ಪನ್ಪೆ ಪಂಡ ರೈಕುಲೆನ ಆಖೇರಿದ ದಿನೊ ಮುಟ್ಟಿ ಎಂಕುಲು ಒಂಜಪ್ಪ ಪತ್ತೆ ಜೋಕುಲು ಆತ್ ಬದ್ದೊನೊ ಹೊರತಾತ್ ರಡ್ ಅಪ್ಪನ ನಾಲ್ ಆಜಿ ಜೋಕುಲಾತ್ ಬದ್ದುಜೆ, ನನಲಾ ಅಂಚಾವಂದ್ ಪನ್ನಿಂಚಿತ್ತಿ ನಂಬಿಕೆ ಎನ್ನವು. - ಈ ಒಂಜಿ ಎಡ್ಡೆ ಮಾರ್ಪಾಟ್ಗ್ ಕಾರಣ್ ರೈಕುಲು ತೊಜ್ಯಾದಿ ಕೊರಿ ಎಣ್ಣೆ ಸಾದಿ, ಆಪ್ಪೆ ಕಲ್ಯಾಣಿ ಎಂಕುಲೆನ್ ಪತ್ತ್ ಜನೊನು ನಡಪಾಯಿ ರೀತಿ ತೊಜಿಪಾಯಿ ಈ 'ಆದರ್ಶ' ಗಾತ್ರ ಎಂಕು ಅಪ್ಪ ಜತ್ತಪ್ಪ ರೈಲೆಗ್ ಅಪ್ಪೆ ಕಲ್ಯಾಣಿಗ್ ಪುಸ್ಕೊ ಬೂರೊ. ಅಷ್ಟೆ. ಕಲ್ಯಾಣಿ ಕೆದಂಬಾಡಿದ ಮಣ್ಡ್ ಬೆಂದೆ, ಆ ಭೂಮಿನ್ ಬಂಗಾ ಮತ್ತೆ, ಪದಿ ಆಜಿ ಜೋಕುಲು, ದುಂಬುದ ನಾಲ್ ಜೋಕುಲು ಆರ್ನ ಪತ್ ಜೋಕುಲೇ ಆಂಡ್, ಇನಿ ರೈಕುಲೆಗ್ ಪೂರ್ತಿ ತೃಪ್ತಿ. ಕರಿಪೋಯಿನ ಸುರುದ ಬುಡೆದಿನ ನೆನೆಪು ಏಪೊಗೊರೊ ಮನಸ್ಸಡ್ ಕಿನ್ದ್ ಬೇನೆ ಕೊರುದ್ ಪೋಪುಂಡು. ಆಂಡ ಕಾಲೊಗು ಮಾತೆನ್ಾ ಮಾಜಾವುನ ಗುಣೋ ಉಂಡು ಅತ್ತಾ? ಆಂಡ ವಿಧಿಆರೆನ ಬೆರಿ ಬುಡ್ತ್ಜೆ, ರೈ ನಿನನ್ ಏನ್ ಮರತ್ಜೆ ಪಂಡೆ. ತೆಲಿಕೆ ಆಯನ ಬಾಯಿಡ್ ಬಿಚ್ಚಿಂಡ್, ಅಪ್ಪೆ ಕಲ್ಯಾಣಿ ದೇವರೆ ಸಿರಿ ಪಾದೊ ಸೇರಿಯೆರ್. ವಿಧಿತ್ತ ನೆನೆಪುಡು ರೈಕುಲು ಇತ್ತೆರ್ ಪನ್ನುನವು ಸತ್ತೊ ಅತ್ತ? ವಿಸೊ ನಿಂಗಿ ಶಿವ ಬೇನೆ ನಿಂಗ್ ಬದುಕುನಕುಲೆಗ್ ಆದರ್ಶ. ಇತ್ತೆ ರಡ್ಡನ ಬುಡೆದಿನ ಆಜಿ ಜೋಕುಲು ಪುರು ಜೋಕುಲು. ಆಂಡ ಆಯಿತ ದೇಖೆ - ರೇಖಿ ತೂಯರ ಸುರುದ ಬುಡೆದಿನ ನಾಲ್ ಜೋಕುಲು ಮಲ್ಲಿ ಆತರ್, ಆ ನಾಲ್ ಜೋಕುಲೆಗ್ ಈ ಆಜಿ ಜೋಕುಲು ಮೆಗ್ನಲ್ಸ್ - ಮೆಗ್ನಲ್ ಮಾತ್ರವಲ್ಡ್ ಮುಟ್ಟದ ದೋಸ್ತಿಲ್, ಆ ಆತ್ಮೀಯತೆ ಇನಿಲಾ ನಡತೊಂದುಲ್ಲಾಯಿನವು ನೆನಪು ಮಲ್ಗೊಡಾಯಿನವು ಜೋಕುಲೆನ್ ತೂಪುನ ಮಂಡೆ ಬೆಚ್ಚ ಮಲ್ಲಾವು ಆತ್. ಆಂಡ ಐತ ಎಲ್ಲೆದ ಭವಿಷ್ಯ ರೂಪಿಸಾವುನ ಮಾಮಲ್ಲ ಜವಾಬ್ದಾರಿ ರೈಲೆ ಪುಗೆಲ್ಡ್ ಉಂಡು. ದಿನೊ ದುಂಬು ಪೋಂಡ್, ರೈಕುಲು ಜೋಕುಲೆನ ಮಟ್ಟಿಗ್ ತಾನ್ ಸಾದಿಸೊಡಾಯಿನ ಜವಾಬ್ದಾರಿಲೆನ್ ಒಂಜೊಂಜೇ ಆತ್ ಮುಗಿತ್ತೊಂದು ಬತ್ತೆರ್, ಪತ್ ಜೋಕುಲೆಗ್ಲಾ ತನ್ನ ಸಕ್ತಿ ಮೀರ್ದ್ ವಿದ್ಯೆ ಕೊರಿಯೆರ್. ೫ ಜನೋ ಆನ್ ಜೋಕುಲೆಗ್ ಎಡ್ಡೆ ಇಲ್ಲಾದ ಪೊಣ್ಣು ಕೊನತ್ದ್ ಮದಿಮೆ ಮಲ್ಪೆ, ಐನ್ ಪೊಣ್ಣು ಜೋಕುಲೆಗ್ 'ಸತ್ಕುಲ ಗುಣಪ್ರಸೂತ' ಪನ್ನಿಂಚಿತ್ತಿ ಜವ್ವನೆರೆನ್ ನಾಡ್ದ್ ಮದಿಮ್ಮೆ ಮಲ್ಪೆರ್. ಜೋಕುಲೆಗ್ ಜೋಕುಲು ಆಂಡ್, ರೈಕುಲು ಆಜ್ಞೆ ಆಯೆರ್. ರೈಕುಲು ಬದ್ದ್ ಇಪ್ಪುನಾಗನೆ ಆರೆನ ನೇಲ್ಯ ಮಗಳೆ ಮಗೆ ದಯಾಸಾಗರನ ಮದಿಮೆ ಆತ್ಂಡ್, ರೈಕ್ ದೇವರ ಪಾದೂ ಸೇನ ಮಗ ವರ್ಷ ಆಯಗ್ಲಾ ಆನ್ ಬಾಲೆ ಆಂಡ್, ರೈಕುಲು ಕೆದಂಬಾಡಿ ಜತ್ತಪ್ಪ ರೈ / 31
