ಬೆರಿ ಬುಡಾಯಲ್ ಪನ್ನುನ ಧೈರ್ಯೊಡು ರಡ್ಡೆನೇ ಮದಿಮ್ಮ ಆಯರೆ ಹಿರಿಯಾಕುಲೆ ಮಾತೆಲ್ಲಾ ಒಪ್ಪಿಗೆ ಕೊರಿಯರ್. ರಡ್ಡೆನೇ ಮದಿಮೆಗ್ ಪೊಣ್ಣು ನಾಡಿಯರೆ ಬಂಜಿ ಆಯಿಜಿ. ಮಡ್ಕಂಪಾಡಿ ಅರೆ ರೈಕುಲು - ಶ್ರೀಮತಿ ಚೆಲ್ಯಡ್ಕ ಚೆನ್ನಮ್ಮ ದಂಪತಿಲೆನ ಮೂಜೆನೇ ಮಗಳ ಕಲ್ಯಾಣ ಯಾವೆ ಪೆರ್ಗಡ್ತಿ, ರೈಕುಲು ಪೊಣ್ಣನ್ ತೂಯಿ ಸಾಸ್ಕೊ ಮಲೆರ್, ಗಟ್ಟಿಮುಟ್ ಶರೀರೊದ ಪೊರ್ಲುದ ಪೊಣ್ಣು. ಮಾತೆಡ್ ಮಲ್ಲವು 'ಬೆನ್ನಿಯೇ ಬದ್ಕ್' ಪಂಡ್ದ್ ನಂಬ್ನಾಲ್, ಒತ್ತೊಂಡರ್. ಪೊಣ್ಣನ್ ಆರೆ ಇಲ್ಲದಕುಲು ಲೆಪ್ಪುನೆ ಪೆರ್ಗಡ್ತಿ, ಹೆಗ್ಗಡಿ ಶಬ್ದದ ತದ್ಭವ ಪದೊ, ನಿಜ ಅರ್ತೊಡುಲ ಈ ಪೊನುಂಜೊ ಹೆಗ್ಗಡಿಯಾದಿತ್ತೆರ್, ಕುಟುಮೊದ ಇಲ್ಲದಕುಲು ಈ ಪೆರ್ಗಡ್ತಿನ ಸಲುವಾದ್ ಪಾತರೊಂಜಿನ್ ಕಟ್ಸ್ದಿತ್ತೆರ್ ಪೆರ್ಗ ಪೋಯಿನವುಲು ಪೇರ್ ಉರ್ಕಾರು. ರೈಕುಲೆ ಕೈನ್ ಪೆರ್ಗ ಯಾನೆ ಕಲ್ಯಾಣಿ ಪತಿಯ, ಸೇ ಅರಿನ್ ಬಲತ್ತ ಕಾರ್ಡ್ ದಂಟ್ ಕೆದಂಬಾಡಿ ಇಲ್ಲದ ಉಲಾಯಿ ಪೊಗೈರ್, ಕಲ್ಯಾಣಿ ಅಪ್ಪನ 'ಬೂಮ್ಯಪ್ಪೆನ ಮಟ್ಟೆಲ್ಡ್ ಮಲ್ಲಿ ಪುಣೆಪ್ಪಾಟೊ' ಕೆದಂಬಾಡಿ ನಂದನವನ ಮಲ್ತ್ಂಡ್. ರೈಕುಲು ಕೆದಂಬಾಡಿದ ಮಣ್ಡ್ ನಾಟ್ ಬುಲೆ ದೆತ್ತೆರ್. 'ಆದರ್ಶ ಕೃಷಿಕೆ' ಪನ್ನಿ ಪುದಾರ್ ಪಡೆಯೆರ್. ಪ್ರಶಸ್ತಿ ರೈಲೆನವಾಡ್, ಪಡೆಯರ ಪ್ರೇರಕಶಕ್ತಿಯಾದ್ ಕಲ್ಯಾಣಿ ಅಪ್ಪೆ ನೆಗದ್ ತೋಜಿಯೆರ್. ಅಪ್ಪೆ ಕಲ್ಯಾಣಿಗ್ ಆಜಿ ಜನೂ ಜೋಕುಲು, ಸುರುದಾಲ್ ಶಾಂಭವಿ, ಕರಿಪೋಯಿನ ಸುರುದ ಬುಡೆದಿನ ಪುದಾರ್ನೆ ಮಗಳೆಗ್ ದೀಡ್ದ್ ಆರೆ ನೆನೆಪುನು ನಿತ್ಯೋ ನೆನೆಪಿಲೆಕೊ ಮಲ್ಲೆರ್, ರಡ್ನನದಾಲ್ ಜಗನ್ನೊಹಿನಿ, ಮೂಜನೆದಾಯೆ ಈ ಬರಾವುದ ಲೇಖಕರೆ ತಿಮ್ಮಪ್ಪ, ನಾಲನೆದಾಯೆ ಅನಂತರಾಮ, ಐನನೆದಾಯೆ ಲಕ್ಷ್ಮೀನಾರಾಯಣ, ಆಜನೆದಾಲ್ ಲಲಿತ ಇನಿಲಾ ಜತ್ತಪ್ಪ ರೈಲೆನ ಪತ್ತೆ ಜೋಕುಲುಲಾ ಉಲ್ಲೆರ್, ರೈಕುಲು ಜೋಕುಲೆಗ್ ಏತ್ ಬದ್ಕ್ ಕೊರುತೆರ್, ಬಂಗಾರ್ ಕೊರ್ತೆರ್ ಪನ್ನುವ ಪ್ರಶ್ನೆ ಮೂಲು ಬಜೀ ಎಲ್ಲಿಯಾವು. ಆಂಡ ಆ ಪತ್ತೆ ಜೋಕುಲೆನ್ ಆರ್ ಏತ್ ಪೊರ್ಲುಡು ತೂತೆ, ಏತ್ ಕೊಂಡಾಟೊಡು ಸಾಂಕ್ ಪನ್ನುನವು ಮಲ್ಲವು. ಅಡ್ಡಾ ಎಂಕುಲು ಪತ್ ಜೋಕುಲುಲಾ ಪನ್ನುನ ಪಾತೆರೊ ಒಂಚೆ ಎಂಕುಲೆ ಅಪ್ಪಗ್ ಎಂಕುಲೆ ಅಪ್ಪನೇ ಸೈ. ಪತ್ನಿ ಜೋಕುಲೆಗ್ಲಾ ಆರ್ನ ಸಕ್ತಿ ಮೀರ್ದ್ ವಿದ್ಯೆ ಕೊರ್ತೆರ್, ಬದುಕುವ ಸಾದಿ ತೋಜಾತೆ, ಅವು ನೂದೆಡ್ ತೊನ್ನೂ ಅಂಶ ಸದ್ವಿನಿಯೋಗೊ ಆತ್ಂಡ್. ಪಂತೊ ಮರಪುಕೊ ರೈಕುಲೆಗ್ ಎಂಕಲೆ ಪತ್ನಿ ಜೋಕುಲು. ಮೂಲು ಏನ್ ದಾಯೆ ಒತ್ತ್ದ್ ಕೆದಂಬಾಡಿ ಜತ್ತಪ್ಪ ರೈ / 30
