ್ಪುವೆ. ಉರಾಲ್ ಸಭೆ ಕೇಂಡಿನ ಜೋಕುಲು ಆಯನ ಬೆರಿಯೆ ಪೋಪೆರ್. ಗಡಾಯಿಕಲ್ಸ್ ಎದಿರಾಪುಂಡು, 'ಕಾಂತಗೊ'ದ ಉರಾಲ್ಗ್ ಗಡಾಯಿ ಕಲ್ಡ್ ಬಾಯಿ ಬುಡುಂಡು, ಜೋಕುಲು ಕದ ಉಲಾಯಿ ಸೇರೈರ್, ಕಾರ್ ಚೊಟ್ಟೆ ಆನೊರಿ ಉಲಾಯಿ ಪೋವಂದೆ ಪಿದಾಯೆ ಒರಿಪೆ, ಬಾಯಿ ಬುಡಿ ಗಡಾಯಿ ಕಲ್ಪದ ಬಾಯಿದ ಉಲಾಯಿ ಇತಿ ವಿಚಿತ್ರೋನು ಆನ್ ಊರುದಕುಲೆಗ್ ವಿವರ ವಿವರೂ ಆದ್ ಪನ್ನೆ. ಕೆದಂಬಾಡಿ ಜತ್ತಪ್ಪ ರೈ / 42
