ಪಲೆ ನಾರಾಯಣ ರೈಲೆಗ್ಲಾ ಗುರ್ತೊದಾರ್. ಆರ್ ಕೆಲವು ಕೇಸ್ಡ್ ವಾಡೊ ಮಲ್ತ್ದ್ ಗೆಲ್ಲಾದ್ ಕೊರ್ತ. ಈ ಪೊರ್ತುಡು ರೈಕುಲೆನ ಹಿರಿಯಾಕುಲು ಬಂಟ ಸಮಾಜೋದ ಈ ಹಿರಿಯಾರ ಆಡೆಗ್ ಪೋಯೆರ್, ಪೂಜ್ಯ ಖಾವಂದರೆ -- ರೈಕುಲೆ ನಡುವ ನಡಪ್ಪಿ ಕಿತಾಪತಿದ ವಿಷಯೊ ಪಂಡೆರ್, ಖಾವಂದರೆ ಪಾತೆರೊಗು ಅಲ್ಲ ಮಣಿ ಕೊರೊಡಾತೆ, ರೈಕುಲೆನ್ ನಾವೂರುಡ್ಡು ಲೆಪ್ಪಡಾಯರ ಈರೆನ ಸಾಯೊ ಬೋಡು ಪಂಡ್ದ್ ಕೇನೊಂಡೆ. ರೈಕುಲೆನ ಅಣ್ಣನ ಸವಿನಯ ವಿನಂತಿ, ಹಿರಿಯಕುಲೆನ ಕಳಕಳಿ ಮಾಯಿಲ ರೈಕುಲೆಗ್ ಅರ್ತೊ ಆಂಡ್. ಮಾತೆನ್ಲಾ ಎಡ್ಡೆಟ್ ಮುಗಿಪುವೆ ಎಡ್ಡ ಆಪುಂಡು ಪನ್ನಿ ಭರವಸೆ ಆರೆಡ್ ತಿಳ್ಕೊಂಡ್, ಇತ್ತ ರೈಕುಲೆ ಹಿರಿಯರ ಮನಸ್ಗ್ ತಲೆನೊ ಆಂಡ್. ಪುತ್ತೂರುದ ಕೊಂಬೊಟ್ಟುಡು ಮಾಯಿಲ ರೈಕುಲೆನ ಇಲ್ಸ್ ಆಡೆಗ್ ರೈಕುಲೆನ್ ಬಾವೊಂಡೆರ್. ಆನಿದ ದಿನೊ ಮಾಯಿಲ ರೈಕುಲೆ - ರೈಕುಲೆನ ನಡೂಟು ದಾನ ಪಾತೆರೊ ಆತ್ಂಡ್ ಗೊತ್ತಿದ್ದಿ. ಆ ಮಟ್ಟಿಗ್ ರೈಕುಲು ಏರಡಲ, ಏಪೊಲಾ ಬಾಯಿ ಬುಡ್ಸ್ಜೆರ್. ಎಂಚನೇ ಆವಡ್ ರೈಕುಲೆನ್ ನಾವೂರು ಬುಡಿಯರ ಒಪ್ಪಾಯೆರ್. ಮನದಾನಿಯೇ ಮಾಯಿಲ ರೈಲೆನ ಜೋಡುಬೋರಿದ ಸಾರೋಟು ಗಾಡಿ ರೈಕುಲೆ ಒಟ್ಟಿಗೆ ಧರ್ಮಸ್ಥಳೊಗು ಬಲಿತ್ತ್ಂಡ್, ಅವುಲು ಖಾವಂದರೆನ ಭೇಟಿಯಾಂಡ್. ನಡುಟಿತನ ಮಾಯಿಲ ರೈಲ್ ಬಾಯಿ ಬುಡ್ಡುಜೆರ್, ಖಾವಂದರೆನ ಮೋನೆದ ಆ ತೆಲಿಕೆ, ದೈವೀಕ ತೇಜಸ್ ರೈಕುಲೆನಾಲ ಬಾಯಿ ಮುಚ್ಚಾತ್ಂಡ ದಾನ್ನೊ? ರೈಕುಲು ಖಾವಂದರೆ ಪ್ರತೀ ಪಾತೆರೊಗುಲ ತರೆ ಆಡಯರ್. ಒಪ್ಪಿಗೆ ಕೊರಿಯರ್, ಖಾವಂದರೆ ಅಬೇರಿದ ಪಾತರೂ ಮದಪ್ಪಿಂದಿನವು ಈ ನಾವೂರು ಬುಡೋಡು, ನಿನ್ನ ಎಲ್ಲೆದ ಬಕ್ಗ್ ಇಂಬು ಕೊರುವ ಜವಾಬ್ದಾರಿ ಎನ್ನವು ಆ ಪಾತೆರುನ ಮಂಜುನಾಥಗ್ ಮಗುರುತ್ತರ ಕೊರಂದೆ ರೈಕುಲು ನಾವೂರುಗು ಬತ್ತೆರ್, ನನ ಈ ನಾವೂರು ಬುಡೊಡು, ಇ ಬುಕ್ಕೂ ಈ ಕಂಡೊ ಕೈಕಂಜಿ, ಬುಳೆಭಾಗ್ಯೂ, ಕಾಡ್, ಮೇಡ್ ಒವುಲಾ ಎನ್ನವು ಆತ್. ಎನ್ನ ನಂಟೆರಾದ್, ಇಷ್ಟೆರಾದ್ ಒಟ್ಟಿಗೆ ನಲಿತ್ತಿ ಈ ಊರುದ, ನಿರೆತ ಊರುದ ಸಾವಿರೂ ಜನೊ ಇನಿಡ್ದ್ ಬೊಕ್ಕೊ ಎನ್ನಕುಲತ್ ಪನ್ನಗ ಆರೆ ಬಂಜಿಗ್ ಪರ್ತೊ ಬೀಸ ಪಾಡಿಲೆಕೊ ಆಂಡ್. ಶ್ರೀ ಕ್ಷೇತ್ರ ಬುಡ್ದ್ ಬನ್ನಗ ಖಾವಂದರೆಡ ಒಂಜಿ ಪಾತೆರೊ ಪಂಡ್ದಿತ್ತೆರ್. ಈ ಪಾತೆರೊಗು ಎನ್ನ ಒಪ್ಪಿಗೆ, ಎನಡ್ದಾದ್ ಶ್ರೀ ರತ್ನವರ್ಮ ಹೆಗ್ಡೆರ್ ಸಾದಿ ತಪ್ಪೆ ಪನ್ನುನ ಪೋಡಿಗೆ ಈರ್ನಾವು, ಆಯಕ್ಕಾತ್ರ ಏನ್ ಬದ್ದ್ ಇತ್ತಿನಾತ್ ದಿನೊ ಮುಟ್ಟ ಶ್ರೀ ರತ್ನವರ್ಮ ಹೆಗ್ಡೆರನ್ ಬೇಟಿಯಾವಯೆ! ಈ ಪಾತೆರೊನು ರೈಕುಲು ರತ್ನವರ್ಮ ಹೆಗ್ಡೆರೆನ ಜೀವಿತೊದ ಅಂಗ್ ಮುಟ್ಟಲಾ ಕೆದಂಬಾಡಿ ಜತ್ತಪ್ಪ ರೈ 27
