ಲೇಖನ ತೇಜಸ್ವಿಯರೆನ್ ದೃಷ್ಟಿಗ್ ಬೂರುದು ರೈಕುಲೆ ಸಾಹಸೋ ಆರೆನ್ ಬೆಕ್ಕ ಪುಟ್ಬಾದ್ಂಡ್. ಆ ಬರಾವು 'ಬೇಟೆಯ ಉರುಳು'ಡು ಬೆರಕ್ಕೆ ಆತ್ಂಡ್. ರೈಕುಲು ಕತೆ ಪೆನ್ನುನೆಡ್ ನಿಸ್ಸಿಮೆ. ಅವು ಆರೆನವೇ ಆಯಿನ ತಾಕತ್, ಕಿನ್ಯ ಜೋಕುಲೆಗ್ ಈ ಬೂಕು, ಉಂದೆಟ್ ಇತ್ತ್ನ ಕತಕ್ಕುಳು ಪಾಠ ಪುಸ್ತಕೊ ಆದರೆ ಯೋಗ್ಯೂ, ಈ ಬೂಕು ಕೇರಳ ಮಹಾರಾಷ್ಟ್ರಡು ಪಾಠಪುಸ್ತಕೊ ಆದಿತ್ತ್ಂಡ್, ಆಂಡ ಕರ್ನಾಟಕ ಸರಕಾರೊ ಆ ಮಲ್ಲ ಮನಸ್ ಮಲ್ಪಾಂದ್ನವು ಬೇಜಾರೊದ ವಿಷಯೊ, ಗಾವನ ಉಂಡತ್ತ 'ಒತ್ತಿಲ ಗಿಡ ಮದ್ದಲ್ಲ, ದೂರದ ಬೆಟ್ಟ ನುಣ್ಣಗೆ'. `ಬೆಟ್ಟದ ತಪ್ಪಲಿಂದ ಕಡಲ ತಡಿಗೆ' ರೈಕುಲು ಬರೆಯಿನ ನಾಲನೆ ಬೂಕು. ಈ ಬೂಕುಲ ಬೋಂಟೆದ ರುಚಿನ್ ನೆಗತ್ ತೋಜಾವುನ ಸಕ್ತಿ ಇತ್ನವು ಕರ್ನಾಟಕ ಕೇರಳ ರಾಜ್ಯದ ಜನೊಕುಲು ಬದುಕುನ ರೀತಿ ಆ ಸಮತಾವಾದೊದ ಕಾರೂ - ಚೀಪೆ - ಕೈಪೆಳೆನ್ ಸೇರಾತ್ ಆ ಬರಾವು ಇದ್ದಿಯಾಂದಿನ ಜನೊಕುಲೆಗ್ ಸಾಹಿತ್ಯದ ಮಿತ್ತ್ ಏತೊಂಜಿ ಏವುರೂ ಇತ್ತ್ಂಡ್ ಪನ್ಸುನೆನ್ ರೈಕುಲೆನ ಬೂಕು ಓದುನಗ ಮನಸ್ಸಿಗ್ ಪೋಪುಂಡು, ನಿರೆ ಊರು ಕೇರಳದ ಜನೊಕುಲು ಬೆನ್ನಿಡೇಟ್ ಬಿರ್ಸೆರ್, ಜನಪದ ಕಲೆ ಯಕ್ಷಗಾನೊಡು ಅಕುಲೇತ್ ನಿಸ್ಸಿಮೆ. ಅಕುಲೆ ಕುಟುಮೊ ಒಂಜಾತ್ ಬದುನ ಪೊರ್ಲ ಕಂಟ್ ರೀತಿ, ಬೋಂಟೆಲ ಬದ್ಕ್ ಒಂಜಿ ಭಾಗೊ ಪಂಡ್ದ್ ತೂವೊಂದಿತ್ತಿನ ರೀತಿ ಉಂದೆನ್ ಪೂರ್ತಿ ಸೇರಾದ್ ಮಣ್ಣಿನ 'ಅವಿಲ್' ಪನ್ನಿ ತಿನ್ನೇ ಈ ಬೂಕು. ಇಂಗ್ಲೀಸ್ ಬರವುದ ಬೂಕುನು ಕನ್ನಡೊಗು ತರ್ಜುಮೆ ಮಲ್ತ್ದ್ ರೈಕುಲು ತನ್ನ ಪುಗರ್ತೆದ ಪಟ್ಟಿಗೆ ಮಗುರೊಂಜಿ ಪದಕೊನು ಸೇರಾವೊಂಡೆರ್, ನಿವೃತ್ತ ಡಿ.ವೈ.ಎಸ್.ಪಿ. ಕೆ. ರಾಮಯ್ಯ ರೈಲಿನ ಟೆಲ್ ಟೀತ್ ಪನ್ನಿ ಇಂಗ್ಲೀಷು ಬೂಕುನು ತಲೆಬುರುಡೆ ಬಿಡಿಸಿದ ಕೊಲೆ ರಹಸ್ಯ' ಪನ್ನಿ ಪುದಾರ್ಡ್ ಕನ್ನಡೊಗು ತರ್ಜುಮೆ ಮ, 'ತರಂಗ' ವಾರಪತ್ರಿಕೆಡ್ ಧಾರವಾಹಿಯಾದ್ ಪರೀದ್ ಬತ್ತಿನ ಅವು ಬೂಕು ಆತ್ ಅಚ್ಚಿಯಾಂಡ್. ಕಟ್ಟೋ ಕತೆಲು ಪತ್ತೇದಾರಿ ಬೂಕುಲು, ಅಂಡ ಈ ಸತ್ಯ ಕತೆ ಮಾತೆರ್ನಲಾ ಪುಗಾರೆಗ್ ಈಡಾಂಡ್, ಸತ್ಯಕತೇನ ಕಟ್ಕತೆದ ತರೆ ತೋರಿತ್ ಮಿತ್ತ್ ಉಂತಿಲೆಕೊ ಆಂಡ್, ರಡ್ಜ್ ರೈಕುಲು ಒಂಜಾತ್ ಒಂಜಿ ಅದ್ಭುತೊ ಲೋಕೊನೆ ಸೃಷ್ಟಿ ಮಲ್ಲೆರ್, ಪೊಲೀಸು ಅಧಿಕಾರಿ ರಾಮಯ್ಯ ರೈಕುಲೆ ಸಾಹಸಿ, ಸಾಹಿತಿ ಜತ್ತಪ್ಪ ರೈಕುಲೆ ಸಾಹಿತ್ಯ ಒಂಜಾದ್ ಸಾವಿರಗಟ್ಟಲೆ ಓದುನಕುಲೆನ ತರೆ ತಿಂದೆ, ಒಂಜಿ ಜೀವಂತ ಸಕತೆನ್ ತರಂಗೊ ವಾರಪತ್ರಿಕೆ ಪರಾತ್ ರೈಕುಲೆನ ಬರವಣಿಗೆಗ್ ಬಂಗಾರ್ದ ಒಮ್ಮೆ ಕೊಪ್ಪುನೆಡ್ ಯಶಸ್ವಿಯಾಂಡ್. ಟೇಲ್ - ರೈಕುಲು ಬರೆಯಿ ಬೂಕು ಕಣ್ಮಯೋಗಿ 'ಪನ್ನೆಗುತ್ತು ನಾರಾಯಣ ಶೇಕೆ' ಉಂದು ಒಂಜಿ ವ್ಯಕ್ತಿ ಪರಿಚಯೊ, ತನ್ನ ಬದ್ಕ್ಗೊಂಜಿ ಎಡ್ಡೆ ರೂಪೋ ಕೊರೊಡು ಪಂಡ್ದ್ ಕೆದಂಬಾಡಿ ಜತ್ತಪ್ಪ ರೈ / 38
