ವಕೀಲೆ ಕೆದಂಬಾಡಿ ನಾರಾಯಣ ರೈಕುಲು ಖಾವಂದರೆ ಪರವಾತ್ ಕೆಲವು ಕೇಸ್ಡ್ ವಾದೊ ಮಲ್ಕಿನಾರ್, ತಮ್ಮಲೆ ಡಾ. ಮಂಜುನಾಥ ರೈಲು ಮದ್ರಾಸ್ಡ್ ವೈದ್ಯವೃತ್ತಿ ಮಲ್ಲೊಂದಿತ್ತೆರ್ಂಡಲಾ ಆ ದಿನೊಡು ದ.ಕ. ಜಿಲ್ಲೆ ಮದ್ರಾಸು ರಾಜ್ಯದ ಆಳ್ವಿಕೆಗ್ ಸೇರ್ ಇತ್ತ್ಂಡ್, ಮದ್ರಾಸು ಸರಕಾರೊಡು ಯೋಗ್ಯ ಸ್ಥಾನೊಡಿತ್ತಿನ ಖಾವಂದರೆಗ್ ಡಾ. ರೈಕುಲು ಸೀದಾ ಗುರ್ತೊದಾರೆ, ಈತ್ ಜನೊಕ್ಲಗ್ ರೈಕುಲೆನ ವಿಷಯೊನು ತೆರಿಪಾವೊಡು. ಸೀದಾ ರೈಕುಲೆಗ್ ತೆರಿಪಾಂಡ ಆರ್ ಒಪ್ಪಾಯೆರ್. ಎದುರು ಉಂತುವೇರ್, ಆಯಾ ಜನೊಬ್ಬಲ ಉಂಡು. ಜವ್ವನೊದ ನುರ್ಕು, ಸೊರ್ಕು ಉಂಡು ಪೋಡಿ ಪಾತ್ ಅಪುನ ಕೆಲ ಆತ್ಮ ಆರ ಹಿರಿಯಾಕುಲೆಗ್ ತೆರಿಪಾವೊಡು, ಕಾರ್ಯೊ ಕೈಟಾವೊಡು ಪಂಡ್ದ್ ಎನ್ನಿಯೆರ್. ಖಾವಂದೆರೆಡ್ ತೆರಿನ ವಿಷಯೊ ರೈಕುಲೆನ ಹಿರಿಯಾಕುಲೆಗ್ ತರೆಕ್ ತಡಿಲ್ ಬೂರಿಲೆಕೊ ಆಂಡ್, ಶ್ರೀ ಕ್ಷೇಗು, ಶ್ರೀ ಖಾವಂದೆರೆಗ್ ಎದುರು ಉಂತುನವು ಮೊಕುಲು ಕನಟ್ಲಾ ನೆನಪ್ಪಂದಿ ವಿಷಯೊ, ಖಾವಂದರೆ ಪಾತೆರೊ ಮಗ್ರುತ್ತರೋ ಇದ್ದಿಯಾಂದಿನವು, ರೈಕುಲೆನ್ ಊರುಗು ಬರಿಯರೆ ಪಂಡರ್, ನಾವೂರು ಬುಡುದು ಊರುಗು ಬಲ ಪಂಡೆರ್, ದಾಯೆ, ದಾನೆ ಪಂಚಿತ್ತಿ ವಿಷಯೊ ರೈಕುಲೆಗ್ ತೆರಿಯು, ಹಿರಿಯಕುಲೆ ಪಾತೆರೊಗು ಇಡೆ ಮುಟ್ಟ ರೈಕುಲು ಎದುರುತ್ತರೂ ಕೊರ್ಟ್ಜೆರ್. ಆಂಡ ಇನಿತ ಪ್ರಶ್ನೆ ಅವು ಆರ್ನ ಮನೊದ ಪ್ರಶ್ನೆ, ಮೂಲು ಇಚ್ಛೆ ಪ್ರಾಣೋ ಎಲ್ಕವು. ಹಿರಿಯಾಕುಲೆಡ ನೂದು ಪ್ರಶ್ನೆ, ನೂದು ಸಮಜಾಯಿಸಿಗೆಗ್ ಒಂಜೇ ಉತ್ತರೂ ಕೊದು ಪಿರ ನಾವೂರುಗು ಬತ್ತೆರ್, ಉಂದೆಡ್ ದುಂಬು ಏನ್ ನಿಕುಲೆಗ್ ಸಾವಿ ತಪ್ಪು ಮದಿಷ್ಟೆ. ಆಂಡ ಅವು ತಪ್ಪು ಅತ್ತೆ ಮಗಾ ಪೂರಾ ಒಪ್ಪು ಪಂಡ್ದ್ ಅರಾತ್ ತಿಗಲೆಗ್ ತರ್ಕೊಂಡೆರ್, ಆಂಡ ಇನಿ ಏನ್ ಮಲ್ಬಂದಿ ತಪ್ಪುನು ಒಪ್ಪೋನು ಪನ್ಸರ್. ಅವು ಆವಂದ್, ಎಂಚಿನವೇ ಬರಡ್ ಅಯಿನ್ ಏನ್ ಎದಿರ್ಸಾಪೆ ಇತ್ತೆ ಹಿರಿಯಕ್ಲೆಗ್ ತರೆ ಬೆಚ್ಚ, ಖಾವಂದರೆ ಪಾತೆರೊ ಮೀರ್ಯರ ಆಪುಜಿ. ಜತ್ತು ಪಂಡಿಲೆಕೊನೆ ಕೇನುಜೆ. ಸಸಾರೊ ಮಲ್ಪಂದಿ ವಿಷಯೊ. ಶ್ರೀ ಕ್ಷೇತ್ರ ಧರ್ಮಸ್ಥಳದ ವಿಷಯೊ ಅತ್ತ. ಹಿರಿಯಕುಲೆನ ಆಲೋಚನೆ ಮಸ್ತ್ ದುಂಬು ಪೋಪುಂಡು, ರೈಕುಲೆನ್ ನಾವೂರುಡ್ಡು ಊರುಗು ಪಿರ ಲೆತೋಂದು ಬರುಪು ಮಾತ್ರ ಅತ್ತ್ ಆರ್ನ ಬುಕ್ಕೊದ ಬದ್ಕ್ ಒಂಜಿ ವ್ಯವಸ್ಥೆ ಮಲ್ಲುನ ಜವಾಬ್ದಾರಿಲ ಉಂಡು. ಈ ಪುದೆಲ ಎಲ್ಯ ಅತ್ ಬೊಳ್ಳಿಪ್ಪಾಡಿ ಯಜಮಾನ್ ಮಾಯಿಲ ರೈಕುಲು ಆನಿಲ ಪದ್ಮನಾಜಿ ಸಾವಿರೊ ಮುಡಿ ಅರಿ ಹುಟ್ಟುವಳಿ ಬರಿ ಭೂಮಿದ ಒಡೆಕ್ಕಾರೆ. ಪೂಜ್ಯ ಖಾವಂದರೆ ಆಪ್ತ, ರೈಕುಲೆನ ಕೆದಂಬಾಡಿ ಜತ್ತಪ್ಪ ರೈ 126
