ಸೀಮೆನ್ (ಪ್ರಕೃತಿ) ಬಣ್ಣನೆ ಮಲ್ಪುನೆಡ್ ಕವಿ ಕಾಳಿದಾಸಗೆ ಸಮೊ, ಪರಬನ ಏಸೊ ಪಾಡ್ ಜವ್ವನೆ, ಪರ ಪಟೋಕು ಪೊಸ ಬಂಗಾರ್ ಕಟ್ಟಿ ಪಾಡಿಲೆಕೊನೆ ಪನ್ನಿ ಕೊಂಡಾಟೊದ ಅರಿತ ತರೆಕ್ ಪಾಡ್ಕರ್ ಮುದ್ದಣೆ ಆರಾಯಿನ ಕತದ ವಿಷಯೊ, ಉಪಯೋಗೊ ಮನ ಭಾಷೆ ಪರಭಾಷೆ ಆಂಡಲಾ ಆಯಿನ್ ಆಯ್ಕೆ ಬಳಸ್ ರೀತಿ ಪೊಸತೇ ಆಯಿನವು ಮಿತ್ತ ಪಾತೆರೊಲೆಗ್ ಕಾರ ಮುದ್ದಣನ ಕಾವೊ ಸರೊಡು ಸಂಸ್ಕೃತ, ಕನ್ನಡ ತುಳು ಭಾಷೆಲೆ ಶಬ್ಬೊಲು ಒಂಜಿ ಮಲ್ತ್ ಬಿಗಿತ್ ಕಟ್ಟುನ ಕೆಲಸೊ ಆತ್ಂಡ್. ಮುದ್ದಣೆ ತುಳುವಪ್ಪೆನ ಬಾಲೆ, ಆಯನ ಕಾವೊಡು ತುಳು ಮಣ್ಣದ ಪರಿಮಳೂ ಗಮನಸುಂಡು, ಈ ಪರಿಮಳೂನು ಮೂಸೂನ್ನ ರೈಕುಲು 'ಶ್ರೀ ರಾಮಾಶ್ವಮೇಧ'ನು 'ಸಿರಿ ರಾಮಾಶ್ವಮೇದೊ' ಪಂಡ್ದ್ ಅನುವಾದೊ ಮಬ್ಬುನ ತಾಳ್ಮೆ ಗತೊಂದೆರ್, ಮುದ್ದಣನಲೆಕೋನೆ ಕೆದಂಬಾಡಿಯೆರ್ ವಾಗ್ಗೇವಿನ ಶಬ್ದ ಕೊಪ್ಪರಿಗೆದ ಬೀಗೊ ಮುದ್ರೆ ತರ್ಕೊಂದಿನಾ. ಅಂಚಾದ ಮುದ್ದಣನ ವರ್ಣನೆಗ್ ಸರಿಮಿಗಿಲಾದ್ ಕೆದಂಬಾಡಿಯ ಉರುಡುನ ರೀತಿಗೊಂಜಿ ಉದರ್ನೆ ಶ್ರೀ ರಾಮ ರಾಜ್ಯದ ವರ್ಣನದ ಘಳಿಗೆಡ್ ತೂವೊಲಿ, ಓದೊಲಿ. ಯಿಂದ ಕಾರ್ ನೀರ್ ಗೆತೊನುಂದು ಬಂಗಾರ್ದ ಗಿಂಡೈಡ್ ತಿಳಿನೀರ್ ದಿಂಜಾದ್ ಈತ್ನಂಗೆ ನೀರ್ ಮೈತ್, ಕಾತೆನೇಂದ್ ಮುಗಲರಸುನು ಕಾತೊಂದು ಉಲ್ಲಯಿ ಗಂದಾಳಿ ತಾರದ ಕಟ್ಟಪುಣಿಕುಲು ಸಾಲಾ ಸಾಲ್, ಪಚ್ಚನದ ಕಂಬಕ್ಕದ ಕುಟ್ಟಿಗೊಂಡೆದ ತೊಡುಂಚಿ ತೊಡಂಬೆಲೆ ಸಿಂಗಾರೊ ಆದ್ ಪೀಲಿ ಸೊಗಲೆನ್ ಬಿಗಿತ್ತೊಂದು ವಸಂತ ಗೂರ್ನ ಕಾಮಣ್ಣನ ಗೆಂಬೊದಂಚ ಕಾಯಿಕಿಲೆ, ಪಂರ್ದ್ ಕಿಳಕ್ಕುಲೆಡ್ ದಿಂಜಿದ್ ಕಣ್ಣಿಗ್ ಪೊರ್ಲಾದ್ ತೋಜುನ ಕಂಗ್ ತೋಟೊ, ಚಿಕ್ಕುಳಿ ಯಿಡೆ ಯಿಡೆಟ್ ತರದೆರ್ತ್ ಉಂತುನನ್ ತೂಪುನಾಯನ ಮನಸ್ ಕಣ್ ಪುಣ್ಯ ಮನವು (ಸಿರಿ ರಾಮಾಶ್ವಮೇಧೂ, ಪೊಲಿ ರಡ್ಜ್, ಅಗಸ್ತ್ರಾಗಮನ ಪುಟ ೯). ಶ್ರೀ ರಾಮರಾಜ್ಯದ ವರ್ಣನೆ ಮಲ್ಲುನನೆ ಕಾರಣೆ ಮಲ್ಲೊಂದು ಮುದ್ದಣನ ಲೆಕೊನೆ ಕೆದಂಬಾಡಿಯೆರ್ಲಾ ತುಳು ಮಣ್ಣಿದ ಬೈಲೊಂಜೆದ ವರ್ಣನೆ ಮಲ್ಪುನ ಆಸೆಗ್ ಬೂರೆರಾ ದಾನ್ನೊ ? ಈ ಕಾಮ್ರದ ಪಾತೊ ಪರಿಪೋಷಣೆ, ಸಂದರ್ಭೋ ನಿರೂಪಣೆ, ಕ್ರಿಯಾರಚನೆ, ಈ ರೀತಿಡ್ ಪ್ರತಿಯೊಂಜೆಡ್ಾ ತುಳು ಸಂಸ್ಕೃತಿದ ಮೇಲ್ಮನ್ ಅಕ್ಷರೊಡು ಪತ್ತ್ದ್ ದೀಡುನ ಪ್ರಯತ್ನ ರೈಕುಲೆಡ್ಲಾತ್ಂಡ್, ತುಳುತ್ತ ಪೊರ್ಲುಂದು ಪನ್ನಿ ಎಲ್ಯ ಒಂಜಿ ಆರನ ಉಪನ್ಯಾಸ ಮಾಲಿಕೆದ ಬೂಕುಡು ಸಂಸ್ಕೃತ - ಕನ್ನಡ - ತುಳು ಬಾಸೆಲು ಒಂಜೆಕ್ಕೊಂಜಿ ಏತ್ ಪೊರ್ಲುಡು ಕೋತೊಂದು ಪೋಪುಂಡುಂದು ಪನ್ನಿನೆನ್ ತೂಲೆ. ಅವು ಆರೆನ ಬಾಸೆದ ತಿದ ಪೊರ್ಲು, ಕೆದಂಬಾಡಿ ಜತ್ತಪ್ಪ ರೈ / 41
