ನನ ಬೊಕ್ಕೊನೆ ರೈಕುಲು ಕಲ್ಲೊಡಾತೆ. ಬತ್ತ ಎತ್ತ ದಿನೊ ಬಮ್ಮ ಆಂಡ್, ಕತ್ತಲೆಲಾ ಆಂಡ್. ಎಲ್ಲೆದ ಕರಿಯೊಡಾಯಿನ ದಿನೊಕುಲೆನ ಆಲೋಚನೆಡ್ ರೈಕುಲುರ್, ದೂರದ ಬಂಗಾಡಿದಂಚಿಡ್ ಏರೋ ದುಡಿ ಬೊಟ್ಟುಪರ್, ಸಬೊ ಕೇನುಂಡು, ಅಯಿತೊಟ್ಟಿಗೆ ನಲಿಪುವೆರೋ ದಾನ್ನೋ, ದುಡಿ ದುನಿಪುನ ಶಬ್, ಬೆಂಗ್ಂಡ ಉಣುಂಬ, ಬೆಂಡ್ಂಡ ಉಣುಂಬ, ಬಂಜಾರೂ ಉಣ್ಂಬ, ಬಂಗಾಡಿಗ್ ಪೋಂಡ ಬಂಜಾರ ಉಣುಂಬ'. ದುಡಿ ದುನಿಪುನ ಸಮ್ಮೋನು ರೈಕುಲು ಅರ್ತೊ ಮಲ್ಲೊನ್ನ ರೀತಿ ಇಂಚಿನವು. ಸೂರ್ಯ ಕಂತ್ನ ಈ ಪೊರ್ತು, ಮಡಿಯಾತ್ ದೈವೂ ದೇವರೆಗ್ ಕೈ ಮುಗಿದ್ ಎಡ್ಡೆಪ್ಪುನು ನಟೊನುನ ಈ ಪೊರ್ತು ಎಂಕೇ ನನ ಮಿತ್ ಈ ಊರುಡು ಬದುಕುನೆಂಚಂದ್ ಪನ್ನುನ ಪ್ರಶ್ನೆಗ್ ಉತ್ತರೂ ಕೊರುಂಡಾಂದ್ ಆಂಡ್. ಅಂದ್ 'ಬೆಂದ್ಂಡ ಉಣುಂಬ, ಬಂದ್ಂಡ ಉಣುಂಬ' ಪುನ ಪಾತೆರೊ ಏತ್ ಸತ್ತೊ, ಅವು ಎನ್ನ ಪಾಲ್ ಜೀವನ ಮಂತ್ರೋ ಆವೊಡು "ಏನು ಜೀವನದರ್ಥ, ಏನು ಪ್ರಪಂಚಾರ್ಥ ಏನು ಜೀವ ಪ್ರಪಂಚಗಳ ಸಂಬಂಧ' ಪನ್ನಿಂಚಿತ್ತಿ ಮಂಕುತಿಮ್ಮನ ಕಗ್ಗದ ಪ್ರತಿ ಸಲ್ಲೋಲ ಆರೆನ ತರೆಟ್ಸ್ ತಿರ್ಗ್ಂಡ್. ನನ ಮಿತ್ತ್ ದಿನೊಕುಲು ಈ ಮಣ್ಡ್ ಏನ್ ಬೆನೊಡು. ಈ ಬಂಗಾರೊ ಮಣ್ಣ ಎನ್ನ ಬದ್ಲಾ ಬಂಗಾರೊ ಮಲ್ಪೆಡು. ಎಲ್ಲೆದ ಎನ್ನ ಪೊರ್ಲುದ ಬಲ್ಬಗ್ ಈ ಮಣ್ಣೆ ಪಂಚಾಂಗೊ ಆವೊಡು. ಇನಿ ಎನನ್ ದೂರೊ ಮನ ಎನ್ನಕುಲೆ ಎಲ್ಲೆ ಎನನ್ 'ಬಲ ಮಗಾ'ಂದ್ ಪಂಡ್ದ್ ಲೆಪ್ಪಿಲೆಕ ಆವೊಡು, ಎನ್ನ ಬದ್ಡ್ ಆಪುನ ಈ ಬದಲೆ ಈ ಮನ್ಸ್ಡ್ ಏನ್ ಬೆನ್ನಿನ ರೀತಿಡುಂಡು - ಪನ್ನುನ ಗಟ್ಟಿ ಮನಸ್ದ ನಿಶ್ಚಯೊ ರೈಕುಲೆನವು ಆ ಪೊರ್ತುದವು. = ರೈಕುಲೆನ ಮನಸ್ ನಿಶ್ಚಯೊ ನಿಶ್ಚಯೊ ಆತೇ ಒರಿಂಡಾ? ಅತ್ತ ಅವು ಕಾರ್ಯರೂಪೊಗು ಬತ್ತ್ಂಡ ಪನ್ನಿನ ದುಂಬುಗು ತೂವೊಲಿ. --- ಬೂಮಿನ್ ಪೊದಿತ್ತ್ ಕಡು ಕತ್ತಲೆ. ದೂರೊಡ್ಡು 'ಚೆನ್ನ ತನ್ನ ಚೆನ್ನ ಡೆನ್ನಾನ ಓ ಮಾಮಿ' ಪಂಚಿತ್ತಿ ಪೊರ್ಲ ಕಂಟ್ದ ಪೊಣ್ಣ ಸ್ವರೋ. ಓ ಈ ಊರು ಬಜೀ ಊರ ಮಾಮಲ್ಲ ಪೊರ್ಲುದ ಜನಪದ ಲೋಕೊ, ಪೊರ್ಲ ಕಂಟ್ ಮನಸ್ ಪಾದ ಜನೊಕುಲು ಈ ಊರುದಕುಲು, ಪರದಿನೊ ಪೂರಾ ಮರವೊಡು, ಏನ್ಲಾ ಈ ಊರುದ ಜನೊಕ್ಕುಲೆನ್ ಒಟ್ಟಿಗೆ ಒಂಜಾವೊಡು, ಬದ್ಕ್ರೆ ಬಂಜ ಆವಂದ್, ಆಲೋಚನೆ ಮಲ್ಲೊಂದೇ ರೈಕುಲು ಪಜೆ ಬುಡ್ಡಾಯೆರ್. ಜೆತ್ನಾರೆಗ್ ಗಡದ್ ನಿದ್ರೆ ದೇವೆರ್ ಪೊಡಿಯೆರ್. ಬೊಳ್ತಾಂಡ್. ಇಲ್ಲ ಸುತ್ತು ಲೆಕ್ಕೊಗು ಇದ್ಯಾಂದಿನಾತ್ ಕಾಟ್ರಿಲು ಕೆಲೆಪ್ಪಿಯರ ಕೆದಂಬಾಡಿ ಜತ್ತಪ್ಪ ರೈ / 22
