ಅರ್ತಿದ ಪಿರ್ತಿದ ಪಾತೆರೊಗು ನಿನ ಪೊತ್ತಾಪ ಒಂಜಿ ದಿನೊ ಡಾ. ವಾಮನ ನಂದಾವರ - ಇಂಬೆರ್ ಎಂಕ್ ಫೋನು ಮಲ್ಪೆರ್. ಐತ್ತೊಟ್ಟಿಗೆ ಒಂಜಿ ಕಾಕಜಿಲಾ ಬರೆಯರ್, 'ಈರ್ ಈರ ಅಮ್ಮ ಕೆದಂಬಾಡಿದಾರೆನ ಬದ್ಕ್ - ಬರವುದ ಬಗೆಟ್ ಬರದ್ ಕೊರೊಡುಂದು ಪನ್ನಗ ಯಾನ್ ಅಮರ, 'ಸ್ವಾಮಿ, ಎನ್ನಡ್ ಅವು ಆವಂದ್ ಕೆಲಸೊ'ಂದ್ ಪನ್ನಗ - ಛೇ! ಛೇ! ಲವು ಸರಿಯ, ಈರ್ ಈರೆಗ್ ತೆರಿಲೆಕೊ ತುಳುಟ್ಟು ಬರಲೆ, ಯಾನ್ ತಿದ್ದ'ಂದ್ ಪಂಡ. ಯಾನ್ ಎಣ್ಮನೇ ಕ್ಲಾಸ್ಡುಪ್ಪುನಗ 'ಉತ್ಕೃಷ್ಟ'ಂದ್ ಪನ್ನಿ ಕನ್ನಡ ಸಬ್ರೂ ಬರೆಯರೆ ಬರಂದಿನೆಕ್ ಎನ್ನಪ್ಪ ಎನ್ನ ತರೆಕ್ ಏತ್ಲಾ ಕುಟ್ಟಿ ಪಾಡ್ಜ್ ಬರೆಪ್ಪಯರ್, ಐಡ್ಸ್ ಬೊಕ್ಕ ಯಾನ್ ಆರ ಬರವಣಿಗೆದಾಯ ಆದ್ ಮಸ್ತ್ ವರ್ಸೊ ಕೆಲಸೊ ಮಲ್ತದೆ. ಆಂಡ ಆ ಬೊಳೆತ್ತಿ ತುಳು ಎನ್ನ ಬಾಲೆ ತುಳು ಓಲು! ಆರೆನ ಮನಸ್ಸಿಗೆ ತಂಪು ಆಪಿಲೆಕೊ - ಒಪ್ಪಿಪಿಲೆಕೊ ಬರೆವೊಡತ್ತೆ? ದಾನ್ನೋ ಗೀಚಿಯೆ. ಆಂಡಲ ಎನ್ನ ಉಡಲ್ ಪೋಡಿಗೆಡ್ ನಡ್ಕೊಂದುಂಡು, ವೋಲು ಎನ್ನ ಅಪ್ಪ ಪಿರ ಬತ್ತ್ದ್ ನೋಪುವರೋಂದ್ ಪಂಡ್ದ್ ಆಂಡ ಆರ್ ವಾತ್ಸಲ್ಯದ ಕೈ ಎನ್ನ ತರತ ಮಿತ್ತ್ ಇಪ್ಪು! ಈ ತಾಂಡಲಾ ಎನ್ನ ಮಗೆ ಬರೆಯೆ ಅತ್ತಾ...ಂದ್ ಎನ್ನೊಂದಿಪ್ಪೆರ್, ಆರ್ ಬದ್ಕ್ - ಬರವು ಮೂಲು ಒಳ್ಕೊಡು ಅಳದ್ ಮಾತ್ರ ಪಾಡ್ಡೆ. ಈ ಎನ್ನ ಬರೆಪುನ ಕೆಲಸೊಗು ಮಾಮಲ್ಲ ಬೆರಿಸಾಯೊ ಕೊರಾರ್ ಎನ್ನ ಪ್ರೀತಿದ ಮಲ್ಲ ಬಿ. ಗುರುದಾಸ ರೈಕುಲು. ಆರೆನ ಪಾದೊಗು ಅಷ್ಟೂ ಬೂರೆ. ಅಂಚನೇ ಎನ್ನ ಕೆಲಸೊನು ಸುಲಭೂ ಮಲ್ಲಿನಾರ್ ಶ್ರೀ ಪೂವಪ್ಪ ಕಾಣಿಯೂರು, ಮೇ ಕೆದಂಬಾಡಿದಾರೆನ ಸಂಸ್ಮರಣ ಸಂಚಿಕೆಗ್ಂದ್ ಕಡಪ್ಪುಡ್ನ ಒಂಜಿ ಲೇಖನ ಉಂಡು, ಐನ್ ಯಾನ್ ಎಂಕ್ ಬೋಡಿತ್ತಿಲೆಕೊ ಗೆತೊನೊಲಿಂದ್ ಪಂಡ್ದ್ ಆರ್ ಒಪ್ಪಿಗೆ ಕೊರಿಯೆರ್. ಆರೆಗ್ ಎನ್ನ ಉಡಲ್ ದಿಂಜಿದಿ ಸೊಲು, ಯಾನ್ ಸಾಹಿತಿ ಕಂಡಿತಾ ಅತ್ತ್, ಯಾನೊರಿ ಆಯುರ್ವೇದ ವೈದ್ಯ. ಅಂಚಾದ್ ಬರವಣಿಗೆಡ್ ತಪ್ಪುಲು ಇತ್ತ್ಂಡ ಐನ್ ಒಪ್ಪು ಮತ್ತೊಂದು ಮಾಪು ಕೊರು ಈ ಬಾಲೆದ ತರತ್ತ ಮಿತ್ತೆ ಕೈ ದೀವೊಡುಂದು ಕೇನೊಂದು, ಯಾನ್ ನಿಕುಲೆನ ಪಾದೊಗು ಪುಜೆ ಪಾಡೊಂದುಲ್ಲೆ. ಇಷ್ಟ ದೈವ - ದೇವರೆನ್ ನಂಬೊಂದು ಏನಿಗಾ ನಿಕುಲೆನ ನಂಬುಗೆದಾಯ 'ಕಲ್ಯಾಣಿ' ವಿಟ್ಲ 3 ನವಂಬರ 2004 ಡಾ. ಕೆದಂಬಾಡಿ ತಿಮ್ಮಪ್ಪ ರೈ
