ಉಂದು ಯಾವಂದ? ದಿನೊ ಮಾತ್ರ ಅತ್ತ್ ವರ್ಸೊಲ್ಲ, ದುಂಬು ಪೋವೊಂದುಂಡು. ಇತ್ತೆ ರೈಕುಲು ನಾಲ್ ಬಾಲೆಲೆ ಅಮ್ಮ, ಮಾತೆರೆಡ್ ಮಲ್ಲಾಳ್ ಸೀತಾರಮ್ಮ, ರಡ್ಡನಾಯೆ ಗುರುದಾಸೆ, ಮೂಜನೆದಾಳ್ ವಂದನ, ನಾಲ್ಕೆದಾಯ ಜಗಮ್ಮೋಹನೆ. ಇತ್ತ ರೈಕುಲೆನ ಬದ್ಕ್ ಸರ್ವಜ್ಞೆ ಪಂಡಿಲೆಕೊ ಏತೊಂಜಿ ಪೊರ್ಲು. ಬೆಚ್ಚನೆಯ ಮನೆಯಿರಲು ವೆಚ್ಚಕ್ಕೆ ಹೊನ್ನಿರಲು ಇಚ್ಛೆಯನರಿತು ನಡೆವ ಸತಿ ಇರಲು ಸ್ವರ್ಗಕ್ಕೆ ಕಿಚ್ಚು ಹಚ್ಚೆಂದ ಸರ್ವಜ್ಞ ಕೆದಂಬಾಡಿಡ್ ರೈಕುಲು ನಿಲೆ ಊರುದು ಪತ್ತೆ ವರುಷೋ ಕರೀಂಡ್. ಬೆನ್ನಿ ಬಾಲೆ ಆಯಿನ ಆರೆ ಬದ್ಕ್ಗ್ ದಾಲಾ ಕಮ್ಮಿ ಇದ್ದಿ. ಅಂಡ ಆರ್ನ ಮುಂಡೊಡು ಬರೆಯಿನ ಬ್ರಹ್ಮನ ಬರೆವು ದಾದ ಪಂಡ್ದ್ ತೂಯಿನಕ್ಸಲ್ ಏ? ರೈಕುಲೆ ಬುಡೆದಿನ ಐನನೇ ಪೇತ್ ಆರೆನ್ಲಾ ಆರನಾ ಒಂಜಿ ದಿನೋತ ಪುರು ಪೊಣ್ಣು ಬಾಲೆನ್ಲಾ ಲೆತೊಂದು ಸ್ವರ್ಗೊಗು ಸೇರಾಂಡ್, ರೈಕುಲೆನ ಬದ್ಕ್ಡ್ ಬಿಡಿ ಪಿರ ಒರೊ ತನ್ನ ಗೊಬ್ಬುನು ಗೊಬ್ಬಿಯೆ. - ರೈಕುಲೆನ ತರೆಕ್ ತೆಡಿಲ್ ಹಾಕಿ ಲೆಕೊ ಆಂಡ್. ಪಿರ ಒರೋ ಆರೆನ್ ನಿದ್ರೆ ಬರಂದಿಲೆಕೊ ಮಲ್ತ್ಂಡ್, ನಾಲ್ ಜನೋ ಪುರು ಜೋಕುಲು ಅಯಿತೊಟ್ಟಿಗೆ ಪೇರಾದ್ ಬದ್ಕ್ ಪರಕ್ಕೊಲಿಲ್, ಪಾಡ್ ವರುಷೋ ತನ್ನೊಟ್ಟಿಗೆ ನೀ ದೂರದ ಪಿರ ಬರಿಯಾರ ಆವಂದಿ ಊರುಗು ಪೋಯಿನ ಪಿರೀತಿದ ಬುಡೆದಿ ಬುಡ್ದ್ ಪೋಯಿನ ಸೊತ್ತು. ಈ ಸೊತ್ತುನು ಕಾಪೊಡು, ಒರಿಪೊಡು, ಕರಿಪೋಯಿ ಬುಡದಿಗ್ ಆ ಸಂದಾವನ ಕಾಣಿಕೆ ಉಂದುವೆ. ದಿನಕುಲು ದುಂಬೊತ್ತೊಂದೆ ಉಲ್ಲೊ, ಬುಡೆದಿ ತಯಿತ್ ಮೂಜಿ ನಾಲ್ ವರುಷೋಲೆ ಸಂದ್ಂಡ್. ಪೊಡಿ ಜೋಕುಲೆ ಆರೈಕೆಡ್ ಬುಡೆದಿನ ನೆನಪು ದೂರೊ ಆವೊಂದು ಬನವು ಸತ್ತೋ, ನೆನಪಾಯಿನ ಒಂಜಿ ಘಳಿಗೆ ಇದ್ಯಂದೆ ಆಯಿ ಆ ಪುಣ್ಯ ಜೀವೊಗು ಒಂಜಿ ಬೊಟ್ಟು ಕಣವೀರ್ ದೆತ್ತೊಂದಿತ್ತೆರ್. ನಾಲ್ ಪುರು ಜೋಕುಲು, ಆಯಿನ ತಾಂಕನೊದ ಪುದೆ ಎಲ್ಯ ಆತ್, ರೈಕುಲೆ ಬಂಜಿ ತಯಿ ಹಿರಿಯಾಕುಲು ರೈಕುಲು ಒಪ್ಪೋಡಾಯಿನನ ಸಂಗತಿ ಪಂಡೆರ್' ಪಿರ ಒರೊ ಮದಿಮ್ಮೆ ಆಲ, ಕೈ ಪತ್ತ್ ಬತ್ತಿನಾಲ್ ನಿನ್ನ ಜೋಕುಲೆಗ್ ಅಪ್ಪೆಲಾ ಆಪಲ್ ರೈಕುಲು ಅಳತ್ತೆ, ದೊರಿತ್ತೆರ್, ಹಿರಿಯಾಕುಲೆ ಪಾತೆರೊ ಸತ್ತೊ ಪಂಡ್ಬಾಂಡ್, ತನ್ನ ಬಲ ಪರಕುಂಟು ಆಪುನ ಬೊಡ್ಡಿ, ತಾನ್ ನಂಬಿಂಚಿತ್ತಿ ಅಪ್ಪೆ ಕಲ್ಲುರ್ತಿ ದೈವೊ ಕೆದಂಬಾಡಿ ಜತ್ತಪ್ಪ ರೈ / 29
