ಸುದ್ದಿನ್ ನೂದು ಸರ್ತಿ ಪಂಡೊಂದಿತ್ತೆರ್. ಆ ಅಪ್ಪೆನೆ ದೂರೊದ ಬಂಗಾಡಿದ ಸೀತು ಬಂಡಾರಿ, ಏರ್ಾ ಇದ್ದಿಯಾಂದೆ ಒಬ್ಬಂಟಿಯಾದ್ ಇತ್ತ್ನ ಈ ಜವ್ವನನ ಮಿತ್ ಆರೆಗ್ ಮಸ್ತ್ ಮೋಕೆ. ಆರ್ ಇಲ್ಲಷ್ಟೇ ರೈಕುಲೆಗ್ ಚೆಂಬು ಚೆಂಬು ಆಳೆ ಕಡಪ್ಪುಡೊಂದಿತ್ತೆರ್. ಅವ್ವ ಸೀತು ಭಂಡಾಲನ ಪುಳ್ಳಿ ಇನಿ ನಮ ಒಟ್ಟಿಗೇನೆ ಉಲ್ಲೆರ್. ಆರ್ ಪುದಾರ್ಪೋಯಿ ಜೋಯಿಸೆ, ಯಕ್ಷಗಾನೊಗು ಪ್ರಸಂಗೊಲೆನ್ ಬರೆಪ್ಪುನ ಅನಂತರಾಮ ಬಂಗಾಡಿಯರ್. ಕೆಲವಾಜಿ ಅಂಕೊ ಆಯನೊಲೆಡ್ ಅನಂತರಾಮ ಬಂಗಾಡಿಯೆರೆಲಾ ರೈಕುಲೆನಲಾ ಭೇಟಿಯಾವೊಂದಿತ್ತ್ಂಡ್. ಗುರ್ತೊದಕುಲೆಗ್ ರೈಕುಲು ಬಂಗಾಡಿಯೆರೆನ್ ಎನ್ನ ಕುಟುಂಬೊದಾಯೆ' ಪಂಡ್ದೇ ಗುರೋ ಮಲ್ಲೊಂದಿತ್ತೆರ್. ಅಪ್ಪ ಸೀತು ಭಂಡಾರಿಯ ಕೊರಿ ಪೇರ್ ಅಳ ರೈಕುಲೆನ್ ಆರ ಕುಟುಮೊದಾರಾತ್ ಮಲ್ತ್ಂಡ್.ತ ಕೊರಿ ಇಲ್ಲಾಲ್ ಬಂಗಾಡಿಯೆ ವರಿ ಇಲ್ಲಾದ ರೈಕುಲೆನ ಕುಟುಮೊದಾರಾಯ. ಸಮ್ಮಂದೊ ಓಲು ಪುಟ್ಟುಂಡೋ, ಅಯಿಕೆ ಓಲು, ಏಪೂ ಬಿಲೆ ತಿಕ್ಕೊಂಡೋ ಪಂಡ್ದ್ ಏರೆಗ್ ಗೊತ್ತು? ನಾವೂರು ಸುಳ್ಳೋಡಿಡ್ ಇತ್ತ್ನಾಲ್ ದಿನ ರೈಕುಲೆನ ಮನಸ್ ಪೂರ್ತಿ ನೆಮ್ಮದಿಟ್ ಇತ್ತ್ಂಡ್. ಮೂಲು ಅರನ್ ಕೇನುನಕುಲು, ಆರೆಗ್ ಪನ್ಪುನಕುಲು ಏರ್ಾ ಇದ್ದಿ. ನಿರೆಕರತ ಮಾತಾ ಜಾತಿದ ಜನೊಕುಲೆನ್ ಸೇರಾದ್ ಗಮ್ಮತ್ತು ಮಲ್ಲುನವು ಆರ್ನ ನಿನ್ನೊಕಸುಬು, ಆಂಡ ಒಂಜಿ ಪಾತೆರೊ ಪನೊಡೆ ಆರ್ ಮಲ್ಲುವ ಗಮ್ಮತ್ಡ್ ಏರ್ಗ್ಲಾ ಬೇನೆ ಅವಂದ್. ಆಂಡ ಮಾಸೊದ ಕಜಿಪುದ ಗಮ್ಮತ್ದ ಒಣಸ್ ಮಾತ್ರೆ. ನಾವೂರು ಸುಳ್ಳೋಡಿಡ್ ಪಡೀಲ್ ಬೂರ್ನ ಭೂಮಿ ಬೆನ್ನಾಲೆ ರೈಲನ ಬೆನ್ನಾಟೆಕೆಡ್ ಬಂಗಾರ ಬುಲೆ ಕೊರ್ಂಡ್, ಬೆನಂದ ಒರಿನ ತುಂಡು ಭೂಮಿಲಾ ಇದ್ವಿ. ಆಂಡ ಬುಳೆ ಪೂರಾ ಇಲ್ಲಗ್ ಎತ್ತುಜಿ, ಮುಕ್ಕಾಲು ಪಾಲ್ ಕಾಡ ಮುರುಗೊಲೆನ್ ಬಾಯಿಗ್ ರಾಪಿ ಪಕ್ಕಿಲೆನ ಕೋಕಯಿಗ್ ಆಪುಂಡು, ಒರಿನ ಕಾಲಂಶೂ ರೈಲೆನ ಇಲ್ಲದ ಖರ್ಚಿಗ್ ಸರಿ ಆಪುಂಡು. ಭೂಮಿದ ಬುಲೆತ ಮಟ್ಟಿಗ್ ಆರೆನ್ ಇಲ್ಲದಕುಲು ದಾಲಾ ಕೇನುಜೆರ್. ಆಂಡಲ ಈತ್ ಬಂಗ್ಲಾ ದಾಲಾ ಒರಿಪ್ಪಿಯರೆ ಆಪುಜಿ ಅತ್ತಾ ಪನ್ನಿ, ಬೇನೆ ರೈಕುಲೆಗ್ ಉಂಡು. ನಾವೂರು ಬೊಕ್ಕೊ ಕೈತಲ್ದ ಊರುದಕುಲು ಮಾತಾ ರೈಕುಲೆನ ಬಿನ್ನೆರೇ ಆಯೆರ್. ರೈಕುಲೆ ಶರೀರೊದ ದೇಖಿ, ಪಾಡಿ ಅಂಗಿ ಕುಂಟುದ ಪೊರ್ಲು, ಪಾತೆರುನ ಗ ಆರನ್ ಓಲುಲಾ ನಗ ತೋಜಾವುಂಡು. ಊರುದ ಒವೇ ಅಂಕ ಆಯನೊ ಕೋಲೊಡು ರೈಕುಲು ಹಾಜರ್, ಅವುಲು ಆರ್ ಏಪೂ ಬರೆರ್ ಪಂಡ್ದೇ ಕಾಪುನಕುಲು ನೂದು ಜನೋ, ಕೆದಂಬಾಡಿ ಜತ್ತಪ್ಪ ರೈ : 24
