ಪಂಡರ್, ರೈಕುಲೆ ವಿಪರೀತ ಪಾತೆರೊದ ಶಕ್ತಿ ಮಾತಾ ಸಾಹಿತಿಲೆನ್ ಬಾಯಿ ಅಗೆಲ್ಯಾಂಡ್, ಪಾತೆರೊನು ಅಕ್ಷರೊಗು ಜಪ್ಪಾವೊಡು ಪಂಡ್ದ್ ಒತ್ತಾಸೆ ಕೊರಿಯೆರ್, ಮಾತೆರೆ ಒತ್ತಾಯೊಗು ತರ ಬಗ್ಗಾಯಿನ ರೈಕುಲು ಬರೆಯೆರ್. ಬರೆಯಿನವು ಬೇಟೆಯ ನೆನಪುಗಳು' ಪನ್ನಿ ಪುದಾರ್ಡ್ ಆಚ್ಚಿಲಾ ಆಂಡ್, ಸುರೂಪ ಆ ಬೂಕುಮ ಅಚ್ಚಿ ಮಲ್ಲುನಕುಲು ಸಂತ ಫಿಲೋಮಿನಾ ಕಾಲೇಜ್ ಕನ್ನಡ ಸಂಘದಕುಲು. ಸಾಹಿತ್ಯ ಲೋಕೊಡು ರೈಕುಲು ಬರೆಯಿನ ಬರವು ಬೇಟೆಯ ನೆನಪುಗಳು' ವಿಶಿಷ್ಟ ಪ್ರಕಾರೊದ ಮೃಗಯಾ ಸಾಹಿತ್ಯ, ರೈಕುಲೆಗ್ ಪುದಾರ್ ಕೊನತ್ಂಡ್ ಮಾತ್ರವ ೧೯೭೮ನೇ ಇಸವಿದ ಸಾಹಿತ್ಯ ಅಕಾಡೆಮಿದ ಪ್ರಶಸ್ತಿಲಾ ಒದಗ್ಂಡ್, ರೈಕುಲೆಗ್ ಸಂತಸೊನೆ ಸಂತೆಸ್. ಅಯಿಡ್ದ್ ಬುಕ್ಕೊ ಆರ್ ಬರವಣಿಗೆಡ್ ತಿಗ್ ತೂಯಿಜೆರ್. ಬರೆಯಿನ ಪ್ರತೀ ಕನ್ನಡೊದ - ತುಳುದ ಬರವುಲು ಜನಮನ್ನಣೆ ಪಡೆಯೊ, ಪುದಾರ್ ಪಡೆಯೊ, ನೂದು ಪುರಸ್ಕಾರೊಲು ಆರೆನ ಬೆರಿ ಪತ್ತ್ದ್ ಬತ್ತ್ಂಡ್, ಪಡೆಯಿನ ಪ್ರತೀ ಬಿರ್ಡ್ಲ್ ಆರೆನ್ ಆಕಾಶದ ಎತ್ತರೊಗು ಏರಾಂಡ್. ಆಂಡ ಆರೆನ ತರೆ ತಿರ್, 'ಸಾಹಿತ್ಯ ಲೋಕೊಡು ಇನಿಲಾ ಏನ್ ಕಿನ್ಯ ಬಾಲೆ' ಪಂಡ್ದ್ ಪನೊಂದಿತ್ತೆರ್. ಕೆದಂಬಾಡಿದಾರ್ನ ಸುರೂವ ಬರವು 'ಬೇಟೆಯ ನೆನಪುಗಳು ಆರ್ನ ಬದ್ಕ್ಡ್ ಘಟಿಸಾಯಿನವೇ ಕತೆ, ಲೋಕಾನುಭವೊ ಆಯಿಟ್ ದಿಂಜಿದ್ ಉರ್ಕಾರುಂಡು, ಪರದಿನೊ ಆತ್ ಚೀಪೆ ಅತ್ತ್ ಆಂಡ ಅಯಿನ ನೆನೆಪು ಮಸ್ತ್ ಚೀಪೆ. ರೈಕುಲು 'ಬೇಟೆಯ ನೆನಪುಗಳು' ನೆನೆತೊಂದ್ನ ಆರ್ನ ನೆನೆಪು ಚೀಪೆನೋ ಚೀಪೆ. ಕನ್ನಡಪ್ಪೆಗ್ 'ಬೇಂಟೆಯ ನೆನಪೊಂದು ಪೊಸದೊಡವೆಯಲ್ಲಿ ಪನ್ನಿನ ಅಭಿಮಾನೊದ ಸೂಕ್ಷ್ಮ ಸಂದಾಯೊ ಮಲ್ಪೆಯರ ಸಹಕಾರೂ ಈ ಬೂಕುದ ಬರವಣಿಗೆದ ಸಾಹಿತ್ಯ ಶೈಲಿ, ದೇಶಿತನ, ಗಂಡಸ್ತನೊ, ಬಂಟತನೊ ಉಂದೆಕ್ ಒಂಜಿ ವಿಶೇಷ ಆಕರ್ಷಣೆ ಉಂಡು. ಕನ್ನಡ - ತುಳು ಶಬ್ದದೊಟ್ಟಿಗೆ ಸಂಸ್ಕೃತೊದ ಶಬ್ಯೂಲೆನ್ ಪೆಜೀತ್ ಸುರೀತ್ ಬರೆಯಿನ ವಾಕ್ಕೊಲು, ಯಾವಂದ್, ಇಂಚಿನ ವಾಕ್ಕೊಲು ನನಲಾ ಬೋಡು, ನನೊಲಾ ಬೋಡು ಪಂಡ್ದ್ ಓದುನಕುಲೆಡ್ ಕೇನ್ಸಾವುನ ಮಟ್ಟಿಗೆ ಏರ್ಂಡ್. ಈ ಬೂಕುದ ಎಡ್ರ್ ಇಂಗ್ಲೀಷ್ ಬರಹಗಾರ ಜಿಂ ಕಾರ್ಬೆಟ್ನ ಓಡೆಗ್ಲಾ ಅತ್ತ್ ಪಂಡ್ದ್ ಓಡ್ನಕುಲೆಡಾ 'ಸೈ' ಪಂಡ್ದ್ ಬೆರಿ ತಟ್ಟಾವೊಂಡೆರ್. ಸುರೂದ ಬರವೇ ಮಾಮಲ್ಲ ಬರವು. ಪುಟ್ಟೆ ಮಣ್ಣಿದ ಪರಿಮಳೂನು ಗವುಸಾವುನ ಒಂಜಿ ಪಾಕಶಾಲೆ, ನೂದು ಕಾಲೊ ನೆನೆಪುಡು ಒರಿಪುನ ಒಂಜಿ ಮಹಾಕಾವ್ಯ, ಶಾಲೆ ಕಲ್ಪಿ ಜೋಕುಲೆಗ್ ಪಾಠ ಪುಸ್ತಕವಾಯರೆ ಯೋಗ್ಯ ಪನ್ನಿನವು ಮಾತಾ ಜನಕುಲೆನ ಅಭಿಪ್ರಾಯೊ. ಶಬ್ಬೊಲೆನೆ ಚಿತ್ತೊ ಮಲ್ತ್ದ್ ನಮ್ಮೆದುರು ತೋಜಿಪಾಯೆರೆ ಪುನೆಯಿನ ರೈಕುಲು ಪುಗರೆಗ್ ಕೆದಂಬಾಡಿ ಜತ್ತಪ್ಪ ರೈ / 35
