ಯೋಗ್ಯತೆಗ್ ದೊರಿಯಿನ ಮಾಮಲ್ಲ ಮಣೆ. ರೈಕುಲು ಪುಟ್ಟಿಯೆ, ಬಲತೆ, ಸಂಸಾರಿಯಾಯೆ, ಪ್ರಾಯೊ ಏರ್ಂಡ್, ಜವ್ವನೊ ತಗ್ಸ್ಂಡ್, ಪರಬೈಲಾ ಆಯೆ ಉಂದು ನಮೊ ಈತ್ ಮುಟ್ಟ ತೆರಿಯೊನುನ ಸುದ್ದಿ, ನಮೋ ಆಟೋ ತೂತೊ ಅತ್ತ. ಒಂಜಿ ವೇಟೊ ಬರುಂಡು, ನಲಿಪುಂಡು, ಪಾಡಿ ವೇಸೊಗು ಸರಿಯಾದ್ ಪಾತೆರುಂಡು, ಮುಗಿ ಕೂಡ್ಲೆ ಚೌಕಿಗ್ ಪಾರುಂಡು, ಪರದೆ ಬೂರುಂಡು, ಪಿರ ಒರೊ ಪೊಸ ಏಸೊ ಬರುಂಡು, ಪರದೆ ಏರುಂಡು. ಸಾಧಾರಣ ೧೯೭೭ನೇ ಇಸವಿಡ್ ಆರ್ ಆರ್ ಅಜ್ರನೇ ವರ್ಸೊಡು ಒಂಜಿ ಪೊಸ ಏಸೊ ಪಾಡಿಯೆರ್. ಆ ಏಸೊನೆ 'ಸಾಹಿತಿ', ಆ ಏಸೊಡು ಆರ್ ಆರೆನವೇ ಸಾಹಿತ್ಯ ರಂಗಸ್ಥಳೊಡು ೨೭ ವರ್ಷ ನಲಿತ್ತೆ, ಪಾತೆರಿಯೆರ್, ಬಿರ್ದ್ ಬಾವಲಿ ಪಡೆಯೆರ್. ರಂಗಸ್ಥಳೊಡು ನಲಿತ್ತೊಂದು, ಪಾತರೊಂದು ಇಪ್ಪುನಗನೆ ದೇವರೆ ಪಾದೊ ಸೇರಿಯೆ. ಆಟೊಗು ಪೀಠಿಕೆ ಬೋಡ, ಸುರೂದ ಬುಡೆದಿ ಶಾಂಭವಿನ್ ಪತೊಂದು ಕೆದಂಬಾಡಿದ ತರವಾಡ್ ಸುಮಾರ್ ಐವ ವರ್ಸೊಗು ದುಂಬು ಬತನ ಆ ದಿನೊ ಆನಿ ಕೆದಂಬಾಡಿಷ್ ಭಾಗವತರವದೊ ಕೇನೊಂದಿತ್ತ್ಂಡ್, ಚೆಂಡೆ ಮದ್ದಳೆದ ಘನ - ಘಂಭೀರ ಸೊರೊ ದುನಿತ್ತೊಂದಿತ್ತ್ಂಡ್, ಹಾರ್ಮನಿಡ್ಜ್ ಸರಿಗಮ ಪದನಿ ಪೊರ್ಲ ಕಂಟ್ಡ್ ಸ್ವರೂ ಬರೊಂದಿತ್ತ್ಂಡ್, ನಲಿಪುನ ಪೊಣ್ಣು ಆಣನ ಕಾರಗೆಜ್ಜೆದ ಘಲ್ ಘಲ್ ಸಬ್ಲ್ಯೂ, ಧೀಂಕಿಟ ಕಿಟತಕ ತರಿಕಿಟ ಕಿಟತಕ ಸಂಗೀತದ ಶಾಸ್ತ್ರೀಯ ಲಯೊ ಗುಲ್ಬಗುಟ್ಟೋಂದ್ ಇತ್ತ್ಂಡ್, ಆ ಇಲ್ಲದ ಮಾತಾ ಏಲೆನ್ ಪಾಡುನ ಒರಿ ಯಕ್ಷಗಾನ ಕಲಾವಿದೆ ಇತ್ತೆ. ಅವುಲು ಹಾಸ್ಯ ರಸ್ತೆ ತಲಿತ್ತೊಂದಿತ್ತ್ಂಡ್, ನಲಿತ್ತೊಂದಿತ್ತ್ಂಡ್. ಆಟೊ ಗೊಬೊಂದಿತ್ತೆರ್, ತಾಳಮದ್ದಳೆ ನಡತ್ತೊಂದಿತ್ತ್ಂಡ್. ಅಷ್ಟೇ ಇಲ್ಲಾಡ್ ಅಂಕೊ, ಆಯನೊ, ಕೋಲ, ತಂಬಿಲೊ ಅತ್ತಂದೆ ದೇವೆರೆಗ್ ಪೂಜೆ, ಪುನಸ್ಕಾರೊಲಾ ನಡತ್ತೊಂದು ಇತ್ತ್ಂಡ್, ಆ ಮಣ್ಡ್ ಬೆನ್ನಿಗ್ ಸುರೂತ ಮಣೆ. ಇಲ್ಲದ ಇನಿತ ಯಜಮಾನಿ ಬೆನ್ನಿ ಬೆನ್ಯಾಲೆ, ಆಯೆ ಬಲಿಮೆ ದೀಡುನ, ಆಪುನ, ಪೋಪಿನೆನ್ ಪನ್ನಿ, ಸಕ್ತಿ ಇತ್ತ್ ಜೋಯಿಸ ಮಾತ್ರೆ ಅತ್ತೆ ಸೀಕ್ಗ್ ಮರ್ದ್ ಕೊರುವ ಆಯುರ್ವೇದ ವೈದ್ಯಲಾ ಆತ್ ಇತ್ತೆ. ಆನಿದ ದಿನೊಡು ಆ ಇಲ್ಲಾಡ್ ಅಸವ, ಆರಿಸ್ಕೊ, ಲೇಹ್ಯ, ಮೃತ, ಚೂರ್ಣೋಲೆ ಪರಿಮಣೋ ಇತ್ತ್ಂಡ್. ಅಷ್ಟೇ ಯಜಮಾನಿ ಕವಿಯಾತಿತ್ತೆ, ಗಮಕಿಯಾತಿತ್ತೆ, ಪೊರ್ಲ ಕಂಟ್ಡ್ ಪಾತೆರುನ ಬಿರ್ಸೆರೆ ಬಿರ್ಸೆ ಆದಿತ್ತೆ. ಇಲ್ಲದ ಯಜಮಾನಿಯಾನ ಬೊಲ್ಲು ಮೈ, ಗಟ್ಟಿಮುಟ್ಟು ಮಲ್ಲ ಶರೀರೊ, ಪೊರ್ಲುದ ಮೋನದ ದೇಖ, ನಾಲಗೆಡ್ ನಲಿಪುನ ದೇವಿ ಸಾಹಿತ್ಯ ಸರಸ್ವತಿ, ಆಯಗ್ 'ಯಕ್ಷಗಾನ ಭಾಸ್ಕರೆ' ಪನ್ನಿ ಬಿರುದ್ ಪಡೆಯರೆ ಕಾರ್ಡೊ ಆತಿತ್ತ್ಂಡ್. ಬಲ್ಲಿರೇನಯ್ಯಾ! ಉಂಬೇರ್ ಏರ್' ಪಂಡ್ದ್ ಕೇನ್ಸರಾ ಆರೇ ಕವಿಭೂಷಣ, ಕೆದಂಬಾಡಿ ಜತ್ತಪ್ಪ ರೈ /33
