ರೈಕುಲೆನ ಇಲ್ಲಾಡ್ ಊರುದ ಲೆಕ್ಕೊ ಇದ್ದಾಂತಿನಾತ್ ಪಂಚಾತಿಕಲ್ ಆತ್ಂಡ್. ಪಗನಾಕುಲು ಆತ್ ಆರೆ ಇಲ್ಲ ಮೊಟ್ಟು ಬಡ್ಸ್ ನಾಕುಲು ಪಿದಾಡ್ನಗ ಮೆಗಿ ಪಲಯ ಲೆಕೊನೆ ಪುಗೇಲ್ಗ್ ಕೈ ಪಾಡೊಂದು ಜತ್ತೊಂದು ಪೋವೊಂದಿತ್ತೆರ್. ಉಂದು ರೈಕುಲು ಕೊರ್ನ ಪಂಚಾತಿಕದ ತೀರ್ಪುದ ತಾಕತ್ ರೈಕುಲು ನಾವೂರುಡು ಬದುಕೊಂದಿತ್ತಿನ ರೀತಿ, ಅಯಿಟ್ ಸಂಸ್ಕಾರೊದ ಪೊರ್ಲುಲಾ ಇತ್ತಂಡ್, ಆರೆನ ಗತ್, ದೇಖಿ, ಪಾತೆರೊದ ಪೊರ್ಲುಗು ಬೆಕ್ಕಸೊ ಆಯಿನಕುಲು ಊರುದಕುಲು ಮಾತ್ರೆ ಅತ್ತೆ ಆರೆನ ಸಮೊ ಪ್ರಾಯದ ಧರ್ಮಸ್ಥಳೊದ ಶ್ರೀ ರತ್ನವರ್ಮ ಹೆಗ್ಡೆರುಲಾ, ಕ್ರಮೇಣ ರೈಕುಲು ಶ್ರೀ ಹೆಗ್ಡೆರೆನ ಆಪ್ತರಾಯ, ನಂಬಿಕೆದ ಬಂಟೆ ಆಯರ್, ರೈಕುಲನಲಾ - ಹೆಗ್ಡೆರೆನಲಾ ದೋಸ್ತಿದ ವಿಷಯೊ 'ಪಾತೆರುನ ದೇವೆರ್' ಪಂಡ್ದ್ ಖ್ಯಾತಿ ಪಡೆಯಿನ ಆನಿದ ಧರ್ಮಸ್ಥಳದ ಧರ್ಮಾಧಿಕಾರಿಲು ಪರಮಪೂಜ್ಯ ಶ್ರೀ ಮಂಜಯ್ಯ ಹೆಗ್ಡೆರೆಗ್ಲಾ ತರಿದಿತ್ತ್ಂಡ್. ದಿನೊಕುಲು ಪಾರೊಂದು ದುಂಬು ಪೋಪೊ. ಅಯಿತೊಟ್ಟಿಗೆ ಕತೆಕುಳು ಸಾರೊಂದು ಪಿರಾವುಡೆನೇ ಬರುಪೊ, ನಾವೂರು ಸುಳ್ಳೋಡಿದ ನೀರ್ದ ಋಣ'ಲಾ ರೈಕುಲೆ ಪಾಲ್ಗ್ ಮುಗಿಯೊಂದು ಬತ್ತ್ಂಡ್, ಜವ್ವನದ ನುರ್ಕೊ? ಘಳಿಗೆದ ದೊಷನೊ? ಪರಮಪೂಜ್ಯ ಖಾವಂದರ್ ಕೆಲವೆರೆನ ಕೆಲವು ವಿವಾದೊಡು ಕೊರಿ ತೀರ್ಪುಲೆನ್ ರೈಕುಲು ವಿಮರ್ಶೆ ಮಲ್ವಿಯರ ಸುರು ಮಲ್ಪೆರ್. ಕೆಲವೆರೆನ ಪರವಾದ್ ಉಂತುದು ಕೊರಿ ತೀರ್ಪುಲೆಗ್ ತಿರ್ಗ್ತ್ ಉಂತಿಯರ ಸಾಯೊ ಕೊರಿಯೆರ್. ಶ್ರೀ ಖಾವಂದರೆಗ್ ವಿಷಯ ತೆರೀಂಡ್. 'ಈ ಸರಿ ಸಾದಿಡ್ ಪೋಪುಜ' ಪಂಡ್ದ್ ರೈಕುಲೆಗ್ ತೆರಿಪಾಯೆರ್. ಆಂಡ ಅವಗ ರೈಕುಲು ಪಿರ ಬರಾಂಗ್ನಾತ್ ದೂರೊ ಪೋತು ಆತ್ಂಡ್. ರೈಕುಲೆನ ಸಹವಾಸ ದೋಸೆ ತನ್ನ ಮಗನ್ಲಾ ಎಲ್ಲೆ ಸಾದಿ ತಪ್ಪಂಡ? ಉಂದು ಖಾವಂದರೆ ಉಡಲ್ಪ ಬೇನೆ. ರೈಕುಲೆನ ಇಷ್ಟೊನು ದೂರೊ ಮಲ್ಪುನವು ರತ್ನವರ್ಮ ಹೆಗ್ಡೆರೆಗ್ಲಾ ಸುಲಬೂದ ಕೆಲಸೊ ಅತ್ತ್. ಈ ಇಷ್ಟೆರೆ ನಡುಟ್ಟು ಖಾವಂದರ್ ಪ್ರವೇಶ್ ಅನಿವಾರ್ಯ ಆಂಡ್. ಅಕುಲೆನ್ ದೂರೊ ಮಲ್ಲೊಡು ಪಂಡ್ದ್ ಎನ್ನಿನ ಖಾವಂದರ್ ಬಯಕೆಗ್ ಎಡ್ಜ್ಜಿ. ಖಾವಂದರ್ ಮನಸ್ಡ್ ಎನ್ನವು ನಡದೇ ತೀರೊಡು. ಅವು ಆರ್ ಎನ್ನಿನವು ಈತೆ 'ರೈಕುಲು ನಾವೂರು ಸುಳ್ಳೋಡಿ ಬುಡೊಡು ಮಾತ್ರವತ್ ಬೆಳ್ತಂಗಡಿಟ್ಟೇ ದೂರೊ ಆವೊಡು. ನೇರೊಡು ರೈಕುಲೆಗ್ ಈ ಪಾತೆರೊನು ತೆರಿಪಾಂಡ ಆರ್ ಅಯಿಕ್ ಒಪ್ಪಾಯೆರ್ಂಡ್ಲಾ ಗೊತ್ತುಂಡು. ರೈಕುಲೆನ ನೆಂಟೆ ಇಷ್ಟೆರ್ಪೂರಾ ಖಾವಂದರೆನ ಭಕ್ತರ್, ನೇಲ್ಮಮ್ಮೆ ಕೆ.ಪಿ. ವೆಂಕಪ್ಪ ಶೆಟ್ನಾಳ್ ಖಾವಂದರೆ ಸಾಹಿತ್ಯ ಸಲಹೆಗಾರ, ವೈದ್ಯೆ ಪಲಯೆ ಪುದಾರ್ಪೋಯಿ ಕೆದಂಬಾಡಿ ಜತ್ತಪ್ಪ ರೈ 125
